Aposer 24:10 - Oksapmin

¹⁰ Ihir tap kat meng ohwi Por ohe boknong matperhan kakhan Piriks oh Por ohnong Gin gwe meng oh ritinmur por kinbi dirhis potporhan Por oh Nohan kakhan Piriksa. Go mamong tei moh kakhan hat patin ire mengnong pomat amram dahamaro ihat patin krismas trun ma birhitirnong oh noh am hat patmur. Go ihat meng pomat amrapat hano rim noh ihan na kas ham da yah ham watahpei hat orhor nohe boknong ma nahaya meng oh gonong napotiprohmur.

Aposer 24:10 Iomraidhean Croise

Ruk oh yah meng ma brak matip ohe meng oh 12:11

Hanip ihir gurnong Maihir Jisas ohe nita han bapmur napor gurnong nambur dahanahatinmat rotu apnongdo gapman ohe atamreipti han ire duupnongdo napisayahanoh gur Epe. Dire boknong meng ma nahatiprohe oh dir kian meng sa potiprohe daham da darhetipri.

Ruk oh yah meng ma brak matip ohe meng oh 12:14

Potporhan Jisas oh Mona. Nohri erer oh sama hanip nitat mar napin han basmur pongopri.

Ruk oh yah meng ma brak matip ohe meng oh 18:2

Tit ap mutuh tit meng sam pondeipat han tit patesuhri. Ama han oh Got ohnong na kasa ham hanip ire danong na hapat han oh patesuhri.

Aposer 12:17

Da tupnet ritperhan oh rosa bes daptuhura bes damer deipat Gur gin kimirit patinmur. Noh meng napotiprohmur pora Hanipyah orhe kotnong ma dei meng oh potipri. Porpat Gin gur dire taptem Jemiso ama ihirnong meng moh potinmur pora kot rosa wan apteinong sus timdipri.

Aposer 13:16

Potperhan Por oh tandeima bes daptuhura Nohanher Isrer gursi; Juda na hat patim Got orhe danong hat pati han gursi gur amrat indinmur.

Aposer 18:15

Gure ihat ma ohe boknong deipti meng moh gur Nure pohon sawa mengnongo nure awam han ma poripti han ohe winnongo oh oh namkat napisapatmur daham ripti meng moh noh na amratiprohmur. Guragure pohon ihapti mengnong namkatiprarim ihapti ohoh ihan guragur pondeinmur. Noh na napomtiprohmur pongopri.

Aposer 19:33

Ihapti gahan Juda ihir Areksanda ohnong mer mat pisus ire mutuhnong matperhan kat ihir Meng ma sakarap goshapti moh ohe duuptei oh mama han ohe bok moh patkin dahangopari. Ihat dahatperhan oh Ihir kimiriyarit mama sakarap goshaya meng moh nohe bok moh na patmur potporo rim oh bes daptuhura Kimiritina potipri.

Aposer 21:40

Potporhan duuptei han oh Mai. Yahwa. Gwe meng tit pat oh ihirnong potina potporhan oh gwar bas oh tandeima meng potinmat oh bes daptuhutporhan ihir kimiringopa. Kimiritperhan oh Hibru ire mengtei

Aposer 23:24

Mamen tahapti Por oh hos ire bas tongnom son ohe hos ihirnonghe amamen matinmur. Amamen deipti orhornong pomat pisonmur. Pomat pisusa Sisaria aptei mong ohe kak hat pat han Piriks ohe pat teinong oh pisonmur ama potip oh.

Aposer 26:1

Potporhan Agripa oh Por ohnong Gin gorhe boknong ma nahapti ohe meng oh gorhor ritina potporhan Por oh meng potporim bes daptuhura

1 Pita 3:15

Gure damdapat oh Krais orhornongwi Hanipyahnap mat paptenmur. Imat paptina ihir Gure yah da datipriwa daham ma minhan pati meng oh pomat nuhurnong napotinmur napor dahanahayahanhe gure potin menghe mamen tahat paptimdapat orhor potinmur. Gure meng ma potiprohe oh hanipyah ihirnong manap mengtei ma poriptiru mat orhor imat orhor ihirnonghe porinmur.