Epesas 5:23 - Oksapmin

²³ Krais orhe nita bap sios dire kakhan hat patmur. Orhe kakhan hat patru hat orhor han ihir kuu gure kakhan hat patimur. Ihan ire hrepdapat hat patim meng amramo hat patenmur. Krais orhor kakhan hat ma pat oh orhe nita sios bap dirnong nambur orhe hrepnong nahat napapatmur.

Epesas 5:23 Iomraidhean Croise

Aposer 20:28

Ihtin ohoh ihan guragure danonghe pomar paptenmur. Pomar paptim Got orhe Yahsup oh gurnong Mama Got orhe nita kuuhan bap ihirnonghe gur wamat paptenmuro napor kis nahat napapat ohoh ihan gur ihirnong pomat orhor awamat paptenmur. Got oh nohe nita bapwi ha hatingwe daham orhe mon ohe heim ohsi mohotip bap ihir ohoh ihan gur ihirnonghe pomat orhor awamat paptenmur.

1 Korin 6:13

Gur Den oh akenongwi deipti han oh yahwimur. Ake oh den darpat hanmur riptimur. Ma giripti oh arpin giripti orhora; Got oh tap mat yotyot timbas matipra yotmur. Ina mohri den ma dapti oh yahmur. Ina mohri ma bisei saw haptinong oh ermur. Ina mohri bisei saw hatin ohe ina basmur. Hanipyah orhe ina hat patmur. Orhe ina hat patim orhor napapatmur.

Epesas 4:15

Ihat ma dahat pati da hatin hatri patepri. Gur arpin meng orhor yah mat orhorwi da apin patim pot pisashenmur. Imat pot pisaptin diradire kak Krais orhor hatin hat isip hat orhor sasiprimur.

Epesas 5:24

Inahat napapat ohoh ihan sios dir Krais orhe hrepdapat hat patim meng ma amram dindeiptiru hat orhor kuu gurhe imanir ire hrepdapat hat patim ire meng gonsi amram dindeinmur.

Korosi 1:18

Tit orhe isip ma hat pat oh mamarumur. Hanip dire kak tem ma pat da oh Gin go anong son anong son napor napapat ohe tan hat Krais ohhe Got orhe nita sios bap dirnong oh amaru mat napapatmur. Imat ma napapat han orhor Erer gon oh gonsi norhe hrepnong mar paptepramur daham ohri masas pipmur. Ihat masas ma pip han orhor sios dire masas paten da ohe duuptei han hat patmur. Ihat ma napapat han orhor pokwi duupteinap hat pat han ohmur.

1 Tesaronaika 1:10

Hapti gin orhe brer Jisas oh haputporhan it Got orhor pamsuhup han oh Got orhe heisup nahatipra da dat namdapat han oh aw teidapat apriprawa. Ihan ama apripra hannong oh dir minhan patepera daham minhan patiri. Among among pati han bap ihir meng oh gure boknong naham imat naporiptimur.

Erer tarpatipra 19:7

Sipsip bap oh Ama kuu uhnong noh datiprohwa ma dahat pat kuu uhnong Got oh Watah has yahnap moh ara mamen tahat indinmur potporhan uh arpin ara mamen tahat patmuro. Gin ite gosdatin ohe dik oh gin hahmuro. Ihtin dik hah ohoh ihan dir da yah ham amam hayamuro. Amam hama orhorwi yahnap hano rim armi mat pateprimuro. rim hangopa. Watah has yahnap ma apdap oh Got orhe nita dire yah hat sapti ohe da ohmur.

Erer tarpatipra 5:9

Ama ihir bos hamnong hama kopenohe ga tit riptingopa. Kopenohe ga tit ma ritpa oh mamarumur. Gonong nitpawa; Gonong nitpawa. Nitperhan gwe heim oh tanduketipwa; tanduketipwa. Tandukera ama heim ohsi kakdah han ihirnong amohotipwa; amohotipwa. Ihir Got ohe nita ha hatingwe rim amohotipwa; amohotipwa. Han ambap ambap amohotipwa; amohotipwa. Han ameng ameng nitatsi han amohotipwa; amohotipwa. Ina nitasi han amohotipwa; amohotipwa. Mong mong nitatsi han amohotipwa; amohotipwa. Gowi ihtin hanmura; ihtin hanmura. Ihan brak tein bok oh gowi datin hanmura; datin hanmura. Dara gata emtin hanmura; emtin hanmura.