Aposer 20:7 - Oksapmin

^7-8 Tit sande rima gahan Sande oh nuhur Gin Jisas ohe sutpa ohe danong ham den dipero daham tap tei hatpa. Tap tei hapti den daptin kwitem hangop. Kwitem hatporhan tanggam trun has mar itpa. Saripti Por oh Noh kimsi orhor sapra ma hapat daham trun meng naporpatin kwit mutuh hangop.

Aposer 20:7 Iomraidhean Croise

Mak oh yah meng ma brak matip meng oh 16:9

Jisas ohe ma mashup oh Sande kutwi orhor mashupmur. Gahan Maria Makdara kuu rih beshei mongsup oh ga at patin Jisas oh ga apetip kuu uhe kintei ama pitap hatip oh.

Ruk oh yah meng ma brak matip ohe meng oh 22:19

Giporpat den tit dara Got ohnong weso pora brisbras pora ihirnong Moh norhe ina bokmur. Gure gwemat norhe ina boknong batbet datiprawa daham norhe ina bok moh kis mar gurnong namdemur. Kaput gure mamaru mat ma dapri oh norhe danong ham denmur por nitat mar apriporhan ihir dipari.

Ruk oh yah meng ma brak matip ohe meng oh 24:35

Potperhan ihit ite mandap kup saptin Jisas oh apris ihitnong ma por ohe mengo den katket mar apriporhan ihit ohnong wamar am haya ohe mengo oh ihirnong ama potpa oh.

Jon oh yah meng ma brak matip ohe meng oh 20:1

Gahan tuperipti dik Sabat oh timbas hatporhan kimsidapat Sande oh Makdara kuu ihir Maria uh kutwi kopen mong na dahat patin orhor masasa sein itiri tei ama apdap oh. Aprisa wandeioh sein sar kwei tan apatiri oh ama tanput pat hatip oh.

Jon oh yah meng ma brak matip ohe meng oh 20:19

Gahan Sande orhor kwihan Jisas orhe namgit napisapat han nuhur ap rosa Juda ihirnong kas ham ap oh pomat taputpa. Tapura patin Jisas oh nure mutuh moh pitap ham tandeit patgop. Tandeit patdapat We. Gure da oh kas hamo hapri. Gure da oh watahpei ham kimirit patenmur napongop.

Jon oh yah meng ma brak matip ohe meng oh 20:26

Napora patimdapat tit Sande rima Tomas ohsi nuhur ap ros pomat taputpa. Pomat tapura ap ohom patin Jisas oh nure mutuh pitap ham tandeit patgop. Tandeit patdapat Gur da oh manap ham kimirit patenmur napongop.

Aposer 16:10

Imat kandeipathan Por oh wamara Mama mihat napor meng moh Got orhor nuhur amongnong sus orhe yah meng oh ihirnong ha potingwe rim imat namgi ma hapat daham mama meng brak deipat han Ruk nohhe nuranur kapkap Masedonia mongnong depera daham mamen tahatpa.

Aposer 2:42

Wapti Jisas orhe mengtei tamrein sapti han ire napor am nahapti mengnong moh amram orhorwi pateprimur rim ihirsi tap hat mengiro den damo meng amramo Got ohsi mengiro ham irair tap hat patesheri.

Aposer 2:46

Ihapti irair tit dawi hat patim dipwi Got ohe ap yawarnong rosa rotu hamo hasheri. Hapti irair tit han ohe ap ros den daya tit han ohe ap ros den daya ham irair da gosapris amam ham patesheri.

Aposer 20:11

Potporhan ihir da yah ham amam hapti it apnong rosa Por oh den katket matporhan nuhur dipa. Den dapti Por oh meng dapsi naporpatin mong da hangop. Mong da hatporhan Poro nuhur atei mandama sip tem ros sapero rim sip ohe duupnong pipa. Kuuhan ihirhe ama pamsuh brer oh it da pato rim da yah ham it iraire apteinong sangopa.

Aposer 20:31

ihan gur inahatipri daham inin hat patenmur. Noh gonsi gurnong meng napotinmat oh kwitem timbas mong da timbas dipwi yimam kin tomsi hat orhor gurnong Gur ihat patenmur napor napapatin orhor krismas yitir ma birhitirnong oh gur dahat orhor ha patengwe rim noh gure danong napamsapatmur.

Aposer 20:5

Susa Masedonia mong oh mandama Esia mong Troas aptei koripti Ruko nuhurnong atei naminhan inpamur.

Aposer 20:9

Kwit mutuh hatporhan brer kopen han hapat han Yutikas oh windo ap gwatei kat oh meng amratporim aka tongnongop. Tongnot patin Por oh meng dapsi naporpatin oh kin timdin ham timama ap tei ohe ap dahdapat arhat wangop. Arhat kakdah waporhan nuhur was amburiyaoh hapur hangop.

Aposer 28:23

Poripti kimsi asut oh dir mengitiprimur pora dik asaringopari. Gahan ama dik oh atporhan han ruumsan ihir kutwi orhor ohe patnong apingopari. Apriperhan oh Got ohe napapindin tei ohe meng oh pomat potipri. Pora ihir Jisas oh aprin inahatin hatin hanwa ha dahatingwerim propet ire rim ma brak matpa mengo Moses ohe rim brak matip mengo oh sat potipri. Imat meng oh porpatin atan was kwi hangopri.

1 Korin 10:16

Gin gur Krais ohe boknong kis mar dapti tomo deno ohnong dahenmur. Dir Krais orhe heim tom ma dapti oh Got ohnong weso por daptimur. Imat weso por ma dapti oh Krais ohe heim ma tandurketip oh dirnong orhorsi tit inawi nahat napapatwa daham weso por daptimur. Den ma dapti oh Krais orhorsi tit inawi hat pati ma hapat daham orhe watah oh brisbras por daptimur.

1 Korin 15:10

Noh ihtin han hat patin orhor Got orhe damdapat orhor Ohnong yah matpora daham orhe da orhor yah nahatporhan gin noh mama ihtin han hat pat ohmur. Got orhe da orhor ma yah nahatip da oh na wa hama arpin dam tarpama mama dam timan sapat ohmur. Ihat dam ma timan sapat oh ire Krais ohe mengtei kasip hat ma atamrein sapti oh noh atnap kasip hat orhor atamrein sapatmur. Nohe ihat kasip hat orhor ma atamrein sapat oh norhe kasip orhor ihat sapatda. Basra. Got orhe damdapat orhor kasip nahapat kasip ohsi ihat atamrein sapatmur.

1 Korin 16:2

Gur mamaru mat mani oh asarinmur. Guragure tamreim ma daripti mani oh sama guragure ma daripti kis orhorwi mat orhor tit Sande tit Sande oh asarinmur. Imat asariptin nohe ma apripra oh ama wanin mat asaripti wanin orhor datipramur. Gurnong wan tit it angmar asarinmur na napotipramur.

2 Timoti 4:2

Timoti go Got orhe arpin meng pot orhorwi paptenmur. Ihat papindin oh ihir na amratper ariya teio meng amratper riya teio oh gomdapat ire ma ihaptinong oh dahapra. Potpora daham pot orhorwi paptenmur. Pot orhorwi porpatim go manap da tei orhor Gur mihat ma sapti oh er hat saptimur. Mihat ma saptinong oh yah hat saptimur pora meng am matin inasi hat patim orhorwi pot pisashenmur.

Erer tarpatipra 1:10

Nang natpam atei namdatperhan gahan Hanipyah ohnong rotu deipti dik oh Got ohe Yahsup oh nohe mutuh isip ham kasip nahatporhan noh amraoh nohe kom dah moh tom san akitwi pong por meng deiptiru hat meng napor hangop.