Aposer 11:16 - Oksapmin

¹⁶ Ihat saporhan noh Hanipyah ohe ma napotip meng oh Jon oh tomwi napatirpatmur. Kaputnong oh Jon orhe tom ma napatirpatru nahat Got orhe Yahsup oh gure mutuhnong nahatipramur ma napotip mengnong oh noh it dahatirmur.

Aposer 11:16 Iomraidhean Croise

Matyu 3:11

Porpat Noh gure er da ha mandatingwe rim tomwi napatirpatmur. Kasipnap han oh kom apripramur. Ma apripra han oh kasip isipsi han oh apripramur. Nohe kasip oh ohe kasip hrepdapat hat patepramur. Oh kasip yahnapsi han ohoh ihan noh bisei han hatin hat pat ohoh ihan noh orhe tongapnong na apison inasi hat patmur. Ihtin kasipnap han tit aprisa gurnong Got ohe Yahsup ohsi; gure danong nahirmatin ohe irat has hatin ohsi nohe tom ma napatirpatru nahat gure mutuhnong namtipramur.

Matyu 3:6

Aprisa iraire er hat sapti ohe meng tirip hatperhan oh tom Jodan dahnong patirisuhri.

Mak oh yah meng ma brak matip meng oh 1:8

Noh tomwi napatirpatmur. Ihtin han oh aprisa Got ohe Yahsup ohsi gure mutuhnong tom ohe tan mat namara napatiripramur ponipatri.

Ruk oh yah meng ma brak matip ohe meng oh 24:8

Potperhan kuu ihir Yo. Orhe ma napongop meng mah sa daham orhe ma potip mengnong it dahatpari.

Ruk oh yah meng ma brak matip ohe meng oh 3:16

Ihat daham apetperhan Jon oh Es. Noh oh basmur. Noh tomwi napatirpatmur. Kasipnap han oh kom apripramur. Ma apripra han oh kasip isipsi han oh apripramur. Nohe kasip oh ohe kasip hrepdapat hat patepramur. Oh kasip yahnapsi han ohoh ihan noh bisei han hatin hat pat ohoh ihan noh orhe tongap nangnong noh na arpitin inasi hat patmur. Ihtin kasipnap han tit aprisa gurnong Got ohe Yahsup ohsi; gure danong nahirmatin ohe irat has hatin ohsi nohe tom ma napatirpatru nahat gure mutuhnong namtipramur.

Jon oh yah meng ma brak matip ohe meng oh 1:26

Dahamtiperhan oh Noh tomwi napatirpatmur. Gure mutuh oh aprin han oh gin kakduup hapatmur.

Jon oh yah meng ma brak matip ohe meng oh 14:26

Kaput noh saporhan at oh nohe mengtei gurnong napanggeit napapten Yahsup oh nadarhetipramur. Nadarhetporhan ama Yahsup oh erer gon oh gonsi am nahapramur. Am nahama gure danong napamsaporhan gur nohe ma naporpat meng moh it dahaprimur.

Jon oh yah meng ma brak matip ohe meng oh 16:4

Ma inahaya tei oh gur Ohe ma napongop oh gin arpin mama inahaya ma hapat gur ha dahengwe rim mameng moh naporpatmur. Noh rih oh gursi tap hat patim ohoh ihan gurnong mihtin meng moh na naporisuhmur. Gin noh son tei ohoh gurnong mameng moh naporpatmur napongop.

Aposer 20:35

Nohe ma gurnong namgim ihpat oh gurhe guragure ma ihat kasip hat tamrein sapti ohe pe oh arwananah asoh ma er ham Nuhur kinhatiprohe sa dahat pati bap ihirnong asoh panggeit ha pisashengwe rim gurnong namgim ihpatmur. Ihirnong panggeitinmat Hanipyah Jisas oh Gur erer oh arwananah ihirnong apriyahanoh ama apriya han gure imat apriya ohe amam oh isipnapmur. Gur apriperhan ma dariya han ire amam oh gure amam isip ohe hrepdapat hat patmur ma napotip ohe mengnong oh daham panggeinmur pongop.

1 Korin 12:13

Dir ihat trun han bap hat pati orhor tit inawi hat ma pati oh mamaru hat patmur. Juda hat pati han bapo Juda na hat pati han bapo ire hrepdapat nang tatpat patim be atamreipti han bapo ire hrepdapat nang na tatpat patim be han hat pati han bapo ama trun han bap hat ma pati han bap dirnong oh Got oh orhe Yahsup oh dire mutuhnong namtiporhan dir tap hat patim tom wasa Krais ohe ina ohsi dir tit inawi hat patimur.

2 Pita 3:1

Norhe bopor nahat napapat taptem gurnong tipnerip brak oh gin mama brak mat nasar ohmur. Noh rihohe brak mat ma natir meng ohsi; gin mama brak mat nasar meng mohsi gure yah hat indin ohe danong pomat daham ha indingwe rim noh it gure danong napamsas mama brak mat nasar ohmur.