MATTHEW 5:3 - Tohono O'odham

³ Mt wo chum si s‑ap e tahtkkad ahpim mam ab e shoꞌigchud Jiosh wui. Do em‑wehhejedkam g Jiosh kownaltalig.

MATTHEW 5:3 Iomraidhean Croise

MATTHEW 11:25

D g Jesus am hahawa e hoꞌigeꞌidahun k hab kaij, “Ni‑ohg Jiosh, dap kownal wehs haꞌichu dahm. K hab d m‑elida mat pi hedai wo e nako mas hejel wo s‑amich g haꞌichu m‑ahga. E o ehstokch am ha wehhejed g s‑chu aꞌamichuddam ch haꞌichu s‑mahchim. Kup wabshaba am ha chehgid idam mo haꞌichu s‑mahchimk hab masma mo g aꞌal. Ni heg hekaj ab si m‑hoꞌigeꞌid.”

MATTHEW 11:6

T g Jiosh ab wo s‑em‑hoꞌigeꞌidad mamtp hedai ab wabsh wo ni‑hiwgad.”

MATTHEW 13:16

Kum eda ahpim pi hab shaꞌi mahs mo hegam mash pi amichud. Jiosh o ab s‑em‑hoꞌigeꞌid. Kum s‑ap s‑amichud mam haschu i neid ch kah.

MATTHEW 19:14

D hab kaij g Jesus, “Ab g wabsh wo i ha hiwgid g aꞌal mat ab wo i hihi ni‑wui k pi an hu wo shaꞌi ha shohbi. Am at wabsh s‑moimam wo i wahp Jiosh kownaltalig ed ab ni‑hiwigch. Kumt hab waꞌi masma am wo i wahp.”

MATTHEW 24:46

T am ep wo jiwia k wo cheh mo s‑ap am hab junihim g e‑chikpan. Kut d wo si geꞌe s‑hehgigk heg wehhejed pion.

MATTHEW 25:34

Bant wo ha ahgi hegam mant ab i ha gawulkai, ‘Ab g wo i hihim. S‑em‑hoꞌigeꞌid o g Jiosh. Ni‑gegos amt mani wa d bihugimkam k ni‑wasibi mani wa d tonomkam k am i ni‑wahki e‑kih ed mani wa d wabsh ge oꞌodham k ni‑enigadad mani wa pi haꞌichu edgid k ni‑nuhkud mani wa mumku k am ni‑chechga mani wa d lihso. K g Jiosh am nahtokch g kihdag em‑wehhejed ga hu i amjed mat in i nahto g jewed. Ab g wo i wahpkid k wo edagi.’

MATTHEW 3:2

John jehnigida ash hab chuꞌig, “Gam g hu wo s‑ohhod g pi ap e‑chegitoi. E o aihim mat in wo i wuhsh g Jiosh kownaltalig.”

MATTHEW 8:11

Kunt hab wo em‑ahgi mat muꞌijj ab wo i hihi siꞌal wecho amjed ch hudunig wecho amjed k am wo wehmaj dadhaiwua g Abrahambad ch Isaacbad ch Jacobbad an Jiosh kihdag ed.

MARK 10:14

Kutsh oi wa pi hohhoꞌi g Jesus matsh chum pi ha hiwigi k hab ha ahg, “Ab g wabsh wo i ha hiwgid g al aꞌal mat ab wo i hihi ni‑wui k pi an hu wo shaꞌi ha shohbi. Am at wabsh s‑moimam wo i wahp Jiosh kownaltalig ed ab ni‑hiwigch.

LUKE 11:28

Sh wabshaba hab kaij g Jesus, “Baꞌich at wo i s‑hehgigk hegam mat ab wo kaihamad g Jiosh haꞌichu ahga.”

LUKE 18:14

“Kunt wo em‑ahgi mat id am i apꞌech g Jiosh e tahgio. T s‑ap e taht k hih uhpam. T g Jiosh pi am hu i apꞌech hegai Palasi. Do wohokam mat g Jiosh wo haꞌichuch hegai mat hedai hejel pi wo e haꞌichuch k wo pi haꞌichuch hegai mat hejel wo chum e‑haꞌichuch.”

LUKE 22:29

Kunt heg hekaj wo em‑kokownalch hab masma mat g ni‑ohg Jiosh ni‑kownalch.

LUKE 22:30

Mt am ni‑wehm wo e gegosidad ni‑kownaltalig ed. Kunt hab wo em‑juh mamt d wo uꞌusagakamk am ha dahm hegam gamai gohk kawod dakam Tutuligo hemajkam.”

LUKE 4:18

Jiosh at am i ni‑kei mant am wo ha ahgidahid g shoꞌigkam g s‑kehg haꞌichu ahgaj. K heg hekaj am ni‑wehmaj g Hekia S‑apꞌekam Gewkdag ch ab ni‑mahkch g si geꞌe gewkdag. K ab ni‑chehani g Jiosh mant am wo ha ahgidahid g doꞌibiadag hegam mo haꞌichukaj e wupulshch ch wo ha nench g pi neneadam k ab wo i ha wuwhas hegam mo haꞌichukaj e kudut

JOHN 20:29

D hab ep kaij g Jesus ab wui, “Ab apt i s‑ni‑wohoch nap pi ni‑neid. Baꞌich at wo i s‑hehgigk hegam mat ab wo i s‑ni‑wohoch wa chum pi g e‑wuhpuikaj ni‑neidch.”

JAMES 1:10

Kut g s-kakais hab waꞌap wo chum si s-ap e tahtkkad e doꞌibiak. Jiosh o am wehs t-wepo t-haꞌichuchud. S-kakais at haꞌas s-hohtam gam hu hab wo i e juh mat g shoꞌigkam.

JAMES 1:12

Tt wo si s-ap t-tahtkk matt hekid s-ap ab wo nako g t-shoꞌigdag. Ab o t-mahkch g Jiosh g wechij doakag ahchim mach ab si tatchua ch am wo i t-wahpki e-kihdag ed matt hekid wehs wo gahi wuwha g t-aꞌappemadag.

JAMES 2:5

Jiosh ash ab ha makiog g shoꞌig hemajkam g geꞌe wohochudadag mat am wo apꞌedagk kihdaj ed. Kutsh wehsijj ab wo i ha wahpki hegam mo ab tatchua.

REVELATION 19:9

K hab kaij g anghil ab ni-wui, “An g oꞌohan ihda: Ab at wo i ha hemapai g e-hemajkamga hegai mo kahwalkaj ab e chehgidch. Kut wo si s-hehgigk hab masma mamt wo si s-hehgigk am ha-gegosig ed g wo ha hohntam.” K hab ep kaij g anghil, “Id o d si s-wohokam Jiosh neꞌoki.”

REVELATION 22:14

Neh, no hig pi woho mat wo si s-ap e tahtkk ch pi wo si e el hegai mat g wehschugaj s-kehg wo wakonask, Pegih, mt hab wa masma wo si s-ap e tahtkk matp gam hu hab wo i e juh g pi ap em-chuꞌijig. Jiosh at ab wo em-mah g apꞌedag mamt ab wo koꞌad g bahidaj hegai doakag uhs ch ab wo i wahp kolhai kihjeg t ab heg eda Wechij Jerusalem. Kumt wo si s-hehgigk.

REVELATION 3:17

Bam chechꞌe mo am wabsh i s-em-apꞌe haꞌichu nam pi d s-kakais ch hab ep chechꞌe mam pi haꞌichu ep shaꞌi tatchua. Ni wabshaba em-ahgid mam si shoꞌig ch s-ta hoꞌigeꞌidama ch gm wabsh i s-dadpk ch pi nenea.