MATTHEW 5:9 - Tohono O'odham

⁹ Mt wo chum si s‑ap e tahtkkad ahpim mam am ha dodolimachud g hemajkam. Mt wo s‑em‑mahchk mam d aꞌaligaj g Jiosh.

MATTHEW 5:9 Iomraidhean Croise

MATTHEW 5:48

Em‑ohg Jiosh o d si hekia s‑apꞌekam. Pegih, mt ahpim hab waꞌap d wo si hekia s‑apꞌekamk.”

LUKE 6:35

“Neh, mt ab wo pihk e elidad ha wui g e‑obga ch am hab wo ha junidad g s‑ap haꞌichu ch wo haꞌichu ha mah mamt pi ab hu uhpam wo ge neidad. Bamt masma am wo e chehgi mam d aꞌaligaj g Jiosh. T heg muꞌi s‑kehg haꞌichu ab wo em‑mah. Jiosh o hab wa masma s‑ha hoꞌigeꞌid g pi ap hemajkam ch hegam mo pi ab hu uhpam hoꞌigeꞌelid.

ACTS 7:26

Sh am baꞌich d i tash, sh am haꞌi e cheggia g Tutuligo. Tsh am ha neid k chum s‑ha daꞌid k hab kaij, ‘Kia, ahpim! Dam e‑wepngam ch eda haschu ahgch e cheggia?’

ROMANS 12:18

Am g wo i e nakog mamt s‑ap e tahtk ch ab wo ha neidad g hemajkam mamtp heꞌes wo i e nako.

ROMANS 8:14

Ab at t‑mah g Jiosh g Hekia S‑apꞌekam Gewkdag. K heg am t‑wanimed. Ch hab s‑mahch mach d Jiosh aꞌaliga

ROMANS 8:16

Hekia S‑apꞌekam Gewkdag o am t‑tashogid mach d aꞌaligaj g Jiosh.

ROMANS 8:19

Jiosh atsh wehs haꞌichu dahm wo t‑mahsko wua ahchim aꞌaligaj. K wehs haꞌichu nahtoij heg nenida.

1 CORINTHIANS 6:6

K amsh aꞌai e lodait am wabsh ha nena ed hegam mo pi mahch g Jiosh.

2 CORINTHIANS 13:11

Pegih, ni‑wepnag, haꞌas ant hab wo chei. Am g wo i e nakogi mamt wehs ab wo i e dagito Hekia S‑apꞌekam Gewkdag wui. T heg wehs wo i em‑apꞌech. Ab g wo i s‑wohog elidad g t‑mashchamadag ch ab wo i hemakoch g e‑wohochudadag k wo s‑ap e tahtk ch e wehm kihkad. T g Jiosh wo em‑wehmajk ch wo em‑mah g pihk elidadag ch s‑ap tahhadkam.

2 CORINTHIANS 5:20

Neh, kuch si s‑hemajim ab em‑waid am wehhejed g Christ mamt ab wo i hiwigi g Jiosh mat am gawul wo i em‑juh mamt hahawa pi d wo obgajk.

GALATIANS 5:22

Kuch wabshaba pi hab mahs ahchim mo am t‑eda ulinig g Hekia S‑apꞌekam Gewkdag. Heg o am chikpan g t‑doakag. Kuch hab si pihk t‑elid ha hekaj ch si s‑ap t‑tahtk ch ab wabsh i s‑dodolima ch s‑t‑tahtk ch nenida mo haschu g Jiosh apꞌechudch t‑wehhejed ch s‑ha hoꞌigeꞌid g hemajkam ch s‑apꞌe ch s‑hemajima ch wabsh si t‑shohbidch ch am hab wo juh mach has i kaij. Pi o an hu shaꞌi shohbidch g chehanig hegai hab mahs haꞌichu.

EPHESIANS 4:1

Dani lihso heg hekaj mani ahgachug g haꞌichu ahga ab amjed g t-kownalig Jesus. Kuni ab si s-em-hoꞌigeꞌidam am em-ahgid mamt hab wo masmak mo has masma g Jiosh em-tatchuid ch ab i em-gawulkai.

PHILIPPIANS 4:2

Ab ani s-em-ahgidamk ahpim Euodia ch Syntyche mamt pi wo e neꞌowinad ch am wabsh wo i e wehmajk nam pi d e wehm wohochuddam.

COLOSSIANS 3:13

Jiosh at ab s-t-hoꞌigeꞌid k gam hu hab i juh g pi ap t-chuꞌijig. Kutt hab waꞌap wo s-ha bahbgi hegam mat hab wo juh g pi apꞌekam ab t-wui k hab waꞌap ab wo s-ha hoꞌigeꞌel.

HEBREWS 12:14

Am g wo i e nakog k wehs s‑ap ab wo ha neidad g hemajkam ch am hab wo junihid g s‑apꞌekam haꞌichu namt pi hab waꞌi masma am wo i wahp Jiosh kihdag ed.