Jon oh yah meng ma brak matip ohe meng oh 3:3 - Oksapmin

³ Potporhan Jisas oh Noh arpin meng napotiprohmur. Hanip gurnong Got ohe napapindin hrepnong hatin ohe dasi it na nasariyahanoh gur Got ohe napapindin tei oh na wamtiprimur pongop.

Jon oh yah meng ma brak matip ohe meng oh 3:3 Iomraidhean Croise

Matyu 16:17

Potporhan Jisas oh Saimon pita ohnong Jona ohe mon gwe ma napor moh Got oh gwe kom dahdapat rit natporhan go girimur. Ihtin ohoh ihan gwe ma napor meng oh gorhe da orhor na napormur Got oh rit natporhan napormur.

Matyu 19:24

Tit meng oh mamaru hat patmur. Sahapti han kemar ihir sur tem kat oh kin hat ron ham butahaptimur. Erer ruumsansi hat pati han ihiroh Got ohe napapindin hrepnong sonmat oh atnap butahaptimur napongop.

Matyu 21:31

Gahan itap oh it tap meng orhor mon tit han ohnong Gin gohe nohe tomhan oh ti nakapom sashenmur potipri. Potporhan oh Yahwa noh saprohmur pongopri. Saprohmur ritip ohor na pipri. Ihtipari pongop.

Matyu 5:18

Ihtin ohoh ihan arpin aw tan mong tan moh patin orhor Got orhe ritporhan ma brak matpa meng oh tit meng tit na timbas hatipramur. Meng oh gonsi patru patin orhor gonsi dam titwi hatipramur.

Mak oh yah meng ma brak matip meng oh 10:14

Imtiperhan Jisas oh wamara heimse rim da er hama ihirnong Gur ihirnong baso por imtipri. Got orhe napapindin hrepnong ma hapti ihir oh mihtin brer hatin hat ma pati ihir Got orhe napapindin hrepnong hapti ohoh ihan gur ihirnong baso poripri. Ihir nohe patnong moh ha apringwemur.

Mak oh yah meng ma brak matip meng oh 9:47

Kin oh er nahat napison ina nahahhanhe kin tan hwet mandatinmur. Kin tan hwetinsi hama Got ohe patnong eimat sayahan yahmur. Kin yotsi orhor irat has teinong sayahan ermur.

Jon oh yah meng ma brak matip ohe meng oh 1:13

Orhe brer hen ohe da ma napripat oh dir damdapat Got orhe brer hatpor dahatperhan na napripatmur. Kuu gamin ihit Got ohe brer na amanheptimur. Got orhe da orhor orhe brer hen ohe da oh napripatmur.

Jon oh yah meng ma brak matip ohe meng oh 1:5

Ama has han ohe has ohsi kwitem dusnong has mat papatmur. Has mat papatin kwitem er da ohdapat ama has yah danong giamtin orhor na giandeipatmur.

Jon oh yah meng ma brak matip ohe meng oh 1:51

Gin noh arpin meng tit napotiprohmur. Kaput gur wandeiyaoh aw tan mahat tanpura Got ohsi pati han enser ihir Hanip Brer nohe pat teimdapat ruyao wandayao haptin gur wanahatiprimur pongopri.

Jon oh yah meng ma brak matip ohe meng oh 3:4

Potporhan oh Epe. Hanipyah nuhur it kinhat kopen nasariya brer hatin hatiprohe. It ake dusnong ham it nitiproheda. Oh it na ihtin hatinmur pongop.

2 Korin 4:4

Ihat ma na dahapti oh kakdah moh ohe kakhan Satan oh ihirnong da aban mat papatmur. Da aban mat ma papat oh ihir Krais Got orhor hatin han oh has hat patin orhe has da yah meng oh ihirnong potperhan ama has meng oh ihir wamar daham am hatipririm Satan oh ire danong aban mat papatmur.

2 Korin 5:17

Gin kakdah morhe dasi hat patim ma sapti danong oh Krais orhe boknong oh mar natimbas matipmur. Imat natimbas matip ohoh ihan Krais orhe boknong hat pati kuuhan dirnong dire rihohe ihat ma pateshe danong oh dat namdapatmur. Namdama kopenohe paten dasi naham kis nahat napapatmur.

Garesia 6:15

Ihan eit watah gatdeiyao na gatdeiyao ma hapti oh oh be teiwi ihaptimur. Got orhe ma kopenohe inasi naham kopen han ma nahapat ohe da ohwi isipnap hat patmur.

Epesas 2:1

Rih Juda na hat pati gure ma pateshe oh Got ohe meng oh na amratiprohe daham er danong ham Got orhe danong hatin ohe da oh hapuriya ohe tan hat pateshemur.

Taitas 3:5

Ma nambutip oh hanip diradire yah hat sapti ohe pe oh ambutpora daham na nambutipmur. Basra. Dir er hat patin orhor orhor hinhina dasi han ohoh ihan dirnong hinhina naham nambutipmur. Ma nambutip oh dire er gap hirmat namdama orhe Yahsup ohsi orhorsi yah hat paten ohe kopen brer nahama kopenohe han nahatipmur.

Jemis 3:17

Oh kakdah ohe da dam ma timapat da ohmura; aw tei ohe arpin dakuu da ohe pe ma dam timapat oh mamaru hat dam timapat ohmur. Ohri duuptei ma dam timapat da oh ongeng taham yahnap hat pati da ohmur. Tit oh manap goshat pati ohe da ohmur. Tit oh da gosat pati ohe da ohmur. Tit oh hanip ire hrepdapat hat patim ire meng amrapti ohe da ohmur. Tit oh dipwi hinhina mar panggeipti da ohmur. Tit oh hanip ihirnong Moh kamah hat pat hanhe ihan ohnong yah matpora. Moh borop hanhe noh na panggeitpora na daham yah da titwi deipti da ohmur. Tit oh ina teimdapat tit da hah da mutuhdapat tit da hah na ham tit dawi hat pati da ohmur. Ama ihapti da muk gon oh aw tei ohe dakuu da ohe pe dam timapat ohe da ohmur.

1 Pita 1:3

Diradire Hanipyah Jisas Krais orhe Goto itapo hat pat Got ohnongwi armi marwi papten Got ohoh ihan orhornongwi armi mar paptenmur. Ama armi mar papten Got oh orhe hinhina da isip ohsi hinhina naham Krais orhe pamsuhup dap tei oh dirnong kopenohe dasi nahatipmur. Inahatip ohoh ihan dirhe ama dipwi paten kasip da ohsi nahatipra ma hapat daham minhan patimur.

1 Jon 2:29

Gur Krais oh duung dasi hat pat hanwa dahat pati ohoh ihan ihat duung dasi hat ma sapti ihiroh Got orhe brer ham ihat sapti ma hapat daham am haptimur.

1 Jon 3:9

Got orhe brer hat ma pati diroh Got orhe yah hat pat ohe da oh dire mutuhnong naham napapat ohoh ihan ihat ma pati bap diroh er danong hat sasipera na daham er danong na hat sapti han bap dirmur. Got orhe brer hat pati ohoh ihan it er danong hat son ohe da hatin inahe ti na hat patimur.

1 Jon 5:1

Gur mohnong dahenmur. Jisas ohnong Got orhor dirnong namburin han nadarhetip ma hapat dahapti han bap dir Got orhe brer hat patim ihat dahaptimur. Orhe brer hat patim ihat dahapti ohoh ihan itap orhornong da apris bopor deipti da hatin hat orhor orhe brer hat patim ihirnonghe imat da apris bopor deiptimur.

1 Jon 5:18

Dir am hat patimur. Got orhe brer ihir Nuhur er hat sapera daham er hat son ohe danong hat na saptimur. Got orhe kis mar napdap brer oh orhe hrepnong naham orhe damer ohe tan tare nahat napapat ohoh ihan Satan oh kinhat apris nambur napisus er da teinong nahatiproh. Oh dirnong na inahatin ina hat patmur.

Erer tarpatipra 3:14

Gin tit meng moh Go Got ohe nita bap Raodisia aptei sios wamat papat enser ohnong mama meng moh brak mar atinmur. Noh arpin mengwi ripat han ohoh ihan noh Got ohe meng oh pomat ripat hanmur. Got ohe erer ma darpatip oh nohsiwi darpatipmur. Ihat pat han norhe meng moh Raodisia sios wamat papat enser ohnong brak mat atinmur napotporhan Jon noh ama han orhe meng oh mama brak mat nasar ohmur.