Matyu 10:2 - Oksapmin

² Naporpat Gin norhe mengtei norhe meng pot pisashen han gurmur napor ma kis nahatip han nuhuroh mama nathei han nuhurnong kis nahatipmur. Mama kis nahatip han nure win oh ohri ma nure duuptei han hatin hat pat han ohe win oh yot win atpamur. Tit win oh Saimon ohmur. Tit win oh Pita ohmur. Tit han ohe win oh Andru oh Saimon ohe nap ohmur. Yot han ihitoh Jemissi Jon ihitmur. Sebedi ohe mon yot ihitmur.

Matyu 10:2 Iomraidhean Croise

Matyu 17:1

Gahan dophei dah timama Jisas oh Pitao Jemiso arwap Jon oho ama yitir han ihirnongwi ambura yei isip kanong ohot ama ruhpa oh.

Matyu 20:20

Gahan Sebedi ohe inap uh mon yot ihitsi irair imder kakdah morhe danong hat patim orhor susa Jisas ohe duup oh katin takira sup uh Mona. Nohe meng tit gonong deip nahatiprohmur pongop.

Matyu 26:37

Napora Sebedi ohe mon yot Jemissi Jon ihito Pitao ihirnong Gur nohsi masoteinong hatper pora ama yitir han ihirsi susa asoteinong hama ohe da oh da ruumsup tit hangopri.

Matyu 4:18

Gahan Jisas oh tom Gariri hir oh usoh Saimon Pitasi; arwap Andru ihit aning ung mipti han yot ihit aning mitperim ung tom dahnong deiptingopari.

Matyu 4:21

Apriperhan ihir pipari. Sus asotei wandeiyaoh Sebedio orhe mon Jemiso Jono ihir tamder patingopari. Ihir tamder bot bas tongnoma ung pondeiptingopari. Pondeiptihan Jisas oh We. Gut aprina pot uangopri.

Mak oh yah meng ma brak matip meng oh 1:29

Jisas oh mongsup ga aperpat gahan ama rotu ap mandama kot tei rosa Jemiso Jono ihir Saimon Pitasi; nap Andru ite apteinong pipari.

Mak oh yah meng ma brak matip meng oh 13:3

Gipora ihir desa Orip yei oh ruhpari. Rusa Got ohe ap yawar ap dason oh Jisas oh yei ka tongnongopri. Tongnotporhan Pitao Jemiso Jono Andruo ihir susa irarhe tei oh Jisas ohnong

Mak oh yah meng ma brak matip meng oh 6:30

Ihama gahan Jisas oh yot han yot han mar ma darhetir han ihir it aprisa orhe pat duup oh tap tei hatpari. Tap tei hapti ire ma ihat piri ohe mengo ire meng potiri ohe mengo oh gonsi meng oh ohnong potpari.

Ruk oh yah meng ma brak matip ohe meng oh 11:49

Gur ihat pati han bap ohoh ihan Got oh dakuu am hat patdapat mama meng moh ritipmur. Ma ritip oh Kaput norhe meng pot pisapti han propeto norhe mengtei darherpat hano ihir ire patinong susa meng pot pisaptin ihir kat ihirnong garmar ina ruumsup apriyao kat ihirnong suyarit hapuriyao mat pisasiprimur ritipmur.

Ruk oh yah meng ma brak matip ohe meng oh 22:14

Ihat Pasopa den mamen mat mandapti patin atan waporhan Gin Pasopa deno rim din dik oh hah ma hapat gosham Jisas oh orhe pinggit pisapat nathei han ihirsi den dinmat den din apnong ros iraire den din duup oh tongnotpari.

Ruk oh yah meng ma brak matip ohe meng oh 22:8

Jisas oh Pitasi Jon ihitnong Gin direhe gut sus den din oh mamen matinmur pongopri.

Ruk oh yah meng ma brak matip ohe meng oh 9:10

Gahan Jisas orhe nathei ma darhetir han ihir it apdapari. Aprisa iraire ihat ma piri meng gonsi oh Jisas ohnong potpari. Potperhan Jisas oh Gin dirarhe Betsaida apteinong sus indiprohemur potporhan Jisas ohsi irarhe pipari.

Jon oh yah meng ma brak matip ohe meng oh 12:22

Potperhan oh susa Andru ohnong ameng oh porpat ihithe aprisa Jisas ohnong Grik ihir gonong Nuhur wamtiprohemur naporiyahe pongopa.

Jon oh yah meng ma brak matip ohe meng oh 13:23

Wanggoshat goshapti noh Jisas orhe duup oh patin Saimon Pita oh Jon oh orhe boporsinap hano rim nohnong kinbi dirhis napongop. Kinbi dirhis napora Gin go nuhurnong de han ohe boknong mar ameng oh napor por dahamtinmur napongop.

Jon oh yah meng ma brak matip ohe meng oh 20:2

Tanput pathan uh wamara orhe han ihirnong potporo rim it ama pip oh. Susa Jisas orhe namgit napisasuh han Saimon Pita ohsi; orhe bopor nahat napapat han nohsi nute patinong sakat apingop. Aprisa Epe. Hanipyah ohe sein ma itiri oh tanput pathemur. Sein oh ti na pathemur. Sein oh denong matiri nuhur hanhan hayamur napongop.

Jon oh yah meng ma brak matip ohe meng oh 21:20

Potporhan oh ohe kom sangop. Saporhan Jisas orhe bopor nahat napapat han noh ite kom pip. Noh nuhur Pasopa dik den ma diri oh Jisas ohe boknong tongnom muhutir han noh ohnong Gwe nang han oh nih por dahamtir han noh ite kom pipmur. Saporhan Pita oh tandapurker wanahangop. Wanahama Jisas ohnong Hanipyaha. Gin dite kom ma apir han ohe ma haputipra oh kinhat haputipra por dahandeingop.

Jon oh yah meng ma brak matip ohe meng oh 21:24

Ama han norhor norhe kintei Jisas oh ihat saporhan orhe ihat sasuh ohe meng oh noh mama brak mat sar ohmur. Noh ihat wamat sasuh ohe meng oh brak mat sar ohoh ihan gur arpin meng napor brak matip ma hapat dahenmur.

Jon oh yah meng ma brak matip ohe meng oh 6:67

Saperhan Jisas oh nathei han nuhurnong Gurhe tap da ham namdam sapera dahayada napongop.

Jon oh yah meng ma brak matip ohe meng oh 6:70

Potporhan Jisas oh Noh mama nathei han gurnong norhorsiwi sasipri han gurmur napor kis nahat napapatmur. Norhorwi sashen han kis nahat napapat orhor nat oh er supsi han hat patmur napongop.

Jon oh yah meng ma brak matip ohe meng oh 6:71

Ma napotip oh Saimon Iskariot ohe mon Judas ohnong Nohnong nang han hatipramur rim am ham napongop.

Jon oh yah meng ma brak matip ohe meng oh 6:8

orhorsi pat han Saimon Pita ohe nap Andru oh Kopen han hapat han mohoh hanen den ohsi; aning ep yot ohsi mit patmur. Mit pat orhor ihtin garpok oh kuuhan mihtin ihir tarpatiprohda pongop.

Aposer 1:13

It Jerusarem ap mutuh oh koripti iraire indin ap hat dahnong oh ruhpari. Pitao Jono Jemiso Andruo Piripo Tomaso Batoromyuo Matyuo Arpias ohe mon Jemiso Saimon Seroto Jemis ohe mon Judaso ama ihir ap tei ohe ap dahnong oh rus inpari.

Aposer 1:26

Dahandeipti Mataias ohe win oh brak mat sariya Jastas ohe win oh brak mat itpari. Saripti tit brak ohri daris por wandeiyaoh Mataias ohe winsi ma pat brak ohri datpari. Daripti Gin Got oh Judas orhe it aduup apitnong matin han oh Mataias ohnong napir ma hapat daham ohnong it Judas ohe aduup apitnong matpari. Matperhan Jisas orhe nathei han it hatpari. Hama patesheri.

Aposer 12:2

Ruumsup mar ma er matip oh orhe han ihirnong Gur gin Jon ohe nap Jemis ohnong biorsi sutinmur potporhan ihir biorsi sungopari.

Aposer 3:1

Gahan Pitasi Jon ihit bimrip kirok oh Got ohsi mengitpero rima Got orhe ap yawarnong pipari.

1 Korin 15:7

Gahan komdapat Jemis ohe kintei pitap hatporhan oh wamtipmur. Gahan it komdapat orhe mengtei ohe meng pot pisashe han ire kintei pitap hatporhan ihir gonsi wamtipamur.

Epesas 4:11

Ama han orhor musum napin han oh orhe atamreindinnong asoh nitat mat napdapmur. Nitat mat ma napdap oh kat han ihirnong orhe mengtei meng pot pisashen han deio kat han tit ihirnong orhe meng porin han deio kat han tit orhe yah meng pot pisashen han deio kat han tit orhe nita ihirnong paptim meng am dein han deio imat orhe atamreindin asoh nitat mat napdapmur.

Hibru 3:1

Jisas oh napanggeitin han hat pat ohoh ihan Got oh aw tei mahatdapat gurnong Gin guragur tap hat tamrein sashenmur napor orhe han naham kis nahat napapat han gur Jisas orhornongwi rum mutuh mat paptenmur. Oh Got orhe mengsi darhetip han ma hapat. Oh ap yawar hanat bok han hatin hat patim dire er gap hirmat namdapat han ma hapat dahat pati han ohoh ihan orhe danongwi rum mutuh mat paptenmur.

1 Pita 1:1

Noh Saimon Pitamur. Jisas Krais orhor Go nohe meng mohsi pot pisona napor kis nahat napapat han noh mama brak mat nasar ohmur. Juda bap gurnong er naham oknahatperhan Pontas mongo Garesia mongo Kapadosia mongo Esia mongo Bitinia mongo among among kukut sus patimur. Ihat kukut sus kakdah morhor kakun hohop han bap hat patio rim noh Got orhe nita bap gurnong brak mat mama nasar ohmur.

2 Pita 1:1

Noh Saimon Pitamur. Jisas Krais orhor Go norhe meng mohsi pot pisona napotporhan orhe kis nahat napapat han noh orhe boknong hat patim orhe mengtei be atamreim sapat han noh mama brak mat nasar ohmur. Diradire namburpat han Jisas Krais oh Gotmur. Ama Krais orhor orhe duung dasi hat pat ohe pe oh orhornong Ohwi inahatin hatin hanwa dahatin ohe da oh Juda hat pati bap nuhurnong yah mat orhor napripatmur. Yah mat orhor ma napripatru mat orhor gurnonghe imat orhor napripatmur. Napriporhan ohwi inahatin hatin hanwa ma dahat pati han bap gurnong mama brak mat nasar ohmur.

2 Jon 1:1

Sios ihirnong wamat papat han Jon noh mama brak mat nasar ohmur. Got orhe kis nahat napapat kuu gorhoro gorhe brer ihiro gurnong mama meng moh brak mat nasar ohmur. Noh arpinnap gurnong da napris bopor nahat napapatmur. Nohe imat ma bopor nahat napapat oh nohwi basmur. Arpin mengnong amram ma dindeipti kuuhan bap ihirsi nuhur tap hat gurnong bopor nahat napaptimur.

3 Jon 1:1

Sios ihirnong wamat papat han Jon noh Gaias gonong arpin da napris bopor nahat napapat han gonong mama brak mat nasar ohmur.

Erer tarpatipra 1:1

Jisas Krais oh Komdapat ma tarpat sasipra ohe meng oh Jon nohe kinteinong pitap matporhan noh mama brak dei ohmur. Nohe kinteinong ma pitap matir oh Got ohdapat Jisas ohnong pinggitirmur. Pinggitporhan Jisas ohdapat Got ohsi pati han enser ihir tit han ohnong pinggitirmur. Ohnong pinggim darhetporhan ohdapat orhe atamreipat han nohe kinteinong pitap matirmur. Nohe kintei ma pitap matir oh Got oh kapkap arpin tarpatiprawa ma dahah da oh orhe atamreipti han bap gurnong namgitinmat nohe kinteinong pitap matirmur.

Erer tarpatipra 1:9

Noh guragure nita Jon noh brak mat mama nasar ohmur. Diradir Jisas ohe nita bap dir Got orhe napapindin hrepnong hat pati bap dirmur. Ama ihat pati han dirnong be han ihirdapat Jisas ohe nita hat pati han bap ma hapat daham ina ruumsup napriptimur. Ina ruumsup diradir titwi daripti han dirmur. Ina ruumsup napripti orhor Jisas orhe tapnong hat pati ohoh ihan dir na gapa ham kasip hat orhorwi saptimur. Noh Got ohe mengsi; Jisas ohe arpin meng ma napor mengsi pot pisapatin ama ohe pe oh ihir nohnong inahama tom goh Patmos mongnong nang natpam namdatpamur.

Erer tarpatipra 18:20

Gahan noh amraoh Aw tei pati hano Got ohe nita hano Jisas ohsi sashe nathei hano Got ohe meng pisapti hano gur mama ap mutuh ma pati han ihirdapat gurnong er nahapti moh gin Got oh pomat sama ama inahashe ohe yan oh gin mama aprisa timbas dei moh wes indeio dahama amam hat patenmur rim hangop.

Erer tarpatipra 22:8

Noh Jonmur. Norhor mama ihtipra ohe erer moh noh wamaro amramo hama noh mama brak dei ohmur. Gahan noh erer oh amrama wandeipat enser ma namgi enser ohe duup oh bos hamnong ham timama ohe danong ham armi matporim ihtip.