Matyu 11:4 - Oksapmin

⁴ Dahamtiperhan oh Jon oh ihtin han tit apripramur ma rishe han oh arpin apris patim ihpat ma hapat ha dahatinoh rim gur nohe mama ihat pat meng moh it susa Jon ohnong potinmur.

Matyu 11:4 Iomraidhean Croise

Matyu 11:3

Gur Jisas ohe patnong susa ohnong Go nure Oh apripramur rim naminhan pati han oh goda da ama han oh kopen na apin pat por dahamtinmur pora ama darhetip oh. Darhetporhan ihir apris Jisas ohnong dahandeingopa.

Matyu 11:5

Mamarumur. Kin kwisi han ihir it watahayao buh tan wa han ihir it yah ham sayao ina tohohesi han ihir it yah hayao nat ki han ihir it nat tem tanpur hanip meng amrayao hapuripti han ihirnong pamsaporhan it da apris masayao borop hat pati kuuhan bap ihir Got ohe yah meng oh amrayao nohe ma imat pisapat ohe meng moh gut sus Jon ohnong potinmur.

Matyu 15:30

Tongnotporhan ruumsan kuuhan ihir buh er han bapo bes er han bapo kin upsi han bapo meng timbas han bapo ama ihat pati kuuhan ihirnong poprisa Jisas ohe duupnong deingopa. Matperhan oh yah mat pisangop.

Matyu 21:14

Indeipat oh ap ohor patin kin kwisi hano buh ersi hano ihir ohe patnong maraperhan oh yah mat pisangop.

Matyu 8:3

Potporhan oh bes marima Dawa. Noh gonong yah nahatiprohwa. Gin yah nahahmur porpatin orhor tohohet sapat moh timbas ham yah hangopri.

Jon oh yah meng ma brak matip ohe meng oh 14:11

Noh at ohsi patmur. At oh nohsi patmur. Iham tit hanwi hat patimur ma naporhe mengnong arpin meng napor ma hapat dahatinmur. Nohe ma napor mengnong oh na dahayahanoh norhe ma ihpatnong oh wamara Oh arpin itap ohsi tap hat patim ihat sapat ma hapat daham am hatinmur.

Jon oh yah meng ma brak matip ohe meng oh 5:36

Jon oh nohe boknong ma nahatip meng oh garpokmur. Norhe mama ihat saporhan gur wamar ma dahapti oh isipnapmur. Norhe mama ihat sapat oh at oh Go mama tamreindin da mohsi tamrein sapatin gonsi timbas matinmur napor ma nadarhetip da orhorsi mama ihat sapat ohmur. Ihat sapatin gur wanahama Moh arpin Got oh darhetip han hat patin ihat sapat ma hapat dahaptimur.