Aposer 6:1 - Oksapmin

¹ Gahan Jisas ohe meng amrapti han ihir han trun ham isip hat pipari. Isip hat susa Grik ire mengtei poripti han ihirdapat Hibru ire mengtei poripti han ihirnong Gur kuu tahem ihirnong ma den pandepti oh guragure kuu tahem ihirnongwi den pomar pandeptio. Nure kuu tahem ihirnong pomar na pandeptio gosham inggoshatpari.

Aposer 6:1 Iomraidhean Croise

Matyu 23:13

Jisas oh naporpat Parisio ihirnong Parisio sawa meng am hat pati hano gur pang yotsi han bap hat patimur. Ihat pati han gur Got ohe napapindin hrepnong na hapti han gurmur. Na hapti han gurdapat Got ohe napapindin hrepnong hatperim ihapti han ire mandapnong agatmar agaheideiptimur. Ihan gur Got orhe bopor heisup nahat napapat hrepnong hat pati han bap gurmuro. Gurarhe hinhinsi hatipri han bap gurmuro.

Aposer 11:20

Juda ihirnongwi am deiptin Saipras mong ma pati hano Sairini mong ma pati hano ihir kat han Antiok apteinong ama pipa oh. Susa Hanipyah Jisas orhe yah meng oh Juda na hat pati han ihirnongsi tap mat meng ama porishe oh.

Aposer 11:26

Sus amburpat ihit it Antiok apteinong pipari. Susa Jisas ohe meng amrapti trun ihirnong Got ohe meng oh am deisheri. Am deiptin krismas tit birhitpari. Rih kopenat Kristenmur na porishemur. Gahan Antiok aptei oh Jisas ohe meng amrapti ihirnongri Kristenmur potpamur.

Aposer 11:29

Pahoh isip sup oh ihat apripramur ritporhan Jisas ohe meng amrapti han ihir Kimsi pahoh isip ma tarpatipra dik oh Judia mong ma pati Got ohe nita bap taptem ihir erer oh hatip hatiprikin. Ihan dir ihirnong pangeitinmat mani oh diradire marin pati kis orhorwi mat atiprohemur gosham

Aposer 2:41

Potporhan kat han ihir amram arpin meng napor ma hapat daham tom wangopari. Ama waya han ihir 3,000 han ihir wangopari.

Aposer 2:45

Ihat patim iraire mongo ihseno oh be han ihirsi mohopti yan oh dara tap deisheri. Tap mara irair tit han oh erer oh hatip hatporhan orhe ma hatip hah kis orhor aprisheri.

Aposer 2:47

Ihat patim Got ohnong armi mar ayao be han hat ma pati ihirdapat ihirnong bopor mat papindin ina da ohsi hat ayao hat patesheri. Ihat patin be han ihirhe Got ohe mengnong amram Moh arpin mengwa daham Got ohe danong hatperhan Got oh ambura ire tapnong mara orhe nita bap mar isip mat pisanipatri.

Aposer 4:4

Matperhan ite meng kopen ma amraya han ihir kat han ihir Arpin meng naporiya ma hapat dahapti rih ohe ma amrapti han ire mutuhnong hama ihir tap ham 5,000 hatin hatpari. Ihama timdipari.

Aposer 5:14

Armi deiptidapat kat han gon tit meng amrama Hanipyah orhorwi arpin inahatin hatin hanwa daham ire tapnong hangopari. Hatperhan kat han ihirhe it tei ruhum tei ruhum haniptiri.

Aposer 6:2

Inggoshatperhan Jisas orhorsi sashe han nathei han ihirdapat Got ohe meng amrapti han gur gonsi tap tei hatin potpari. Potperhan ihir tap tei hatperhan Nuhur Got ohe meng porin ohe atamreindin oh mandama deno erer ohe atamreiyahan ermur.

Aposer 6:7

Gahan Jerusarem ap mutuh oh Got ohe meng oh nitat ap ap oh pot pisasheri. Imat pisaptin Got ohe meng amrapti han ihir trun han ham isip hat pipari. Be han ihirsi; Got orhe ap yawar hanat bok han kat han ihirsi Moh arpin meng ma hapat daham amrangopari. Ihama patesheri.

Aposer 9:29

Imat pot pisapatin Grik ire meng amrapti han Juda ihir Jisas ohe meng moh arpin meng ma hapat ha dahatingwe rim oh mameng moh ripatin ihirsi meng sakarap goshasheri. Sakarap goshapti ihir kasip ham ohnong sutin meng wanin deingopari.

Aposer 9:39

Susa aptei kotperhan Pita ohsi tei ohe ap dahnong prungopari. Pruperhan oh ruporhan kuu tahem ihir yimat apris ohnong paper mara Watah moh uhe ma nahapat watah oh mohmur. Gin gohe wamtinmuro pora yimat tit pinggingopari.

Aposer 9:41

Tongnotporhan oh uhnong besdapat marima patandeitipri. Patandeitporhan uh tandeitporhan oh Jisas ohe meng amrapti kuuhano tahemo ihirnong Gin gur it maron potporhan ihir maraperhan Gin uh masas mama pat ohmur. Gur wamtinmur potipri.

Rom ihirnong Por oh brak atip ohe meng oh 12:7

Kuuhan ihirnong panggeit papten da napris napapathanhe ama imat napin pat da ohsi panggeit paptenmur. Ihirnong meng por da adapetin da napris napapathanhe ama da ohsi meng por da adapet pisashenmur.

1 Korin 10:10

Kat han ihir Got ohnong Mihat hanip dirnong er dusnong son napor inahapat han er Goto por imtiperhan Got oh Ihir nohnong dasei nahaya moh hanip supat enser go sus ihirnong sutinmur por darhetporhan oh arpin sus ihirnong sum timbas matipmur. Imat sum timbas matip ohoh ihan gin ire puh gurhe ire tan hat patimhe Got ohnong dasei mar ihat sasipri.

2 Korin 11:22

Nohe tohormi tahat ma napotiproh meng oh mamarumur. Ihir Nuhur Hibru bap nuhurmur ma ripti oh nohhe Hibru basda. Nohhe Hibru nuhurmur. Ihir Nuhur Isrer bap nuhurmur ma ripti oh nohhe Isrermur. Ihir Nuhur Epraham ohe puh nuhurmur ma ripti oh nohhe Epraham ohe puh basda. Nohhe Epraham ohe puhmur.

Piripai 3:5

Nohe ina teimdapat ma isipnap yah hat sasuh da oh mamarumur. Nohnong nitperhan beshei dah timama han pohon ihir kir oh eit watah nagatmatpamur. Nohe emsi at ihit Isrer bap ihirmur. Nohnong Isrer nitpamur. Noh Isrer bap nuranur noh Benjamin bap yahnap hat pati han bap poripti han bap oh noh ama han bapmur. Nohe awher ihir Hipru irairwi gosdar artahat apriptiru nohe emsi at ihit Hipru yot orhor gosdara nohnong namanhetirimur. Ihan noh Hipru gon hanmur. Moses ohe sawa mengnong dimtinmathe Parisi hat patim orhor pomat orhor amram dindeisuhmur.

1 Timoti 5:3

Kuu tahem bisei hat pati ihirnong oh sios gur ire danong ham panggeinmur.

1 Timoti 5:9

Sios gur kuu tahem ihirnong panggeitinmat ire win atper dahayahanoh sama mihat ma pati ire win ohwi atinmur. Mamarumur. Imapir ihir na haput patin orhor orhe danongwi hat patin haputporhanhe inapir ma kusen hata kuu ire winwi atinmur.

Hibru 13:1

Gur taptem guragure da gosapin pati da hatin hat orhor Got ohe nita bap guragur da gosat orhorwi patiru hat orhorwi patenmur.

Jemis 1:27

At Got orhe kintei dasuh timbas yahnap hat ma sapti da oh mamaru hat patimur. Tit oh kuu tahemo saham brero ire ruum hat ma pati danong apang mara ma panggeipti da ohmur. Tit orhe kintei yah hat ma sapti oh kakdah moh ohe er da oh nohnong er nahatipra daham ongeng mat ma pisapti da ohmur.

Jemis 4:5

Got orhe ritporhan ma brak matpa mengnong moh dahatinmur. Got orhe ma natip danong oh ongeng mat orhorwi pisaya popriya mat sa paptepri daham er matipririm orhor papatmur ritiporhan brak matpamur. Ma giritip mengnong oh Moh be giritip meng ma hapat daham amkar ihat sasipri.

Jemis 5:9

Nohe taptema. Gur arwananah ihirnonghe Mama han moh ohe pe oh noh ruumsup darpat ma hapat daham sam ire sang rim aripri. Imat ire sang rim ariyahanoh gurnong nasatin han ohhe imat orhor nasatipramur. Ama nasatipra han oh ap gwatei kat oh pat ohoh ihan gur imat hanip ihirnong sam aripri.