Aposer 4:13 - Oksapmin

¹³ Porpat ihit watahpei ham meng poriptiwi haptin ihir wamara Epe. Ihit rih na suhur hatpa be han yot moh watahpei ham meng naporiya moho. Ihan ihit Jisas ohsi tap hat pateshe han yot ma hapat daham da darhengopari.

Aposer 4:13 Iomraidhean Croise

Matyu 11:25

Imara Jisas oh itap ohnong At Gota. Aw tano mong tano gonsi ma pat han oh gorhorwi Hanipyahnap hat patmur. Ihat pat han go gorhe da oh hanip ihir Noh dakuu amsi hanmur ma dahapti han ihirnong na pinggima remama brer ire da hatin hat sus Noh dakuu hat indin ohe da oh timbas hat patwa ma dahat pati han ihirnong asoh pinggipatmur. Got go ihat pati han ihirnong gorhe da oh pinggipato rim noh gonong weso napor amam nahapatmur.

Matyu 26:71

Pora oh tandeim susa doho gwatei katnong oh hat patin wan ire atamreipat kuu tit apris wandeingopri. Wamara ama pati ihirnong Mama han mohri Nasaret han Jisas ohsi pat han ihirmur pongopri.

Matyu 26:73

Potporhan gahan komdapat Pita orhorsi tap hat ma tandeit pati han ihir orhe duupnong hama Nuhur gwe meng oh namraya oh Jisas ohe mengripat meng hatin hat mengirhemur. Ihan aprin Jisas orhe han gurmur pongopari.

Ruk oh yah meng ma brak matip ohe meng oh 22:8

Jisas oh Pitasi Jon ihitnong Gin direhe gut sus den din oh mamen matinmur pongopri.

Jon oh yah meng ma brak matip ohe meng oh 19:26

Jisas oh supnong wamaro orhe boporsi han nohnong wanahamo hapat sup uhnong Norhe bopor nahat napapat kuua. Jon moh gorhe brermur pora nohnong Moh gorhe suamur napongop. Napotporhan noh ama dik oh uhnong ambur pisusa nohe ap oh uhnong papindin danong ham paptesuhmur.

Jon oh yah meng ma brak matip ohe meng oh 7:15

Meng am matporhan Juda ihir Wa. Sawa poripti duuptei han ihir na suhur matpa han moh de tei dasi hatip gosham da darhengopa.

Jon oh yah meng ma brak matip ohe meng oh 7:49

Ihan sawa ma hanhan hat pati kuuhan ihir ohe danong ma haya oh Got oh ihirnong bopor heisup mat papat han ihirmur ama potpa oh.

Aposer 4:14

Da darheripti Gin buh tikikitinsi han moh ihitsi yah hama tandeit pat ohoh ihan dir ihitnong kian meng sa ite boknong mar potiprohe goshangopari.

Aposer 4:19

Potperhan ihit Nuhut gure ma naporiya meng oh amrayahan Got ohe kintei nuhut yah hat saproheda da Got orhe ma naporpat mengnong amrayahan nuhur yah hat saprohe. Gin gur dahatinmur.

Aposer 4:29

Gin nuhurnonghe it amaru nahat orhor kas meng naporiptimuro. Ihan gorhor nuhurnong imat kas meng naporiptio rim gorhe meng oh watahpei ham potin inasi nahatinmuro.

Aposer 4:31

Dahamtiperhan ama tarmuriya ap oh bupangopri. Bupatporhan Yahsup oh ire mutuhnong ham isip hangopri. Imat isip mat papatin ihir watahpei ham Got ohe meng oh watahpei hat orhor pot pisasheri.

Aposer 9:27

Kasa hatperhan gahan Banabas oh Sor ohnong ambura ire patinong pisangopri. Pisusa ihirnong Sor orhe mandap ma Hanipyah ohnong wamtir mengo orhe Damaskas aptei oh watahpei ham Jisas orhe mengnongwi ma ihirnong pot pihir mengo oh ihirnonghe potporhan ihirhe amrama Moh arpin Jisas orhe nita hat ma hapat daham ambur ire mutuhnong deingopari.

Aposer 9:28

Sor ohhe ire tapnong ham irair yah hat patesheri. Sor oh ihat Jerusarem ap mutuh oh patim iraire ap ap susa watahpei hamwi Got ohe meng oh pot pisasuhri.

1 Korin 1:27

Ire ma Maihir da timbas hat pati han bapmur ma naporipti han bap dirnong Got oh Norhe nitamur napor ma namburpat oh kakdah mohe dakuu han ihir Epe. Dakuu hat pati han dirnong kianorim sa na namburpat daham ihir da darher ha kas hatingwe rim imat da timbas hat pati dirnongri namburpatmur. Ire ma Maihir gapa hanmur ma naporipti han bap dirnong Got oh ma namburpat oh ihir Epe. Kasip han bap dirnong kianorim sa imat na namburpat daham da darher ha kas hatingwe rim imat gapa han dirnongri namburpatmur.

1 Korin 14:25

Am hama iraire hanhan hat patim ma er hat sashe danong oh meng oh pitap teinong amtiporhan ihir am hatiprohemur. Am hama bos hamnong ham timama Arpin Got oh gure mutuh moh patin ihat meng naporiptimuro napor Got orhornong armi matiprohemur.

2 Korin 3:12

Ama na timbas hatin has yah meng oh nuhur pot pisaptio rim nuhur na kas ham watahpei hat orhorwi gonsi meng oh naporiptimur.