Aposer 9:3 - Oksapmin

³ Apriporhan Sor oh ama brak ohsi Damaskas apteinong pipri. Susa aptei kakduup dei tei mandap oh aw teidapat mong moh has hahdo tikimas ringopri.

Aposer 9:3 Iomraidhean Croise

Aposer 22:6

Por oh Noh imtiporim Damaskas apteinong sapatin Damaskas apnong kakduup dei tei mongsut orhor has isipnap tit aw tei mahat dapeh pongop.

Aposer 9:17

Potporhan Ananais oh arpin Sor ohe pat apteinong apingopri. Aprisa ohe pat ap oh marasa Sor ohnong bes marima Nohan Sora. Hanipyah gorhe ma mandap wamtir han Jisas orhor nohnonghe nadarhermur. Ma nadarher oh nohnong Go sus ohnong bes marinporhan it ha watahatinohmur. Watahatporhan noh norhe Yahsup oh ohe mutuhnong matiprohmur napor nohnong nadarhermur pongopri.

Aposer 9:27

Kasa hatperhan gahan Banabas oh Sor ohnong ambura ire patinong pisangopri. Pisusa ihirnong Sor orhe mandap ma Hanipyah ohnong wamtir mengo orhe Damaskas aptei oh watahpei ham Jisas orhe mengnongwi ma ihirnong pot pihir mengo oh ihirnonghe potporhan ihirhe amrama Moh arpin Jisas orhe nita hat ma hapat daham ambur ire mutuhnong deingopari.

1 Korin 15:8

Gahan komdap pepe oh nohe kintei pitap hatporhan noh wamtipmur. Nohe ma wamtip oh kuu ihir Gin brer indin dik hah ma hapat na dahat patim gamat ma sariptiru hat orhor noh ihat patin noh Jisas ohnong wamtipmur.

1 Korin 9:1

Noh hanip gure hrepdapat hat patda. Basra. Noh gure hrepdapat hat na patmur. Noh Krais orhe mengtei orhe meng pot pisapat han aposer hat pat basda. Noh aposer ma hat pat oh noh diradire Hanipyah Jisas ohnong wamara am hapat aposer hatipmur. Aposer hat patim orhe mengtei atamreim meng napot napisapat ohe pe oh gur am ham orhe danong ham orhe han haptimur.

1 Timoti 6:16

Orhorwi haputin timbas patru pat hanmur. Orhorwi has isipsinap hat patin hanip dir orhe duupnong na hatin hatinmur. Hanip dir na wandeiptru na wandeipri hanmur. Orhornongwi Gorhorwi winsi hat paten hanmuro. Gorhorwi kasipsi hat paten hanmuro por orhornongwi armi mar papten hanmur. Arpinwa.

Erer tarpatipra 21:23

Ama ap mutuh ohe hashe Got orhe has oh atan hatin heiro sipsip bap ohe has oh tanggam has hatin heiro hat papti ohoh ihan atano hayopo ire has oh timbas ham ti na pati hangopa.

Erer tarpatipra 22:5

Ihat ma patepri oh Hanipyah Got orhe has ohsiwi kwitem timbas mong da timbas has teiwi orhor mong da teiwi pateprimur. Ihat patepri ohoh ihan atan oh ha has hatinoh. Tanggam suhum has matpera ti na dahatiprimur. Has titwi hat patina kuuhan ihir Got ohsi kakhan titwi hat dipdipwi pateprimur.