Aposer 26:4 - Oksapmin

⁴ Noh brer garsut norhe aptei ma patesuh dao Jerusarem ap mutuhnong apris ma patesuhru ginhe mama ihat sapat dao moh Juda bap ihir gonsi am hat patimur.

Aposer 26:4 Iomraidhean Croise

Aposer 22:3

Kimiritperhan oh Noh Juda diradirmur. Nohe ma nitpa aptei oh Sirisia mong Tarsas aptei ohmur. Tarsas aptei nitpa orhor nohe ma suhur hatip oh maptei morhor tisa Gamarier oh suhur nahasuhmur. Suhur nahapatin noh hanip yah hatipmur. Ma suhur nahasuh oh dire awher ire pohon sawa meng oh pomat am nahasuhmur. Pomat am nahatporhan Noh gure pohon Got ohe meng moh amkatiprio daham ma kasip hat saptiru hat orhor nohhe ihat patesuhmur.

Aposer 24:14

Nohe boknong ma nahaya meng oh ti dasuh meng riyamur. Moh pokwi arpin meng nohe boknong nahayamur. Ama meng oh mamarumur. Jisas ohe da oh Gur mihat sashenmur ma naporpat da oh hanip ihir Moh wan er da ma hapat dahapti da oh noh amram dimat sapatmur. Ihat dimat ma sapat oh Got orhe danong na mandam orhornong armi maro dahamo hat sapatmur. Nohe ihat ma sapat oh sawa meng rim brak matip mengo propet ire rim brak deishe mengo ohnong na amkar dimat orhor sapatmur.

Garesia 1:13

Noh rih Juda nuranure pohon danong dimar ma ihat susuh oh gur amram am hat patimur. Nohe ma ihat sasuh oh Jisas ohe nita ihir ha timbas hatingwe rim noh kasip ham ihirnong sut pisasuhmur.

Piripai 3:5

Nohe ina teimdapat ma isipnap yah hat sasuh da oh mamarumur. Nohnong nitperhan beshei dah timama han pohon ihir kir oh eit watah nagatmatpamur. Nohe emsi at ihit Isrer bap ihirmur. Nohnong Isrer nitpamur. Noh Isrer bap nuranur noh Benjamin bap yahnap hat pati han bap poripti han bap oh noh ama han bapmur. Nohe awher ihir Hipru irairwi gosdar artahat apriptiru nohe emsi at ihit Hipru yot orhor gosdara nohnong namanhetirimur. Ihan noh Hipru gon hanmur. Moses ohe sawa mengnong dimtinmathe Parisi hat patim orhor pomat orhor amram dindeisuhmur.

2 Timoti 3:10

Nohe yah hat ma tamrein sapatnong oh go am hat patmur. Mamarumur. Nohe meng pot pisapat mengnongo nohe ihat ma sapat danongo nohe ihat tamrein sapat ohe duuptei mengo nohe kasip hat orhor ma Got ohe danong hat pat danongo nohe manap da tei orhorwi ihirnong pomat papat danongo nohe ire danong ham bopor mar panggeipat danongo ruumsup nahatperhan na garhama pan hat orhorwi ma pat danongo