Aposer 5:1 - Oksapmin

¹ Gahan Sapaira uhsi; Ananaias ihit gamin itaite mong tit be han ihirsi ama mohotpa oh.

Aposer 5:1 Iomraidhean Croise

Jon oh yah meng ma brak matip ohe meng oh 6:37

At Got orhordapat Mama han go Jisas ohe han hatin. Mama kuu go Jisas ohe kuunong hatin naporhan ama imat napor han bap guroh na kap hama gonsi norhe duupnong haptimur. Nohe duupnong hatperhan nohdapat gurnong Gur nohe han gur basmur napor gurnong namdam er nahat nadarhetiprohda. Basra. Na inahatiprohmur.

Aposer 4:37

Ama han oh orhe mong tit be han ihirsi mohongopri. Mohopat yan dar poprisa Jisas orhe mengtei tamrein sapti han aposer ire bes teinong deingopri.

Aposer 5:2

Mohopti mani dara Gin dit kat mani oh ditadite mandatiprohemur. Kat oh pisus aposer ire bes teinong matiprohemur goshapti imap oh kat mani oh pisusa aposer ihirnong Mong yan oh gonsi mama popir ohmur pora ire bes teinong deingopri.

2 Timoti 2:20

Kamah han ire ap yahnap ap oh ap dus ohom oh den temar ohe bas kan mat saripti han preto erer oh yahnap hansi; be hansi tap mat ap ohom it patimur. Ti gor kweio sirpa kweio ohsi hatpa han ohmur. Ti irato mong tamo ohsi hatpa han ohmur. Imat nitat mat hatpa erer oh ap dus ohom it patimur. Ama erer oh ti yahnap kuuhan ihir apriperhan ama yahnap han ohe tei oh den asar apriptimur. Ti oh be it pati ohoh ihan be kuuhan ihir apriperhan ama be han ohe tei oh den asar apriptimur.