Jemis 3:1 - Oksapmin

¹ Nohe taptem gur amratinmur. Got oh meng amrapti han ihirnong dahamara sama garpok imtipramur. Sawa meng am deipti han dirnong oh dahanahama nasama isipnap orhor inahatipramur. Inahatipra ohoh ihan gur Noh sawa meng am mat pisashen han hatiprohnengo han ruumsan gur ihat dahathe sasipri.

Jemis 3:1 Iomraidhean Croise

Matyu 10:24

Gurnong ma inahatipri oh mamarumur. Pinggitporhan ma amrapti han ihir iraire ma pinggipat han ohe teimdapat hat patida. Atamreipti han ihirhe iraire wamat pat han ohe teimdapat hat patida. Basra. Ohe hrepdapat hat patimur.

Matyu 23:13

Jisas oh naporpat Parisio ihirnong Parisio sawa meng am hat pati hano gur pang yotsi han bap hat patimur. Ihat pati han gur Got ohe napapindin hrepnong na hapti han gurmur. Na hapti han gurdapat Got ohe napapindin hrepnong hatperim ihapti han ire mandapnong agatmar agaheideiptimur. Ihan gur Got orhe bopor heisup nahat napapat hrepnong hat pati han bap gurmuro. Gurarhe hinhinsi hatipri han bap gurmuro.

Matyu 23:14

Parisio sawa meng am hat pati hano gur pang yotsi hat patimur. Ihat pati han gur kuu tahem ihirnong dasuh meng pot pisusa ire apo erer oh adara abisei deiptimur. Abisei mat pisusa Moh yah hanhe ha naporingwe rim ire kintei Got ohsi meng dapsi por pramat pisaptimur. Ama ihapti han guroh guragure ihapti pe oh atnap batbet isip datiprimur. Ihan gur Got orhe bopor heisup nahat napapat hrepnong hat pati han bap gurmuro. Gurarhe hinhinsi hatipri han bap gurmuro.

Matyu 9:11

Den daptin Parisi ihir aprisa wanahapti orhe namgit napisapat han nuhurnong Gure tisa moh kianorim takis yan daripti hano sawa meng pomat na amrapti hano ihirsi tap ham den taman daptio napor dahanahama Jisas ohnong indeingopa.

Ruk oh yah meng ma brak matip ohe meng oh 16:2

Gipotperhan oh amrapat orhe erer awamat pat han ohnong Gin go aprina por uangopri. Por uatporhan oh apriporhan Gwe boknong meng tit Oh ihpat hanmur ma naporiya oh noh amram Go arpin ihpat ma hapat dahah ohoh ihan nohe erer ma gwe hrepnong mar nawamat pat oh gin go na nawamat paptepramur. Wan han ihir nawamat paptepri ohoh ihan erer ma pat meng oh brak mat napinmur pongopri.

Ruk oh yah meng ma brak matip ohe meng oh 6:37

Jisas oh giporpat hanip ihirnong Ohe ma ihat pat mohri er hat patmur por sapri. Ihat hanipnong sat na ayahanoh Got ohhe imat gurnong na nasatipramur. Arwananah ihirnonghe Moh er hanhe por kapkap gardeipri. Imat kapkap na gardeiyahanoh Got ohhe imat gurnonghe na garnahatipramur. Gur ire er hat saya ohe pe oh yansi na mar eimat hanhan mar mandayahanoh Got ohhe gure ma er hat sapti ohe pe yan oh Got oh yansi na naham eimat hanhan mar namdapatmur.

Jon oh yah meng ma brak matip ohe meng oh 3:10

Potporhan Jisas oh Isrer ire am deipat han go hanhan hat patda.

Aposer 13:1

Gahan Antiok aptei oh Got ohe nita sios bap ire mutuh oh Got ohe meng poriyao am deiyao hen han bap ihir patesheri. Ihat ma pateshe han ihiroh tit han Banabas ohmur. Tit han Simion oh kat han ihirdapat Naisa porishe han ohmur. Tit han Rusias oh Sairini mong pati han ihirmur. Tit han oh Manian kakhan Herot ohsi itait yah han hat pateshe han ohmur. Tit han oh Sor ohmur.

1 Korin 12:28

Dir orhe buh bes ina ham nitat ina pe hat ma pati oh mamaru hat patimur. Got oh dirnong ma Krais orhe boknong naham ma Norhe natamreindin oh mohri hat patmur daham ma napripat oh aposer hat paten ohe da napripatmur. Komdapat tipnerip atamreindin ma napripat oh orhe meng pot pisashen da napripatmur. Bimrip ma napripat oh meng am mat pisashen da napripatmur. Ama ohe komdapat ma napripat oh hanip dire na imtin hatin han asoh imtin da napripatmur. Ama ohe komdapat ma napripat oh sik hat pati han ihirnong pondeiyao arwananah ihirnong panggeit pisayao kat ihirnong ire hrepnong mar papayao meng tunmat hatin meng riyao ama ihat nitat hat atamrein ohe da oh napripatmur.

2 Korin 5:10

Dir orhe amam hat pat danong ohwi dimtipera daham ma dindeipti oh orhe nita bap dir gonsi Krais orhe rumkin teinong hatperhan Oh dir orhe dahapat danong ham ma hatip hat saptisi; dapsi hat saptisi ayot danong oh dahanaham nasatipramur. Nasama diradire kakdah mohe ihat ma sapti ohe pe oh ama ohe kis yan orhor napripramur. Ihat napripra ma hapat daham ihan dir orhe amam hat paten ohe danong ohwi dimtipera daham dindeiptimur.

Epesas 4:11

Ama han orhor musum napin han oh orhe atamreindinnong asoh nitat mat napdapmur. Nitat mat ma napdap oh kat han ihirnong orhe mengtei meng pot pisashen han deio kat han tit ihirnong orhe meng porin han deio kat han tit orhe yah meng pot pisashen han deio kat han tit orhe nita ihirnong paptim meng am dein han deio imat orhe atamreindin asoh nitat mat napdapmur.

1 Timoti 1:7

Ama ihiroh Moses ohe sawa meng oh pot pisapera daham potinmat oh Nuhur yah mat orhor naporiptimur por pot pisapti orhor ihir sawa meng ohe duuptei mengnong oh pomat na dahat patim ohoh ihan ihir er mat pot pisaptimur.

1 Timoti 2:7

Orhor ihat pat han ohoh ihan Por nohnong Gin go Juda na hat pati han bap ihirnong norhornongwi dahatin ohe arpin meng oh pot pisonmur napor kis nahat napapatmur. Noh arpin ihat pat han ohoh ihan noh arpin meng naporpatmur.

2 Timoti 1:11

Ama yah mengnong oh nohnong Go ihirnong pot pisusa am mat pisashenmur napor nohnong kis nahat napapatmur.

Hibru 13:17

Dire kakhan ihir dir er hatipririm dipwi yah mat orhor tamreim wanahat napaptimur. Ihir Noh er hat tamreihan Got oh er hat tamrei ohe meng moh norhornong dahanahatiprakin daham yah hat orhor wanahat napaptimur. Kakhan ihir ihat wanahat napapti ohoh ihan gurhe ire hrepdapat hat patim ire ma naporipti meng moh pomat amratper daham pomat amram ire hrepnong hat patenmur. Ihat ayahanoh ihirhe amam dasi hat orhor tamreiprohemur. Ihat na ayahanoh ihirhe ina ruumsi ham yah hat na tamreiprohemur. Yah hat na tamreim gurnong yah mat na napanggeitiprohemur. Ihaprohe ohoh ihan ire hrepnong ham ire meng pomat amranmur.

Jemis 1:16

Er da ma tarpapat oh ihat orhorwi tarpapatmur. Ihan nohe taptem gurnong Got orhor inahapatmur napor dasuh nahapti meng oh gurri amrapri.

Jemis 1:19

Nohe taptem gonsi gur pomat dahatinmur. Gur meng potin danong isip hapri. Tongnom amrat indin ohe danong isip henmur. Kapkap heisup dahe hapri.

Jemis 3:10

Nohanher nohe taptem gur tap pang morhorsi weso riyao dasei meng poriyao ma hapti oh ermuro. Tap pang morhorsiwi iham pati oh ermuro.

1 Pita 5:3

Got oh Kuuhan maihirnong gure hrepnong mar paptenmur napor gure hrepnong mat papat ihirnong Norhor hanipyahmur. Noh kasipnap hanmur rim ihirnong sahrara pora kasip mengtei ihirnong apaptepri. Got orhe sipsip bap hatin hat pati maihirdapathe gurnong wanaham dinahatin ohe yah dasi mar orhorwi pinggit apaptenmur.