Biblia Todo Logo
Bìoball air-loidhne

- Sanasan -




Aposer 16:6 - Oksapmin

6 Gahan Got orhe Yahsup oh Poro ihirnong Gur nohe yah meng moh Esia mongnongri pot na pisaprohemur potporhan ihir arpin amongnong na susa Prigia mongo Garesia mongo ama mong ohe aptei apteinong oh meng pot pihipari.

Faic an caibideil Dèan lethbhreac




Aposer 16:6
31 Iomraidhean Croise  

Ire ma brak matiri oh kat han ire kintei Jisas Krais ohe gonsi tamreim saporhan Got orhe meng pot pisapti han ihir wandeipti ritperhan ire wamara ritiri meng ohwi brak matirimur.


Por dahamtiperhan Pita oh kinpitap hatin ma hahnong oh dahat patin Got orhe Yahsup oh ohnong Pita go amratin. Yitir han ihir gonong angnahat apris kot tei ama pati ohmur.


Apriperhan Got ohe Yahsup oh Go Noh ihirsi sapordo da na saporo dahamhe yot da hatipra. Saprohwa daham ihirsi sonmur napotporhan noh Got orhe nita taptem bap diradir dophei han maihirnong ambura nohsi pirimur.


Imat pot pisusa gahan Misia mong apet tei oh kora gin Bitinia mongnong sapera dahatperhan Jisas orhe Yahsup oh Gur amongnongri na saprohemur por baso pongopri.


Susa Antiok aptei indipri. Antiok aptei patdapat gahan susa Garesia mongo Prigia mongo ama aptei aptei oh Jisas orhe nita taptem ihirnong meng por ire danong akasip mat pihipri.


Ihat patin krismas yot birhingopri. Krismas yot dahanggoshat ma pateshe oh mong Esia han Juda bapo Griko bapo ihir gonsi Hanipyah ohe meng oh am hangopari.


Koripti Miretas aptei oh inpa. Ma inpa oh Por oh Noh Jerusarem aptei orhor tuperipti dik Pentikos oh hatipramur. Ihan noh Esia mong oh trun na patema Epesas aptei oh einggahar kapkap Jerusarem ap mutuhnong sapramur daham gar dik tit atei inpa.


Ihtin ohoh ihan guragure danonghe pomar paptenmur. Pomar paptim Got orhe Yahsup oh gurnong Mama Got orhe nita kuuhan bap ihirnonghe gur wamat paptenmuro napor kis nahat napapat ohoh ihan gur ihirnong pomat orhor awamat paptenmur. Got oh nohe nita bapwi ha hatingwe daham orhe mon ohe heim ohsi mohotip bap ihir ohoh ihan gur ihirnonghe pomat orhor awamat paptenmur.


Dahama Beria aptei han Piras ohe mon Sopatero Tesaronaika aptei han yot Aristakassi; Sekundas ihito Derbe aptei han Gaiaso Timotio Esia mong ohe han yot Tikikassi; Tropimas ihito ama han ihirnong ambutipri. Amburpat irair Esia mongnong sonmat Masedonia mong mutuh oh pipri.


Gahan ama beshei dik oh timbas hatin kakduup hah tei Por oh ap yawar oh rongop. Ros patin Esia mong ohe Juda bap kat han ihir ohnong wandeingopa. Wamara ama pati kuuhan ihirnong Por ohnong heisup mar imtin ohe meng oh bi asar indeipti Por ohnong net pongopa.


Ihat patin kat Juda ihir Hanip hrepdapat hat na pati han ire rotu apmur poripti han Juda bap kat han ihir aprisa Sitipen ohe mengnong sakarap deingopari. Ama ihiroh Sairini mongo Areksandria mongo Sirisia mongo Esia mongo amdapat aprisa ohe mengnong sakarap deingopari.


Apripathan Got ohe Yahsup oh Pirip ohnong Go ohe duupnong hama gutagut tap hat son potporhan


Ama kuu gamin ite ap ma sios bap ihir tarmur rotu hapti kuuhan gonsi ihirnonghe sa yah hat patio rim dahatahat hangwermur potinmur. Norhe yah han bopor mat pat han Epinitas ohnonghe Oh sa pato rim dahatahat hangwermur potinmur. Ama han oh Esia mong oh ohri kopenat orhor Krais ohwi inahatin hatin hanwa dahatip han ohmur.


Ama ihtin trun nitat da ma napripat ohe duuptei hat ma pat Yahsup oh tit Yahsup orhapmur. Imat nitat mat ma napripat oh tit Yahsup orhap orhe da orhor Mama han ohnong mama da moh apripora. Mama han ohnong mama da moh apripora daham orhe damdapat orhor imat nitat da napripatmur.


Gin gure Got ohe nita bap Judia mong ma pati bap ihirnong panggeitinmat mani ma tap tei mat asaripti ohe meng oh napotiprohmur. Ma napotiproh oh Garesia mong pati sios bap ihirnong Gur imat asarinmur ma potip meng hatin mat orhor gin gurnonghe imat orhor napotiprohmur.


Esia mong aptei aptei sios bap ihir gurnong Ihirhe sa yah hat patio rim dahatahatperhan noh mama brak mat nasar ohmur. Akwirasi Prisira ihit gaminsi; ite gamin ap ma tarmur rotu hapti kuuhansi ihirhe gurnong dipwi Hanipyah orhe nita bap nuranur ohoh ihan Ihirhe sa yah hat patio rim dahatahatperhan noh mama brak mat nasar ohmur.


Nohe taptem gur amratin. Nure Esia mong patin ina ruumsup ma datpa ohe meng oh gur am ham ha dahatingwe rim noh mameng moh napotiprohmur. Ama ruumsup oh gar ruumsup basmur. Isipnap ruumsup oh naptahatporhan nuhur Isip ruumsup naptahah moh nuhur gin hapuriya ma hapat dahatpamur.


Nohsi; Jisas ohe nita ihirsi nuhur mama brak mar Garesia aptei aptei sios gurnong mama nadarheriya ohmur.


Noh Jisas Krais ohe nambutinmat ma irat bok sur gartahatip ohe meng oh Garesia mong ma pati gurnong pomat napotipmur. Pomat napotporhan gur amram am hat pati orhor gin gure ma da ban tahaya moh nih da ban meng naporit da ban tahayao. Gur da timbas hat patim da ban tahayamur.


Pigerassi; Hemogenes ihito Esia mong aptei aptei ma Got ohe nita bap ihiro gonsi ihir nohnong kasna naham namdatirimur. Kasna naham ma namdatiri oh go am hat patmur.


Nohsi patesuh han Demas oh kakdah mohe paten danong isip hama nohnong namdama Tesaronaika apteinong pipmur. Ma napanggeit napapti han ihiroh Kresens oh Garesia mongnong sus patmur. Taitas oh Darmesia mongnong sus patmur.


Epraham oh Got oh arpin inahatiprawa dahatporhan arpin dam timdip ohe meng oh mohmur. Got oh Epraham ohnong Gin gorhe aptei mong moh mandama norhe ma namdatipra mong teinong sonmur potporhan oh Arpin inahatiprawa daham amrama orhe aptei mong oh mandama wan mong hanhan hat pat mongnong pipmur.


Noh Saimon Pitamur. Jisas Krais orhor Go nohe meng mohsi pot pisona napor kis nahat napapat han noh mama brak mat nasar ohmur. Juda bap gurnong er naham oknahatperhan Pontas mongo Garesia mongo Kapadosia mongo Esia mongo Bitinia mongo among among kukut sus patimur. Ihat kukut sus kakdah morhor kakun hohop han bap hat patio rim noh Got orhe nita bap gurnong brak mat mama nasar ohmur.


Gorhe ma wamtiproh han oh wamara brak matinmur. Brak mara Epesas apteio Sumerna apteio Pergamam apteio Taiataira apteio Sardis apteio Piraderpia apteio Raodisia apteio ama beshei aptei Got ohe nita bap Sios ihirnong adarhetinmur napor hangop.


Gin Jon noh Esia mong ohe beshei aptei Got ohe nita bap sios gurhe sa Yah hat patio rim mama brak mat nasar ohmur. Got rih patesuhru ginhe patru apripra Got oh orhe da orhor Imat yah matpora dahapat dasi; manap hat paten dasi hat sa napaptepra. Yahsup oh Got ohe tongnot pat gwar rum mutuh pat Yahsup oh beshei aptei sios ihirnong kasip mat papat ohe Yahsup oh orhe da orhor gurnong yah nahapat dasi; manap hat paten dasi nahat sa napaptepra.


Lean sinn:

Sanasan


Sanasan