Matyu 3:2 - Oksapmin

² Patin Got ohe yah hat napapindin oh kakduup hahmuro. Ihan gur da tamburketinmuro pot uarisuhri.

Matyu 3:2 Iomraidhean Croise

Matyu 10:7

Susa Gin Got orhe mengtei napapindin oh apripramur ma rishe oh gin kakduup hahmur pot pisonmur.

Matyu 11:20

Gahan Jisas oh ap mutuh ap mutuh oh susa ire na wandeipti da ruumsan pinggitporhan ihir wamara er danong na tamburketpamur. Ihtiperhan ama ihirnong indeingop.

Matyu 12:41

Ninipa ap mutuh ma pateshe kuuhan ihirhe Jona ohe meng oh potporhan ihir amrama Dir er hat pati sa daham iraire er hat sapti da oh mandatpamur. Jona ohe ma potip meng oh kasip meng potip orhora; gin nohe mama naporpat mengnong moh atnap Kasipnap meng naporpatmur. Ihtin ohoh ihan kaput pepe dik ma nasatipra dik oh Ninipa kuuhan ma pateshe ihir masasa gurnong kasipnap han ohe meng moh gur de tei pateshe. Kinham pomat na amrashe napor inahatiprimur.

Matyu 13:11

Napotporhan orhe namgit napisapat han nuhur ohe duupnong susa Go ihirnong ma am deipat meng moh kianorim paham mengteiwi porpat por dahamtipa.

Matyu 13:24

Naporpat Jisas oh tit paham meng titsi napongop. Got ohe napapindin oh mihtinmur. Han tit wit gwe yahnap moh rang teinong sakmatporim pipri. Susa sakmatipri.

Matyu 13:31

Naporpat Jisas oh it paham meng titsi napongop. Got oh orhe hrepnong naham ma napapat tei oh mihat patmur. Tit han tit mastet gwe garnap hatin tit dar pisusa orhe rang tei sakmatipri.

Matyu 13:33

Naporpat it paham meng tit napangop. Got ohe napapat tei oh mamaru hat patmur. Kuu tit bret pipirpat han dara praua bek ungnong mara praua ohsi tap mar sahsah matipri. Imtiporhan praua oh isipa; pipirpat han oh gar orhora; praua oh gonsi pipirpat han ohsiwi hatipri napongop.

Matyu 13:47

Naporpat Jisas oh Got ohe napapindin tei oh ma nasatipra oh mamarumur. Aning ung mipti han ihir ung isip dap oh tahe pora tom mutuhnong matpari. Matperhan sahsah aning oh ung tamima teip hangopri.

Matyu 13:52

Potperhan oh kamah han ihir irair rihohe marin pateshe ohsi; kopenohe mohsi tap mat marin patimur. Ire ihat ma marin patiru rihohe sawa meng rishe han ihir Got ohe napapindin tei meng moh amram am hapti ihir rihohe mengsi; kopenohe mengsi tap mat am hat patimur napongop.

Matyu 18:23

Porpat gahan tit meng ginapongop. Got ohe napapindin hrepdapat hat patim ohe it diteim na potin ohe da menghe moh hatinmur. Mong erer papat han tit patesuhri. Gahan Gin norhe natamreipti han ihir nohe boknong yan nahat pati moh pomtipor dahatipri.

Matyu 20:1

Gahan Jisas oh meng am nahangop. Got oh orhe napapindin hrepdapat ma napripra oh mama paham meng moh hatin mat napripramur. Han mongsi; tomhan san ruumsansi han tit patesuhri. Patdapat gahan tit dah kutkutwi susa kat han tit ambura

Matyu 22:2

Got ohe napapindin hrepnong hayarit ma inhatipra oh mamarumur. Han kamah han tit mongo erer oh ohe hrepnong mat papat han tit daham potipri. Kaput nohe mon oh kuu ma datipra oh noh den erer ruumsan atemar amamen matipramur. Amamen deipat norhe kis nahatip kuuhan gurnong unatipramur. Unatporhan gur aprinmur por den amamen matipri.

Matyu 23:13

Jisas oh naporpat Parisio ihirnong Parisio sawa meng am hat pati hano gur pang yotsi han bap hat patimur. Ihat pati han gur Got ohe napapindin hrepnong na hapti han gurmur. Na hapti han gurdapat Got ohe napapindin hrepnong hatperim ihapti han ire mandapnong agatmar agaheideiptimur. Ihan gur Got orhe bopor heisup nahat napapat hrepnong hat pati han bap gurmuro. Gurarhe hinhinsi hatipri han bap gurmuro.

Matyu 25:1

Jisas oh Got ohe napapindin hrepnong hatinmat ma mamen tahapti oh mama paham meng moh hatinmur. Tit han tit kuu kopen datipri. Datporhan kathei kuu horhor ihir Han moh kopen dat kuu uhsi apripat hatiprohwa daham tanggam mima mandap ririmat pipari.

Matyu 25:14

Jisas oh Got ohe napapindin teinong nahatinmat ma nasatipra oh mama paham meng riya moh hatinmur. Kamah han tit wan mongnong saporim orhe erer oh orhe atamreipti han ire bes teinong mat mandama wan mongnong pipri.

Matyu 4:17

Ihama Jisas oh ama aptei patdapat aptei aptei meng pot pisanipatri. Meng pot ma pihip oh Got orhe mengtei napapindin oh gin kakduup hah ohoh ihan gur er danong kom asar mandama da tamburketinmuro pot pisanipatri.

Matyu 4:23

Gahan Jisas oh Gariri aptei aptei sus iraire rotu ap rosa Got ohe napapten ohe yah meng oh pot pisao tihan tihan sik hat pati kuuhan pondeio mat pisanipatri.

Matyu 5:10

Maihir yah dasi hat sapti moho rim ihir ina ruumsupsi nahaya guroh Got orhe napapat hrepnong hat pati gurmur. Ihan ama ihat pati gur amamsi hat pati bap gurmur.

Matyu 5:3

Meng ma am matip oh Amamsi hat ma pati guroh mamarumur. Gur damdapat Noh Got ohe kintei bisei han pat sa ma dahapti gur Got ohe napapat hrepnong hat pati gur ohoh ihan ama gur amamsi hat pati bap gurmur.

Matyu 6:10

Gorhe hrepnong naham napapindin ohe da oh mong mong gonsi ha aprinohmur. Gorhe aw tei moh ihat ha paten oh dahatporhan ma tarpapatru hat orhor kakdah mohe ihat tarpat sus orhor ha patenohmur.

Matyu 6:33

Gur Noh Got ohe napapindin hrepnong hat patneng. Hat patin noh orhe yah hat ma pat da hatin hat patneng daham ama danong ohri henmur. Hatporhan orhor erer oh napriproh basda.

Mak oh yah meng ma brak matip meng oh 1:15

Pot ma pihip oh Gin Got orhe mengtei napapindin oh kakduup hah ohoh ihan gure er hat sapti da oh kom asar mandama da tamburketinmuro. Tamburkera Got orhe yah meng naporpat meng moh arpin meng napor ma hapat dahat patenmuro ponipatri.

Mak oh yah meng ma brak matip meng oh 1:4

Gahan Aisaia ohe rim ma brak matip mengru Jon oh tom patitin han oh arpin aprisa irat timbas hanip timbas mong dusdapat hat patin kuuhan ihirnong Gure er hat sapti pe oh Got oh er yan oh it nuranure boknong napripra daham guragure er hat sapti da oh kom asar mandatinmur. Mandama gin er danong kom asar mandaya ma hapat ha dahengwe rim tom wayonmuro pot ama pisasuh oh.

Mak oh yah meng ma brak matip meng oh 6:12

Darhetporhan ihir susa Gure er hat sapti da oh kom asar mandatinmuro pot pihipari.

Ruk oh yah meng ma brak matip ohe meng oh 1:16

Imat isip mat pisapatin ama brer oh Isrer ruumsan kuuhan bap iraire danong hat sapti danong adapurkera Hanipyah Got ohe danong hen ohe danong deipramur.

Ruk oh yah meng ma brak matip ohe meng oh 11:20

Noh Got ohe kasip ohsi mongsup ihirnong er mat darherpat ohoh ihan Got orhe kasip hrepnong naham napapindin oh apris gin mama pat oh ma hapat dahenmur pongopri.

Ruk oh yah meng ma brak matip ohe meng oh 13:3

Basra. Noh arpin meng napotiprohmur. Guragur tap da hat patimur. Guragur tap da hat pati ohoh ihan gure er hat sapti da oh na mandam ihat orhorwi ayahanoh guragur amaru hat orhor batbet datiprimur.

Ruk oh yah meng ma brak matip ohe meng oh 13:5

Basra. Noh arpin meng napotiprohmur. Guragur tap da hat patimur. Guragur tap da hat pati ohoh ihan gure er hat sapti da oh na mandam ihat orhorwi ayahanoh guragur amaru hat orhor batbet datiprimur pongopri.

Ruk oh yah meng ma brak matip ohe meng oh 15:10

Noh arpin meng napotiprohmur. Kuu urhe mani tan dar ma amam hahru hat orhor Got orhorsi pati enser ihirhe er hat sapat han oh da tamburker er danong kom asar mandatporhan ihirhe er da mandam da tamburkero rim amaru hat orhor amam ham amam isip haptimur pongopri.

Ruk oh yah meng ma brak matip ohe meng oh 15:7

Amaru hat orhor er hat sapat han oh da tamburkera er danong kom asar mandahanoh aw tei mahat ma pati ihirhe Oh ihat da tamburkero rim ihat amam isip tit haptimur. Ama amam isip ma hapti oh ruumsan yah hat sapti kuuhan ihirnong Ihir yah hat saptio rim ma amam hapti oh garpokmur. Er hat sapat han ohe ma da tamburker yah hat us danong oh amam isipnap tit haptimur pongopri.

Ruk oh yah meng ma brak matip ohe meng oh 16:30

Potporhan kamah han oh At Eprahamo. Rih ma ritpa mengwi oh ihir sam na dahatiprohemuro. Haputpa han ihir tit it masas sus porhanoh ihir Arpinhe daham da tamburker er da mandatiprohemuro pongopri.

Ruk oh yah meng ma brak matip ohe meng oh 21:31

Amaru hat orhor nohe ma ihat tarpatipramur ma napor meng oh tarparit gur wamara Gin Got oh dirnong orhe hrepnong naham napapindin dik kakduup hah ma hapat dahatiprimur.

Ruk oh yah meng ma brak matip ohe meng oh 24:47

Masporhan orhe mengtei kat kuuhan ihirdapat kat kuuhan ihirnong Gur ihan dire er hat sapti da moh mandatper. Mandama yah hat sapti danongwi hat sasiper dahayahanoh Got oh gure er gap oh hirmat namdama it yansi na nahama eimat hanhan mar mandatipramur pot pisaprimur. Ameng ma pot pisasipri oh Jerusarem ap mutuh ohri pot pisusa aw pe mong penong gonsi pot pisasiprimur rim brak deishemur.

Ruk oh yah meng ma brak matip ohe meng oh 6:20

Jisas oh ihirnong yah mat pisus mandapat orhorsi sapti han kuuhan gonsi ihirnong wamaro hama meng am deingopri. Meng ma am matip meng oh mamarumur. Bisei hat ma pati gur Got ohe napapat hrepnong hat pati gur ohoh ihan ama gur amamsi hat pati bap gurmur.

Aposer 11:18

Potporhan ire Pita ohnong ma imta ohe meng oh mandangopari. Mandama Got oh Juda na hat pati han ihirnongsi Gin nure er hat sapti da oh mandatpera. Mandama yah hat paten ohe danong hatper daham ihat yah hat paten ohe da oh apdor ma hapat daham Got ohnong armi deingopari. Ihama patesheri.

Aposer 17:30

Dir rih Got ohnong hanhan hat patim ma ihashenong oh Got oh na nasasuhmur. Gin oh hanip among among gonsi dirnong Gure ma ihat er hat sapti da oh kom asar mandanmur naporpatmur.

Aposer 2:38

Por dahamtiperhan Pita oh Gin guragure ihat er hat ma pati da oh mandatpera daham kom asar mandatinmur. Mandama Jisas orhe win rim tom wayonmur. Waperhan gure er hat sapti ohe pe yansi nahat napapat yan oh it yansi na naham hanhan mar namdatiprohmur. Namdama orhe musum yan timbas ma napripat Yahsup oh gure mutuhnong mat namdatiprohmur.

Aposer 20:21

Imat ma napot napisapat oh Juda bao Grik bapo guragurnong gonsi Gur er danong kom asar mandama Got orhe danongwi ham Jisas ohwi inahatin hatin hanwa dahat patenmur napot napisapatmur.

Aposer 26:20

Orhe meng amram ma dimtip oh Damaskas apteinongri susa meng potipmur. Porpat Jerusarem apteinong sus potipmur. Pora Judia mong aptei aptei oh sus pot pihipmur. Pot pisapat Juda na hat pati bap ire aptei aptei oh gonsi meng pot pisapatmur. Noh ihat ma meng pot pisapat meng oh ihirnong Gur er da hat sapti danong oh kom asar mandama Got ohe danongwi henmur. Ihat saptin kuuhan ihir gurnong wanahama Maihir er danong kom asar mandama yah hat son ohe danongwi hat sapti ma hapat dahatin ohe da ohwi pitap teinongwi mar pinggit pisashenmur por imat pot pisapatmur.

Aposer 3:19

Ihan gurhe Nure ihat er hapti da oh mandatpera daham kom asar mandatinmur. Kom asar mandama Got oh nure er gap oh hirmat ha namdatinohmur.

2 Korin 7:10

Got orhe danong ha hatingwe rim saheih hatin da ma napripat ohe pe oh er da mandama eimat paten ohe danong haptimur. Ihat da er hapti yah da ma dariptinong oh it ero potiproheda. Basra. Ama inahapatnong oh yaho poriptimur. Oh Got orhe ma inahapat ohe saheih da meng ohmura; orhe pat kat dapat na apripat ohe saheih da oh Nohe ma ihtir oh er hatir sa dahapti orhor mandatinnong oh na mandaptimur. Ama ihat saheih da hapti ohe pe oh eimat yah hat paten ohe dasi na naham batbet dar paten ohe dasi nahatin ohe saheih da ohmur.

Korosi 1:13

Ama imat nadahandeipti Got oh dir kwitem er da ohe hrepnong hat patin orhor orhe bopor mat pat brer orhor ama kwitem yan datin ina ma hat pati oh orhor dar natimbas matipmur. Imat natimbas matip ohe dap tei oh Got oh nambura orhe bopor mat pat brer orhor kakhan ham orhe napapindin has hrepnong naham imat napapatmur.

2 Timoti 2:25

Paptim ihir mengnong sakarap mar gardeiyahanhe gurdapat ihirnong kapkap imtipri. Ahar manap da tei orhor meng pomat porinmur. Got oh ire danong ha ayah matinoh. Ayah matporhan ihir da tamburkera arpin meng ohe danong ha hatingwe rima gur manap da ohsi pomar paptenmur.

Hibru 6:1

Gur brer ire da hapti daru hatin hat patim Krais ohe boknong mar duup matpa meng ohwi dahat patepri. Hanip yah ire pomat daham sapti ohe tan hatinmat oh ama ohe boknong dip mara pomat orhorwi gonsi dahat sonmur. Ap na mamen mara tamwi gonom mandapti ohe tan mar patepri. Ap na mamen mara tamwi ma gonom mandapti ohe tan hat pati ohe meng oh mohmur. Tit meng oh Gur dam na timdin ohe danong ma hapti da oh da tamburkera er danong kom asar mandanmur riptimur. Tit meng oh Gur Got orhornongwi Inahatin hatin han ma hapat dahatinmur riptimur. Tit meng oh Mihat tom wayonmur. Mihat tom wayonmur riptimur. Tit meng oh Bes kak tei mimat amariyahanoh Yahsup ohe tamreindin ohe da oh datiprohmur riptimur. Tit meng oh Haputa han ihir mihat masas saprimur. Saperhan mimat sama er hashe ohe pe yan oh dipwi apriswi patepramur riptimur. Ama ihat ripti meng oh ap na mamen mara tamwi gonot mandapti ohe meng hatin hat pat ohe meng ohmur. Ihan ohe tan ap tamwi gonom mandapri. Ama ohe tam teinong andeh da oh dip mara dapsi mat pisashenmur.

2 Pita 3:9

Ihat dahapat han ohoh ihan kat guroh Noh ihtiprawa napor rit natip meng oh kapkap na tarpam butahapat moho ma dahapti guroh ihat na butahapat hanmur. Oh arpin hanip nasatinmat apripra hanmur. Oh kapkap na apripra ma hapat ihat dahapri. Oh Hanip gur tit han tit dipwi batbet dar paten teinong hatiprarim gonsi da tamburkeriyarit ambutipra daham yah da tei naminhan wanahat napapatmur.

Erer tarpatipra 2:21

Ama pinggit pisapat ohe da oh uh de dik oh ama er danong kom asar mandatipra rim orhor wamat patri. Wamat patin uhe bisei saw hat er hat ma sapat da oh Nohe ma ihat sapat da moh na mandaproh dahat sapatin oh am ham wamat patri.

Erer tarpatipra 2:5

Ihan gur guragure isip bopornap mar ma papteshe danong oh it dahatinri. Dahama Epe. Dir arpin er hatiri sa. Ihan dir gin mama ihapti da oh mandatpera. Mandama rih orhe da orhornong it dimtipera daham dimtinri. Na ihyahan oh gure tanggam has mar saripti gwar oh orhe pat tei oh na pat hatiprari. Orhor apris datiprari.