Aposer 14:1 - Oksapmin

¹ Porsi; Banabas ihit Aikoniam aptei oh patim rih Antiok aptei ohe ma hasuhru ihit it Juda ire rotu ap oh rosa meng porisheri. Meng yah mat orhor potperhan Juda hat pati bapo Juda na hat pati bapo ihir kat han gon tit amrama Got ohe danong ama hatpa oh.

Aposer 14:1 Iomraidhean Croise

Mak oh yah meng ma brak matip meng oh 7:26

Ama kuu uh wan ihira. Siria mong Ponisia ihirmur. Meng oh Grik ire meng amrapat kuu uh aprisa Jisas ohnong Go nohe kor uhe mongsup oh ga at pat moh go ga aper amdam nayah matinmur por kandeingopri.

Jon oh yah meng ma brak matip ohe meng oh 12:20

Gahan Pasopa dik oh Got ohe danong ham armi matpero rim Jerusarem ap mutuhnong ma ruhpa han ihiroh Grik ihirhe kat han tit ire tapnong ham ama ruhpamur.

Jon oh yah meng ma brak matip ohe meng oh 7:35

Potporhan ama Juda ihir Oh denong saporhan dir ohnong na wamtipri. Oh diradir kat han Grik ire mutuh rih sus ma pati han ire patinong saprada. Susa ama Grik ihirnong meng am matiprada. Oh na imtiprakin.

Aposer 11:21

Meng poriptin ire atem teinong Got oh kasip matporhan han dam ihir amrama Meng moh arpin menghe daham Jisas ohe danong ama hatpa oh.

Aposer 13:43

Pora kotnong ros kukutperhan kat han Juda ihiro wan han ihir Juda ire pohon rotu hapti danong ma hatpa han ihiro ihir ihitsi tap pipari. Susa ihit Gur Got ohe yah nahapat danong hat patenmur pot pihipari.

Aposer 13:46

Imtiperhan Porsi Banabas ihit watahpei ham Got ohe meng moh Juda bap gurnongri napotin inasi nahat napapat ohoh ihan gurnongri mama naporipti ohmur. Gurnongri naporipti orhor guragurdapat Nuhur eimat paten ina dasi na hatin ina hat patimur daham mengnong moh kom asar mandayamur. Imat kom asar mandaya ohoh ihan nuhut gurnong namdama Juda na hat pati bap ihirnong pot pisasiprimur.

Aposer 13:5

Tom goh mong Saiprasnong susa Saramis ap mutuh oh kotpari. Koripti ama ap mutuh Juda bap ire rotu ap ap oh rosa Got ohe meng oh pot pisasheri. Pot ma pisashe oh Jon Mak ohhe ite tapnong ham ihitnong panggeit pisanipatri.

Aposer 13:51

Er mat darhetperhan ihit Gur Nuhur nuranur san ham ite mengnong na amraya sa ha dahatingwe rim nute tongap huhun tambor moh hirmat matei mandayamur pora ite tong huhun tambor oh hirmat mandama ite pati aptei oh mandama Aikoniam apteinong pipari. Susa atei patesheri.

Aposer 14:19

Gahan Antiok aptei hano Aikoniam aptei hano ama aptei ohe Juda hat pati bap kat han ihir aprisa Por ohe danong ham meng ma amrapti ohe danong amkara iraire danong hatin ohe danong deingopari. Matperhan ihir arpin Por ohe danong mandama iraire danong hangopari. Iraire danong hapti kwei dara kweisi Por ohnong sungopari. Supti Gin sein hah ma hapat dahapti pramat pisusa ap mutuh ohe borpe oh sara mandangopari.

Aposer 14:2

Hatperhan Juda hat pati bap ihir kat han ihir Nuhur Jisas ohe danong na hatiprohemur dahat pati han bap ihirdapat Juda na hat pati han ihirnong Gur Jisas orhe danong hat pati han ihirnong imtinmur por rit asar bi atperhan ihir indeingopari.

Aposer 14:21

Porsi Banapas ihit Derbe apteinong susa ihirnong meng oh poriptin kuuhan han ruumsan ihirhe meng oh amrapti Jisas ohwi inahatin hatin han ma hapat daham orhe danong hangopari. Hatperhan ihit it Ristrao Aikoniamo Antioko ama aptei aptei oh meng pot pihipari.

Aposer 16:1

Gahan Porsi; Banapas ihit Derbe apteinong susa ama aptei amdapat Ristra apteinong pipari. Susa Ristra aptei oh koriyaoh Jisas ohe danong hat pat han tit patgopri. Ama han ohe win oh Timoti oh. Sup uh Juda kuu Jisas orhe danong hat pat kuu uhmur. Itap oh Grik ihirmur.

Aposer 16:2

Ama han ohnong Ristrao Aikoniamo ama aptei Jisas orhe danong hat pati kuuhan ihirdapat Mama han moh yahnap hanmur poripti han Timoti oh patgopri.

Aposer 17:12

Imat sapti Juda bap ruumsan kuuhan ihir arpin meng ma hapat dahangopari. Grik ihirhe winsi hat pati kuuo ruumsan kat ihiroh Arpin meng ma hapat dahangopari.

Aposer 17:17

Ihat da er hama Juda bap ire rotu ap ros Juda bapo Juda na hat pati han ma Got ohnong armi deipti bapo irair dahanggoshat inpari. Kot tei ma tarmuripti tei ohhe ama tarmuriya kuuhan ihirsi dahanggoshat inpari.

Aposer 17:4

Am matporhan Juda bap kat han ihir Moh arpin meng ma hapat daham ite tapnong hangopari. Gahan kat Grik kuuhan ruumsan ma Got orhornong armi deipti bap ihiroh ite tapnong hangopari. Gahan kat kuu winsi hat pati kuu ihirhe ite tapnong hangopari.

Aposer 18:4

Ihat patim Por oh dipwi tuperipti dik oh rotu ap oh rosa Judao Griko ihir Jisas orhe meng amram orhe danong hat ha indingwe rim meng pot indipri.

Aposer 18:8

Ama rotu ap wamat pat han duuptei han oh Krispas ohmur. Oh orhe brer imder ihirsi; kat Korin bap ihirsi ihir meng oh amrama Hanipyah orhe danong hama tom wangopari.

Aposer 19:10

Ihat patin krismas yot birhingopri. Krismas yot dahanggoshat ma pateshe oh mong Esia han Juda bapo Griko bapo ihir gonsi Hanipyah ohe meng oh am hangopari.

Aposer 19:17

Ihirnong imat sutporhan gahan Epesas aptei ma pati han Juda bapo Grik bapo ihir amrapti Hanipyah ohnong armi matin da isip tit hama Jisas ohe win adaptuhutpari.

Aposer 19:8

Ihtiperhan Por oh Juda ire rotu ap oh rosa watahpei ham meng pot indipri. Meng imat ma pot indip oh Got orhe napapat oh orhe ma naporru mat orhor napapat ma hapat ha dahatingwe rim meng oh pomat pot indipri. Por patin hayop yitir sungopri.

Aposer 2:47

Ihat patim Got ohnong armi mar ayao be han hat ma pati ihirdapat ihirnong bopor mat papindin ina da ohsi hat ayao hat patesheri. Ihat patin be han ihirhe Got ohe mengnong amram Moh arpin mengwa daham Got ohe danong hatperhan Got oh ambura ire tapnong mara orhe nita bap mar isip mat pisanipatri.

Aposer 20:21

Imat ma napot napisapat oh Juda bao Grik bapo guragurnong gonsi Gur er danong kom asar mandama Got orhe danongwi ham Jisas ohwi inahatin hatin hanwa dahat patenmur napot napisapatmur.

Aposer 21:28

Net poripti kasip mengtei Isrer bap gurhe nuhur Por ohnong ha sutingwe rim napanggeitina. Mama han mohoh dirnongo Moses ohe pohon mengnongo dire ap yawarnong moho erernong moh namkar bisei matin ohe meng oh rit apripatmur. Rit aprisa ginhe Juda na hat pati han ihirsi apnong mama pamra oh atnap apnong moh naer mar ihahmur pongopa.

Aposer 9:20

Sor ohe Damaskas ap mutuh ma indip oh ama yah hah dik orhor Juda ire rotu ap ap oh rosa Jisas oh Got ohe brermur rim Jisas ohe meng oh pot pihipri.

Rom ihirnong Por oh brak atip ohe meng oh 1:16

Gur mohnong dahenmur. Krais orhe yah meng moh ma pot pisapti ohe pe oh ihir arpin Krais orhor inahatin hatin hanwa dahatperhan Got orhe kasip ohsi ambutin inasi mar papatmur. Ihtin kasip mengo rim noh hanip ihirnong potin oh noh na kas ham potin dawi ham porpatmur. Got oh yah mar ambutin inasi mar ma papat oh Juda nuhurnongri imat nambutin inasi nahat napapatmur. Komdapat Grik han bapo ama be han hat pati bap gurnong oh ihtin inasi nahapatmur.

Rom ihirnong Por oh brak atip ohe meng oh 10:12

Ritporhan ma brak matpa oh Got oh Juda hat pati han irarhe hat patimura; Juda na hat pati irarhe hat patimur daham ameng oh ritipda. Basra. Juda hat pati bapsi; Juda na hat pati bapsi Got orhor tit bapwi nahat napapatmur. Inahat napapat han oh diradire gonsi Hanipyah tit pokwimur. Ama inahat napapat han ohnong dir Gorhor nuhurnong napanggeitina por dahamtiperhan orhe damdapat Noh imat bapkei matpora ma dahapat da oh ama imat dahandeiya han gonsi dirnong tap mat bapkei naham isip mat orhor napripatmur.

Garesia 2:3

Am matporhan ihir am hapti Por oh eit watah gatmatin meng oh na pot pisapat ma hapat. Krais ohe meng ohwi pot pisapat ma hapat. Imat ma pot pisapat oh kimur. Ihan dir ohsi tap hat apir han Taitas wan han Grik ihir orhor Juda nure tan eit watah gatmatina na potiprohemur daham ohnong Eit watah gatmatina na potpamur.

Garesia 3:28

Ihama dir Krais ohe nitao rim tit pokwi haptimur. Hapti Moh Judamur. Moh Grikmur. Moh be atamreipat hanmur. Moh hanip ire hrepnong hat na patim orhe teinong hat pat hanmur. Moh kuumur. Moh hanmur rim na tisariptimur. Jisas orhe nita tit bapwi hat pati ohoh ihan dir na tisariptimur.

Korosi 3:11

Orhor hatin nahat napisapat ohoh ihan gur Noh Juda bap han hat patwa. Noh Juda bap na hat pat hanwa. Noh eit watah gatmatin han hat patwa. Noh eit watah na gat matin han hat patwa. Oh hohop han hat patwa. Oh da kapot sar ma ihat sapat han hat patwa. Oh ire hrepdapat hat patin be atamreipat hanwa daham guragure ma ihat pati danong ohri hapri. Ama ihapti da oh na napanggeitin da ohoh ihan ama danong ohri hapri. Krais orhorwi napanggeitin ohe duupteinap han hat pat ohoh ihan orhornongwi dahat patenmur.

2 Timoti 3:11

nohe ihat sapat ohe pe ruumsup ma darpat danongo nohe ama ihat sapat da oh gonsi go am hat patmur. Noh ina ruumsup ma datir oh noh Antiok ap tei patin niyao Aikoniam aptei patin niyao Ristra aptei patin niyao nahatperhan nohe batbet dar ruumsup ma datir oh go am hat patmur. Aptei aptei nitperhan nohe ina ruumsup dar ma namkarpat oh ire bes tei patin orhor Hanipyah orhor yah naham nambutirmur.