Biblia Todo Logo
Bìoball air-loidhne

- Sanasan -




Jemis 2:5 - Oksapmin

5 Nohe taptem gur imat hanip sapri. Got orhe ma ihpatnong moh dahenmur. Oh Moh borop han hat pathe ihan noh mandatpor dahapatda. Basra. Kakdah mohe borop hat pati ihirnong Mama han oh norhe danong hat pat ohoh ihan norhor norhe danong hen ohe da oh ohnong kamah han matiprawa. Deipat Krais ohe ma papat hrepnong matiprawa. Deipat norhe danong hat pati han gurnonghe norhe napapat hrepnong moh arpin matiprawa dahat patmur. Got orhor ihat daham yah deipat han ohoh ihan hanip gur Moh borop hanhe por sapri.

Faic an caibideil Dèan lethbhreac




Jemis 2:5
54 Iomraidhean Croise  

Mamarumur. Kin kwisi han ihir it watahayao buh tan wa han ihir it yah ham sayao ina tohohesi han ihir it yah hayao nat ki han ihir it nat tem tanpur hanip meng amrayao hapuripti han ihirnong pamsaporhan it da apris masayao borop hat pati kuuhan bap ihir Got ohe yah meng oh amrayao nohe ma imat pisapat ohe meng moh gut sus Jon ohnong potinmur.


Ginaporpat oper tannong ma tongnoya gurnong oh Gur at Got ohe bapkeisi naham napapat han bap gurmur. Ama han bap gur rih mong na darpat patin orhor at orhor Norhe papindin hrepnong moh ham norhorsi dipdipwi pateprimur daham ma mamen mat natip da oh mama han bap gur apris datinmur napotipramur.


Meng ma am matip oh Amamsi hat ma pati guroh mamarumur. Gur damdapat Noh Got ohe kintei bisei han pat sa ma dahapti gur Got ohe napapat hrepnong hat pati gur ohoh ihan ama gur amamsi hat pati bap gurmur.


Jisas oh ameng oh porpat ama turmuriya kuuhan ihirnong Gur nohe patnong aprina potporhan apriperhan ihirnong Gur amrama dahatinmur.


Giporpat Gur Got ohe napapindin teinong na kamah hapti kakdah ohe erer datin danong ham isip mat pisapti han gurnong ama paham meng mama naporru nahatipra han bap gurmur pongopri.


Giporpat Jisas oh orhe han ihirnong Norhe han pang han gurnong oh at Got orhe napapindin hrepnong naham Norhorsi paten ohe da oh ihirnong apriprawa dahat pat ohoh ihan gur na napriprakin daham da er hapri. Napriprawa daham da yah hatwi patenmur.


Ihamo ham patdapat gahan hapungopri. Haputporhan Got ohsi pati han bap enser ihir aprisa ohe da oh ambur pisusa Got orhe pat tei Epraham ohe pat duupnong sa matpari. Imtiperhan gahan kamah han ohhe hapungopri. Haputporhan sein itpari.


Por uatporhan Epraham oh Mono. Gorhe ma patesuhnong oh dahatinmuro. Go da patin orhor gorhe ina boknong bapkei taham ma patesuhnong dahatinmuro. Rasaras ohe ma patesuh oh orhe ina moh er mongwi ham bisei han hat patesuhmuro. Gin gute ina oh yawar hayamuro. Gonong er ham ina batbet isip dat patmuro. Ohnong da yah ham bapkei inasi hat patmuro.


Gur nohsi ihat patio rim norhe at ohdapat nohnong Go ire kakhan ham ihirnong paptenmur napotporhan noh gure kakhan ham gurnong ma napapatru nohdapathe gurnong Gur ire kakhan ham ihirnong paptenmur napotporhan gur ire kakhan ham ihirnong papteprimur.


Jisas oh ihirnong yah mat pisus mandapat orhorsi sapti han kuuhan gonsi ihirnong wamaro hama meng am deingopri. Meng ma am matip meng oh mamarumur. Bisei hat ma pati gur Got ohe napapat hrepnong hat pati gur ohoh ihan ama gur amamsi hat pati bap gurmur.


Dire kakhano nuhuro tit han tit ohe mengnong amram arpin meng napor ma hapat dahaptida. Basra. Nuhur ti na amraptimur.


Dahamtiporhan Sitipen oh ihirnong Athero nohanhero gur amratin. Rih dire aw Epraham oh Haran mongnong na pim patim Mesopotemia mong patesuhmur.


Dir Got orhe brer hat pati ohoh ihan orhe nat pat erer oh orhe brer Krais orhe darpatru mat orhorwi orhorsi taman titwi datiprimur. Orhe batbet ma datipru mat dariyahanoh ama imat dariya han bap dir has yahnap da oh orhorsi taman tap mat datiprimur.


Ihir ihat na dahatpamur. Dirnong oh Got orhor orhe Yahsupnong Go sus ihirnong pinggim am matinmur potporhan oh dirnong namgim am nahapatmur. Ama reman paptesuh meng ma namgipat oh rih mamaru mat ritporhan brak matpamur. Got oh Kaput norhornong bopor nahat napapti ihirnong oh mama yah da moh apripramur daham mamen mat paptesuh da oh kin na wandeiya nat tem na amraya damdapat na dahaya hapti ohe da ohmur. ritporhan brak matpamur. Yahsup ohe ma namgipat oh orhor Got ohe dahapat da musum dus treman pat dao ama erer da wamara dirnong namgim am nahapatmur.


Nuhur mama ina ruum dat ihat pati oh gure gwemat ihat mama pati ohmur. Nure ma ihat pati ohe pe oh Got oh orhe da orhor Noh ihirnong yah hat paten ohe da oh imat apripora ma dahapat da oh gure mutuhnong isip hat sus artahat ha sashenohmur. Ihat artahat isip hat sapatin Got ohnong weso por papten da oh artahat isip hat orhorwi sa sasipra. Ihat artahat sapatin ama ohe pe oh orhornong armi mar win adaptuhut papten da oh sa isip hat sasipra.


Ina ruum napripti sup oh nure basnong ruum nahapti orhor nuhur na saheih ham amam da tei orhorwi hat patimur. Nuhur borop han bap hatin hat pati orhor gurnong meng napot ma napisapti ohe pe oh Got ohe yah han erer ohsi kamah han hatin nahat napisapatmur. Nuhur bisei han hatin hat pati orhor Got orhe erernong oh gonsi nuhur marin patimur. Ihat pati han nuhurnong Ihir arpin Got ohe meng yah mat napot napisapti han ihir ma hapat ha dahatingwe rim nuhur mama naporipti ohmur.


Gur mohnong dahat patimur. Hanipyah Jisas Krais oh kamah han hat patesuh orhora; Noh Gin borop han hatpor. Nohe borop han ma hatipra ohe pe oh ihir kamah han bap sa hatipri daham oh dire gwemat borop han ham wanhupmur.


Nadahamara Got go ire danong adapem paptenmur. Imat adapem papatim gorhe ihirnong Noh gurnong yahnap han tit ma napripranong oh amam ham minhan patenmur ma potip ohe da ohsi mat paptenmur. Gorhe nita kuuhan ihirnong yahnap han apriprawa ma dahatip da oh isip yahnap tit nahatipra ma hapat dahat indin ohe dasi mat paptemo gorhe danong hat pati nure mutuhnong oh wanohe kasip ohsi nahat napapat ma hapat dahatin ohe dasi mat paptemo mat paptenmur por noh Got ohnong nadahandeipatmur.


Norhe da oh Noh komnap han win timbas han hat pat ma hapat dahapatmur. Ihat ma dahat pat han nohnong Got oh orhe damdapat orhor Imat yah matpora dahapat da ohsi nohnong Go Krais orhe yahnap da hanip gur na dahatin hatin ohe yahnap da meng moh go Juda na hat pati bap ihirnong pot pisashenmur.


Nure apris gurnong ihat ma napapindiri oh guragure Got ohe danong hatin ohe danong nakasip deiyao ruumsup hat pati danong oh napanggeim pang nahayao Got orhe amam nahat napapindin ohe danong ohwi hat indinmur napor saw nasariyao nahat napapindirimur. Ama inahat napapat Got orhor gurnong Gur norhe napapindin hrepnong hatinmur. Hapti norhe has da moh guragur tap hat taman datinmur ma naporpat han Got orhormur.


Gure na gapa ham kasip hat orhorwi ma sapti oh Got orhor duung dasi hat orhorwi nasam inahapat hanhe dahatin ohe da oh pinggit pisaptimur. Gure batbet dar ma ihat sapti oh Got oh Maihir norhe papindin hrepnong hatin inasi hat patim ihat saptimur naporpatmur.


Gur dahat orhorwi patima ihirnong yah mat orhor panggeiyao ihirnong pan mat isip mat orhor apriyao mat pisashenmur pora ama ihat kamah hat pati ihirnong kasip mengtei pot pisashenmur.


Ma nambutirru nahat orhorwi Hanipyah oh er nahatin han ire atem teidapat orhorwi namburipramur. Nambura orhe napapat teinong nahatipramur. Ihtin han orhor dirnong imat napapat ohoh ihan dir Weso por armi mar papten han oh orhorwimur. Arpinwa.


Timbas matporhan yan oh nang dap dakmeiriya han ireo rim ma mamen mat asariptiru mar Got oh Norhe danongwi kasip hat ma sapti han ire yan atpora rim ma nasarpat yan oh nohe mamen mat nat patmur. Kaput pepe dik oh Hanipyah duung dasi ma nasapat han orhor nasama ama mamen mat nat pat yan oh napripramur. Ama yan oh nohnongwi na napripramur. Hanipyah ohnong oh kapkap apris pitap teinong ha hatinoh daham kinkin da hat ma pati bap gursi gonsi diradirnong tap mat ama yan oh napripramur.


Daham ma datip oh Go Krais ohe hanmur napor ma garnahaya ohe pe oh noh yahnap yan datipra ma hapat. Yah yan ma datipra oh ohe hrepdapat oh Isip ire yah erer moh pat ma hapat dahapat Isrer ire tapnong ham ruumsup datipmur.


Hanip gure boknong ruumsup oh apris namkatporhan Got ohe danong hat pati ohe da oh na mandama kasip hat orhor pati gurnong oh Got oh yah yan napripramur. Yah yan ma napripra oh Got oh nohe danong hatin ohe da oh na gapa ham rum mutuh nahat pati han ihirnongwi yah hat eimat paten dasi matiprawa daham ma mamen mat natip eimat paten da oh ihat pati gurnongwi napripramur. Ruumsup oh apris namkatporhan kasip hat orhorwi ma pati gurnong ihtin eimat paten da oh napripra ohoh ihan ama ihat pati bap gur amam dasi hat pati bap gurmur.


Er da ma tarpapat oh ihat orhorwi tarpapatmur. Ihan nohe taptem gurnong Got orhor inahapatmur napor dasuh nahapti meng oh gurri amrapri.


Nohe taptem gonsi gur pomat dahatinmur. Gur meng potin danong isip hapri. Tongnom amrat indin ohe danong isip henmur. Kapkap heisup dahe hapri.


Jisas ohe nita han gur dahenmur. Ina ruumsup tit apris borop han gurnong namkarhanhe Yahwa. Got orhor nohnong winsi han naham kamah han nahat napapatwa daham amam hat orhorwi patenmur.


Ama datipriwa daham minhan pati han oh mamaru hat patmur. Orhe boknong oh er matino bisei matino timbas matino oh ti na imtin hatin hanmur. Ama ihtin kasip oh Got oh aw tei mahat orhe hrep oh mamen mat nat patmur. Ama mamen mat nat pat han ohnong datipriwa daham armi mar minhan patimur.


Ihat daham kasip hat orhor ayahanoh ama ihat pati han gurnong oh Got oh Hanipyah namburpat han Jisas Krais orhe eimat dipwi ma napaptepra apteinong ha rongwe rim Marona napor amam da ohsi isip naham nambutipramur.


Orhordapat gure orhe nita hat patim ma ihat saptinong oh orhor am hat patri. Gurnong ina ruumsi nahat napapti dao gure borop han hatin hat pati dao oh orhor am hat patri. Orhor wanahah oh kakdah moh borop han hatin hat pati orhor Got orhe kinteinong oh erer ruumsansi hat pati han bap gurri. Juda hat pati han kat han ihirdapat Nuhurwi Juda bap hat patimur rim gurnong dasuh naham dasei meng naporiyao hat ma sapti oh orhor am hat patri. Ama dasuh nahat napisapti bap ihir arpin Juda bap hat pati basri; ihir Satan ohe nita han bap hat patim ginaporiptiri.


Er danong ire merwi mar suya han ihirnong noh ama han ihirnong norhe brer mara nohe erer oh apripramur. Aprisa Got noh ire armi nahatin han itap hat paptepramur.


Gur ihat patio rim oh mama sawa meng moh naporpatri. Gur arpin kamah han bap hatinmat oh orhe gor kwei temtiperhan gornap orhap hatip gor oh mohotinri. Watahhe has nameinap hatin oh mohoma wanahatipririm ina bokwi hahram hat pati oh andinri. Kin watahatinmat hamha kaker tom gap oh dara kin hirmatinri.


Lean sinn:

Sanasan


Sanasan