Jemis 1:6 - Oksapmin

⁶ Got ohnong dahamtinmat oh inahatiprohde da na inahatiprohe daham ihat yot dahat patimhe dahandeipri. Got orhor pokwi inahatiprohwa daham tit dawi hat patim dahandeinmur. Yot da hat patim ma dahandeipti han ire da oh mamaru hat patimur. Inim oh apris iratnong ambera kom katnong papmat pisao bos katnong papmat pisao ma deipatru hat patimur.

Jemis 1:6 Iomraidhean Croise

Matyu 14:28

Napotporhan Pita oh Hanipyaha. Gorhorhan nohnonghe Go aprina napotina pongop.

Aposer 10:20

Ama apriya han ihiroh norhe mengtei ihirnong darhetporhan apriya ohoh ihan go Noh ihirsi sapordo da na saporo dahamhe da yot hatipra. Saprohwa daham ihirsi guragur sonmur pongopri.

Epesas 4:14

Hanip yah ham orhor hatin hama it brer gar ire dahapti da hatinhe na hapti ohe da ohmur. Brer gar ire dahapti da hatin hat ma pati han ihir mamaru hat dahat patimur. Dasuh han ihir aprisa manap mengtei dakuu meng hatin mat meng poriyao Moh arpin dakuu hanhe dahatin ohe da pinggiyao haptin ihir Arpin dakuu meng naporiya ma hapat daham ti meng ti mengnong oh ihir amram dindeiptimur. Ti meng ti mengnong amram dindeipti ihir tom hru tei ohe manduu kat ma inim oh mer mat pisao popiro deipat hatin hat patin pramar pisaya popriya mar papti han bap ihirmur.

1 Timoti 2:8

Ihan noh aptei aptei ma pati han gonsi ihir heisup ham inggoshatin da oh timbas hat patim ongeng mat papti da orhorsiwi Got ohnong dahamar ha paptengwe dahat patmur.

Hibru 10:23

Dire orhorwi inahatiprawa daham minhan patim ma ripti da oh gapa ham mandapri. Got oh Noh arpin inahatiprawa ma ri da oh dam deipat han ohoh ihan dir kasip hat orhorwi minhan inpera.

Hibru 11:6

Got oh hanip dirnong be na amam nahapatmur. Orhornong Ohwi inahatin hatin hanwa ma dahapti ohe pe ohwi orhornong amam hat indin dasi deiptimur. Imat napapat han ohoh ihan hanip dir orhe patnong sapera dahayahanoh mamaru hat daham saptimur Got oh arpin patwa. Ama ihat pat han ohnong Noh angmat sus wamtipora ma dahapti ohe pe oh orhe yah yan oh napriprawa dahamwi ohe patnong saptimur.

Hibru 13:9

Ihat pat han ohoh ihan kopenohe na dahatin da mengo ti da ti da mengo oh naporiyahanoh Moh wan mandapnong nahatin meng naporiya ma hapat daham wan mandapnong nahatipririm kom asar mandanmur. Mandapti Den moh yahmur. Moh awammur ma ripti oh dire da mutuhnong ham kasip naham na napanggeipat mengmur. Got orhe damdapat ma yah nahapat da oh da mutuhnong kasip naham yah nahapatmur.

Jemis 1:7

Ihat yot da hat pati bap ihir da tamburkeim tamburkeim hat pati bap ihirmur. Ihat pati han ire Hanipyah ohnong ma dahandeiya meng oh ti apripatsida. Basra. Ihat yot da hat patim dahandeipti han ihirnong na apripatmur.

Jemis 5:15

Por uatperhan ihir apris Hanipyah ohwi yah matiprohwa daham dahandeiya ohe pe oh arpinnap Hanipyah oh sik han ohnong yah mara teinong matiprohmur. Teinong mara mamter er gap oh pathanhe ama er gap ohe pe oh Got oh yansi mat ma papat oh dat amdatiprohmur.

2 Pita 2:17

Ama ihat dasuh hat sapti bap ihir Nuhur gurnong napanggeitiprimur naporipti orhor arpin napanggeitinnong oh na napanggeiptimur. Ihat sapti bap ihir tom uup tem marapatnong dipero rim sus wandeiyaoh butip tei sus wandeipti hatin hat pati han bap ihirmur. Ihir tom wandon ohe rian hatin hat patim inim oh apris riannong mermat anong anong matporhan tom na wandas gatet pat hatin hat pati han bap ihirmur. Ama ihat pati bap ihirnong Got oh Kwinap ap mutuhnong moh matipramur por amamen mat apapatmur.