Jemis 3:16 - Oksapmin

¹⁶ Ama da ohe dam ma timapat oh er dam orhap timapatmur. Er dam ma timapat oh hanip ihir heisup mar bap deipti dao Norhorwi ihtin han hat inpor dahapti dao ama ihat dahapti ohe pe ma dam timapat oh sakarap gosham inggoshapti dao ti da ti da hapti dao ama da orhap dam timapatmur. Ihtin ohoh ihan gur Nuhur mama er da mohsi patim be nuhur dakuu hanmur ripti ma hapat dahenmur.

Jemis 3:16 Iomraidhean Croise

Mak oh yah meng ma brak matip meng oh 3:25

Tap aptei yot gutagut tam tuker gusuyahanhe gurangur tap hat na pateprimur. Timbas hatiprohemur. Timbas hatipririm tap han gurangur na ihaptimur.

Aposer 19:29

Goshapti kasip mengtei sakarap gosham iraire mengnong amkat patin amkat patin gosham meng bap goshat ama mengitpa oh. Ihapti ihir Por ohsi; Masedonia mongdapat tap hat apdori han yot Gaiassi Aristakas ihitnong net pora marim pohon tarmuripti teinong pisangopari.

Rom ihirnong Por oh brak atip ohe meng oh 2:8

Arpin yah danong moh mandam nuranure ina boknong daham armi tahat sasipera daham ma er hat sapti bap gurnonghe Got oh ama ihat sapti ohe pe oh orhe bopor heisup da oh tom ohe tan isipnap yohot gure boknong napripramur.

1 Korin 3:3

Gur kakdah han ire dahat sapti da hatin hat patimur ma napor meng oh mamarumur. Gur kat han ihiroh Nuhurri Por ohe han hat patim ohe mengnong amram dindeipti han nuhurmur. Kat han ihir Es. Nuhurri Aporos ohe han hat patim ohe mengnong amram dindeipti han nuhurmur rim ma sakarap gosham heisup goshapti oh kakdah morhe danong hat patim ma ihat sapti han ire da hatin hat patim ihat sapti basda. Gur kakdah morhe danong hat patim ihat sapti han ire da hatin hat patim ihat sakarap goshat saptimur.

2 Korin 12:20

Dahama yah da hat orhor patina noh apripramur. Aprisa noh ihir sa ihat yah hat patepri ma dahapat da ohsi hat gur ihat na patihanoh nohhe gure Oh manap dasi hat sa apripra ma dahat pati da ohsi na apripramur. Gur ihat na patin noh apriprakin daham ina ruumsi hat patmur. Noh ina ruumsi hat ma pat oh gur sakarap gosham inggoshatin ohe dao ire asoh abopor deipti ohe dao kapkap bopor heisup deipti ohe dao ator meng goshapti ohe dao Nohwi winsi han hatipraneng daham bap goshapti ohe dao dasei meng poripti ohe dao ap taredapat hanip aripti ohe dao nohwi ihtin hanmur dahapti ohe dao tit urhe dahah tit urhe dahah gosham sakarap goshapti ohe dao ama ihat pati da muk ohsi hat patin noh gure mutuh apriprakin daham ina ruumsi hat patmur.

Garesia 5:20

Tit dasuh got ihirnong armi maro dahamaro hapti da ohmur. Tit amkimon hapti da ohmur. Tit mahaw goshapti da ohmur. Tit inggoshapti da ohmur. Tit kat ire ihyanong asoh awamara ma abopor deipti da ohmur. Tit heisup gosham ma tandarpam gusupti da ohmur. Tit Nohwi ihtin han hat patepora ma dahapti da ohmur. Tit sakarap goshapti da ohmur. Tit katket tahat ma pati da ohmur.

Jemis 3:14

Imat na pinggima damdapat heisup mar bap matin da deiyao Ihtin han hat inpor dahatin da hayao ihyahanoh ama ihat dahapti han gur Nuhur dakuu han hat patimur ripri. Giriyahanhe ama ihat patim giriya han gur dasuh meng ritiprohe ohoh ihan gur ihat daham ripri.

1 Jon 3:12

Ihat ma da gosapris pati bap guroh rih Ken ohe ma hatip da hatinhe hapri. Ohe ma ihtip oh er han ohe hrepdapat hat patim ohoh ihan orhe arwap ohnong sutipmur. Ma sutip oh Got oh arwap ohnong orhe yah hat sapat ohe pe oh Yah hana por ma hapat. Nohnong norhe er hat sapat ohe pe oh Er hana napor ma hapat daham heisup mar arwap ohnong sutipmur.