Aposer 18:5 - Oksapmin

⁵ Porpatin gahan Sairassi; Timoti ihit Masedonia mong oh patimdapat apingopari. Apriperhan Por oh Jisas orhe meng oh potin danongwi ham Juda bap ihirnong meng pot indipri. Meng ma pot indip oh Got orhe hanip ihirnong amburin hanmur por ma kis matip han oh Jisas ohmur por paptesuhri.

Aposer 18:5 Iomraidhean Croise

Ruk oh yah meng ma brak matip ohe meng oh 12:50

Norhornong oh ruumsup oh tom napatiriya hatin hat namkatipramur. Ama ohe ruumsup oh namkar ha timbas hatinoh dahapat ohe ruumsup oh namkat orhor napapatin ama ruumsup oh apris namkatporhan norhe ma dahat pat da ruumsup oh timbas hatipramur.

Ruk oh yah meng ma brak matip ohe meng oh 16:28

Darhetporhan oh susa norhe arwapir hanen gon han ihirnong We. Gure arwan ohe hanip ihirnong na kamahara mar orhe danongwi hat sasuh ohe pe oh gin orhe boknong batbet isip darpatmur. Ihan gurhe ihat batbet hapti apteinong hatipririm potahat patenmuro ha potinohmuro pongopri.

Jon oh yah meng ma brak matip ohe meng oh 1:41

Oh Jisas ohe komnong sonmat nanip Pita ohnongri ambur pipri. Susa pathan oh nanip ohnong Nuhut Mesaia ohnong wandeiyamur potipri. Hibru ire mengtei Mesaia porishemur. Grik ire mengtei Krais porishemur.

Jon oh yah meng ma brak matip ohe meng oh 10:24

Saporhan Juda ihir ohnong huupmara Nuhur mama yot da hat pati oh go desut pomat am nahatipra. Go arpin Got ohe darhetipra ma ritip han ohhanoh go desut Noh arpin ama nadarhetipra ma ritip han oh nohmur napor am nahatipra por dahandeingopa.

Jon oh yah meng ma brak matip ohe meng oh 15:27

Amaru hat orhor gurdapathe nohe ma ihat pat ohe meng oh ihirnong porinmur. Ihirnong potinmat oh nohe kopenat ma apris tamreindip oh gur nohsi patiru hat orhorwi patim am hat pati ohoh ihan gur Oh ihat pat hanmura; ihat pat hanmura por meng am deinmur napongop.

Jon oh yah meng ma brak matip ohe meng oh 3:28

Guragurhe amrat patin Noh Krais basmur. Nohnongri nadarhetip hanmur risuhmur.

Aposer 10:42

Hapti nuhurnong Gur yah meng mohsi han ihirnong pot pisashenmur. Pisusa Got oh Jisas ohnong haputpa han ihirnongsi; da pati hansi gonsi ihirnong dahamar satin han hat patenmur por kis mat apapat han ohmur pot pisonmur napongopmur.

Aposer 15:22

Ihitnong kis mara Gin gut Porsi; Banabas ihitsi Antiok apteinong sonmur. Susa ama Juda na hat pati han sios ihirnong brak tit asariyarit gut pisus apinmur pora mamaru mat brak mar apingopari.

Aposer 16:1

Gahan Porsi; Banapas ihit Derbe apteinong susa ama aptei amdapat Ristra apteinong pipari. Susa Ristra aptei oh koriyaoh Jisas ohe danong hat pat han tit patgopri. Ama han ohe win oh Timoti oh. Sup uh Juda kuu Jisas orhe danong hat pat kuu uhmur. Itap oh Grik ihirmur.

Aposer 16:12

Desa koripti kakdahnong wandasa ateidapat kakup Masedonia mong orhor tit aptei oh Piripai apteinong pipa. Ama aptei oh rih Rom bap ire kopenat apris ma ap ham pateshe aptei oh ama aptei ohmur. Ama winsi ap mutuh oh kora nuhur atei inpa.

Aposer 16:9

Koripti kwitem oh Por oh kinpitap hatin mat wandeioh Masedonia mong ma pati han ihir tit han tit tandeima Gur tom sor hru moh mandeyona. Mandesa nuhurnong napanggeitina por kandeipatgopri.

Aposer 17:3

Dahanggosham Por oh meng oh am matipri. Ma am matip oh Got oh Kaput tit han ohe boknong batbet nang matperhan hapur susa it masapramur por ma brak matpa meng oh Got orhor Ihirnong amburin hanmur rim ma kis matip han ohe boknong mar brak matpamur por ihirnong ameng oh am matipri. Ama imat kis matip han oh nohe mama naporpat han Jisas orhornongmur por ihirnong am matipri.

Aposer 18:28

Ma panggeit indip oh Got oh Moh hanip ire amburin hanmur por ma kis matip han oh Jisas oh ma hapat dahatin ohe da oh brak matpa meng orhor sama pomat pinggit ama indip oh. Oh imat ma pinggit indip oh kuuhan ire tarmuriya tei oh Juda ire Jisas ohnong na kis matip hanmur ma ripti mengnong amkar ihat pinggit indipmur. Ihama Korin aptei oh indipri.

Aposer 2:36

Ama ohe boknong mar gipor brak matip han orhornong oh guragur irat bok sur garmar sutirimur. Sutiri orhor Got oh ama han ohnong orhe dirnong namburin han ma kis matip han orhor mara dire napapten han Hanipyahnap mat papatmur. Ma imat papatnong oh Isrer han gonsi gurhe gin daham am hatinmur potipri.

Aposer 20:21

Imat ma napot napisapat oh Juda bao Grik bapo guragurnong gonsi Gur er danong kom asar mandama Got orhe danongwi ham Jisas ohwi inahatin hatin hanwa dahat patenmur napot napisapatmur.

Aposer 20:23

Noh hanhan hat pat orhor nohe aptei aptei mama apripat moh Got orhe Yahsup ohdapat nohnong Gononghe karapus nahayao ruumsup nahayao nahatiprimur napor am nahat napapatin noh am hat orhor apripatmur.

Aposer 20:24

Ihat am hat patin ma apripat oh nohnong nitperhan noh haputiprohkin dahatin ohe danong oh hat patim na apripatmur. Hanipyah Jisas Krais orhor Go Got orhe damdapat orhor Imat yah matpora daham ma yah nahapat ohe yah meng oh pot pisashenmur napor kis nahat napapat ohe atamreindin oh timbas mar amamen matpor daham ama ohe danongwi ham atamrein sapatmur.

Aposer 4:20

Nutanute amrayao wandeiyao ma hatiri meng oh kimirit paten hatin mengda. Kimirit na paten hatin meng ohoh ihan ameng orhorwi pot pisasiprimur potpari.

Aposer 9:22

Da darhetperhan Sor ohhe Jisas oh Krais ohmur por dakuu mat pison ohe danong oh isip hapat ihirnong dakuu mar da adapet pison ohe meng ohwi pot pihipri. Imat pot pisapat Damaskas ap mutuh ma pati kuuhan ihir amrama Jisas oh arpin Krais ma hapat daham kimiringopari.

2 Korin 1:19

Sairaso Timotio nuhur Got orhe brer Jisas Krais oh mihat pat hanmura; mihat pat hanmura ma napotiri han oh tandapat dawa ripat tandapat es ripat handa. Basra. Dawa. Noh inahatiprohwa ripat meng orhorwi ripat hanmur.

2 Korin 11:9

Noh gursi patin nohe erer oh hatip hatporhan Gin gur ti napanggeitin napor ina ruum gure boknong ti na naprisuhmur. Noh hatip hatporhan diradire taptem ihir Masedonia mongdapat patima aprisa napanggeishemur. Ihan noh ina ruumsup gure boknong ti na naprisuhmur. Ama imat ma na naprisuhru hat patru hat orhorwi napaptepramur.

2 Korin 5:14

Nuhur ihat atamrein ma meng napot sapti oh tit han Krais oh pokwi ma haputip oh dire gonsi imah ohe tan ohwi bat gwe naham haputipmur. Ohe ma haputip oh dire haputin batbet oh ohwi tap mat nadar haputporhan dir gonsi ohsi tap hat haputpa hatin hat pati ma hapat dahaptimur. Dahama ama Krais ohe hinhina naham haputip ohe da oh ihirnong potin da oh nahatporhan nuhur mama napot apripti ohmur.

Piripai 1:23

Noh yot da hat ma pat oh tit da oh noh kakdah mohe pat da oh mandam susa Krais ohsi paten da oh yahnap ma hapat dahapat ohoh ihan hapur sus ohsi patepraneng dahapatmur.

1 Tesaronaika 3:2

Timoti moh diradir tap hat Got orhe atamreindin oh atamreim yah meng pot pisapat han Timoti ohnong gure patinong nadarhetpera daham ohnong Go Tesaronaika apteinong sonmur. Susa kat ihirdapat Tesaronaika ihirnong imara ruumsup mat ma papti ohe pe oh Got ohe danong hat pati ohe da oh ihir gapa ham mandatipririm Timoti go susa kasip matinmur por ama nadarhetiri ohmur. Gurnong ruumsup naham ma inahapti oh Got oh Norhe nita kuuhan ihir mihat ruumsup datiprimur daham kis nahatipmur. Ama kis nahatipnong oh guragur am hat patimur.

1 Tesaronaika 3:6

Gahan Timoti oh gin orhor it apris nuhutnong Tesaronaika ihir ire Got ohe danong hat ma pati dao arwapnanah ihirnong bopor mar da apripti dao oh yah hat kasip hat orhorwi patingwerimur. Ihat patima gutnonghe yah han yoto rim da nat patingwerimur. Ihat da nat patim gutdapathe ihirnong wamtiprinengo dahat patiru hat orhor ihirdapathe gutnong wanahatiproheneng dahat patingwerimur napor ama yah meng oh napotporhan nute dahe amam ham da yah hatirimur.

1 Pita 5:12

Mama hatip meng ma nasar moh Noh Sairas oh norhe taptem kasip ham pomat tamreipat hano rim noh ohnong potporhan oh ama nabrak dei ohmur. Mama brak mat ma nasar moh gur Got orhe damdapat orhor nuhurnong bopor naham ma yah nahapat oh arpin inahapat ma hapat daham ama danong mandapririm kasip hat marin ha patengwe rim mama brak mat nasar ohmur.