Matyu 8:4 - Oksapmin

⁴ Timbas hatporhan Gin go mama meng moh be han ihirnonghe poripra. Susa Got ohe ap yawar ohe hanat bok han ohnong pinggitinmur. Pinggitporhan oh wanahama Gin yah hahhe. Gin ongeng tahat pati han ire boknong tohohet son sup apin ina timbas hahhe ha dahatinoh rim gorhe ina oh sus pinggitinmur. Pinggima kuuhan ihir Gin ohe ina tohohet sapat moh timbas hat ma hapat daham ha am hatingwe rim Moses ohe rim ma brak matipru go apop tit pisusa hanat bok han ohnong apinmur. Apriporhan oh sum temar Got ohnong sa atiproh. Atporhan gwe tohohet sapat sup oh gin timbas hah ma hapat sa dahatipri por darhengopri.

Matyu 8:4 Iomraidhean Croise

Matyu 10:18

Yah hat orhorwi saptin ihir Maihir Jisas ohe nita ihir ma hapat napor gurnong Juda na hat pati han ire gapman ire bes teinong nahayao mong moh ohe kak hat pati han ire bes teinong nahayao nahatiprimur. Nahatperhan gurdapat oh ihirnongo Juda na hat pati han ihirnongo norhe yah meng oh porinmur.

Matyu 16:20

Porpat nuhurnong Gur ihirnong Ama han orhor Kraismur poripri napor nanggungop.

Matyu 17:9

Ihtiporhan ihir it wanhupari. Wandas mandap oh Jisas oh Gur mama wandeiya meng moh ripri. Kaput hanip brer nohnong napamsaporhan ma ihaya meng moh gur rinmur por anggut wangopri. Ihama wandangopa.

Matyu 3:15

Potporhan Jisas oh Es. Norhe ma dahapatru nahatina. Nahatporhan Got orhe Ihir ihat ha songwe dahapat mandapnong dimtiprohemuro. Ihyahan yahmuro pongopri. Potporhan Jon oh amrama tom patitipri.

Matyu 5:17

Jisas oh porpat ihirnong Gur nohnong Oh Got ohe meng porishe han ire mengo Moses ohe sawa mengo oh amkar mandatinmat apirhe dahapri. Basra. Noh ama ohe pe asoh dam ha timdinohrim apirmur.

Matyu 6:1

Jisas oh ameng oh porpat Gur Ihir nuhurnong wanahama moh yahnap hanhe rim ha armi nahatingwe rim gur ire kintei yah han hatin hat sasipri. Ihan gur ahar ihirnong panggeit pisashenmur. Ihat ahar na panggeit ayahanoh gure ita aw tei mahat ma pat han ohhe yan oh na napripramur. Ihan ahar damdapat ham panggeit pisashenmur.

Matyu 9:30

Adip matporhan kin watahangopa. Watahatperhan oh Gut sus ihirnonghe poripri por anggungop.

Mak oh yah meng ma brak matip meng oh 13:9

Gurnong dahanahatinmat dahanahapti han ire bes teinong nahayao rotu ap oh kapor nasariyao nahatipri ohoh ihan gurhe inin hat patim yah hat orhorwi sashenmur. Yah hat orhorwi saptin ihir Maihir Jisas ohe nita ihir ma hapat napor gurnong gapman ire bes teinong nahayao mong moh ohe kak hat pati han ire bes teinong nahayao nahatiprimur. Nahatperhan gurdapat oh ihirnong norhe yah meng ohwi porinmur.

Mak oh yah meng ma brak matip meng oh 3:12

Potperhan oh Gur nohnong oh ama han ohe brermur napor tirip hapri. Kimirinmur por baso por indeingopri.

Mak oh yah meng ma brak matip meng oh 5:43

Da ban tahatperhan Jisas oh kasip mengtei orhorwi Gur urhe yah hah meng moh rithe sasipri. Kimiritinmur por anggura Gin den tit pandina pongopri.

Mak oh yah meng ma brak matip meng oh 6:11

Ihat saptin tit ap mutuhnong tit sus patin ihir gar nahayao gure meng na amrayao hayahanoh ihir Diradir san ham ihirnong na amburiya ohe pe oh dirnong atnap batbet napripra ma hapat ha dahatingwe rim gur gure tong ohe huhun tambor oh hirmat mandam sonmur gipor darhengopri.

Mak oh yah meng ma brak matip meng oh 7:36

Hatporhan it apris Jisas oh Gur nohe mama pondei ohe meng mohri rithe sasipri por anggungopri. Gur mama meng mohri rit sasipri por anggutip orhor ihir na amrama isip mat orhor pot pisangopari.

Mak oh yah meng ma brak matip meng oh 8:30

Potporhan Jisas oh Gur ihirnong Oh ama han hat patmur poripri por baso por anggungopri.

Mak oh yah meng ma brak matip meng oh 9:9

Ihamo hama ihir yei ka oh mandama it ap mutuh waihpari. Wasa mandap oh Jisas oh kasip mengtei We. Gur mama wandeiya meng moh poripri. Kaput hanip brer noh hapura it masarit porinmur pongopri.

Ruk oh yah meng ma brak matip ohe meng oh 17:14

Potperhan Jisas oh ihirnong wamara Ei. Gur gure ina mong mong oh tohohet sapti oh gin yah hayado rim gur susa Got orhe ap yawar ohe hanat bok han ihirnong pinggitinmur pongopri. Potporhan ihir arpin amrama sangopari. Saptin orhor ire ina mong mong tohohet ma sapti oh timbas ham ama yah hatpa oh.

Ruk oh yah meng ma brak matip ohe meng oh 21:13

Ire duupnong nahatperhan gur norhe yah meng oh ihirnong potin kat oh pat hatipramur.

Ruk oh yah meng ma brak matip ohe meng oh 4:41

Yah mat pisaporhan mongsup oh ruumsan kuuhan ire mutuhdapat ga taper maras saperim akit kasip mengteiwi Jisas ohnong Go Got orhe brermuro pora ga taper maras saya saya hangopari. Ihat mengir maras saptin Jisas oh Mongsup ihir nohnong Got oh ihirnong sa amburipra daham nohnong kis naham ma nadarhetip han nohnong ihir am hat pati ohoh ihan ihir kuuhan ire kintei Moh Got orhe darhetip brerhe potipririm mongsup ihirnong baso pora indeingopri.

Ruk oh yah meng ma brak matip ohe meng oh 5:14

Timbas hat mandatporhan Jisas oh kasip meng tei Gin gwe ina er mama yah hah oh be han ihirnongri sus poripra. Got ohe ap yawarnong susa hanat bok han ohnongri pinggitinmur. Pinggitporhan oh wanahama Gin yah hahhe. Gin ongeng tahat pati han ire boknong tohohet son sup apin ina timbas hahhe ha dahatinoh rim gorhe ina oh sus pinggitinmur. Pinggima Gin kuuhan ihir ohe ina tohohet sapat moh timbas hat ma hapat daham ha am hatingwe rim Moses ohe napor ma brak matip mengru apop tit pisusa hanat bok han ohnong apinmur. Apriporhan oh sum temar Got ohnong sa atiproh gipor darhengopri.

Ruk oh yah meng ma brak matip ohe meng oh 8:56

Potporhan sup ihit gamin orhe pamsanong wamara It da pamsa moho daham ihithe sein bupang rim kas hatpari. Kas hatperhan Jisas oh sup ihit gaminnong Gut brer pamsa ohe meng moh kuuhan ihirnonghe poripri por anggungopri.

Ruk oh yah meng ma brak matip ohe meng oh 9:21

Pita oh ameng oh potporhan Jisas oh We. Nohe boknong arpin meng ri mohri gur tirip hat sasipri por baso por anggungopri.

Jon oh yah meng ma brak matip ohe meng oh 5:41

Noh Hanip ihirdapat nohnong winsi han nahat ha napaptengwemur na dahapat orhor Got ohdapat Hanip ihirdapat ohnong winsi han mar ha paptengwe dahapatmur.

Jon oh yah meng ma brak matip ohe meng oh 7:18

Tit han tit orhe damdapat orhor Nohnong winsi han ha nahatingwe. Ihan noh sus meng potpor daham apirhanoh apris dasuh meng napotiprohmur. Tit han ohdapat tit han ohnong Gin go sus nohe da meng moh ihirnong potinmur por darherhanoh ama han oh sus ma darhetir han orhe winnong oh ha adaptuhutingwe rim dasuh meng na pora ma darhetir han orhe arpin meng orhorwi apotiprohmur.

Jon oh yah meng ma brak matip ohe meng oh 8:50

Norhordapat norhe winnong isip mar na tandaptuhurpatmur. Norhornong norhe ma ihat sapat danong nasam Go yah hat sapat hanmur ma naporpat at Got orhordapat Kuuhan ihiroh norhe mon orhe winnongwi isip mat ha apisashengwe dahapatmur.