MATTHEW 5:10 - Tohono O'odham

¹⁰ Mt wo em‑shoꞌigch ahpim mamt hab wo junihid g Jiosh tatchui. K wabshaba d em‑wehhejedkam g Jiosh kownaltalig. Kumt heg hekaj wo si s‑ap e tahtkkad.

MATTHEW 5:10 Iomraidhean Croise

MATTHEW 10:23

Neh, mtp hems wo em‑shoꞌigch hasko. Pegih, mt wo ahhio heg amjed kihhim k gam hu baꞌich kihhim wui ep wo hihi. Nt wo shel em‑ahgi mant ep wo jiwia ahni Jiosh si Kehsha mamt koi wo ha chehmo g e‑wehm oꞌodham ha‑kihhim.

MATTHEW 19:14

D hab kaij g Jesus, “Ab g wabsh wo i ha hiwgid g aꞌal mat ab wo i hihi ni‑wui k pi an hu wo shaꞌi ha shohbi. Am at wabsh s‑moimam wo i wahp Jiosh kownaltalig ed ab ni‑hiwigch. Kumt hab waꞌi masma am wo i wahp.”

MATTHEW 25:34

Bant wo ha ahgi hegam mant ab i ha gawulkai, ‘Ab g wo i hihim. S‑em‑hoꞌigeꞌid o g Jiosh. Ni‑gegos amt mani wa d bihugimkam k ni‑wasibi mani wa d tonomkam k am i ni‑wahki e‑kih ed mani wa d wabsh ge oꞌodham k ni‑enigadad mani wa pi haꞌichu edgid k ni‑nuhkud mani wa mumku k am ni‑chechga mani wa d lihso. K g Jiosh am nahtokch g kihdag em‑wehhejed ga hu i amjed mat in i nahto g jewed. Ab g wo i wahpkid k wo edagi.’

MATTHEW 5:3

Mt wo chum si s‑ap e tahtkkad ahpim mam ab e shoꞌigchud Jiosh wui. Do em‑wehhejedkam g Jiosh kownaltalig.

MARK 10:14

Kutsh oi wa pi hohhoꞌi g Jesus matsh chum pi ha hiwigi k hab ha ahg, “Ab g wabsh wo i ha hiwgid g al aꞌal mat ab wo i hihi ni‑wui k pi an hu wo shaꞌi ha shohbi. Am at wabsh s‑moimam wo i wahp Jiosh kownaltalig ed ab ni‑hiwigch.

LUKE 21:12

“Mat koi hab wo e juh ihda, kumt an wo em‑uꞌu k wo em‑shoꞌigchud k am wo em‑uꞌapa chechopi ha wui k wo em‑kuh. Kumt wo e lodai am ha tahgio g kokownal nam pi ab s‑ni‑wohochud.

LUKE 22:29

Kunt heg hekaj wo em‑kokownalch hab masma mat g ni‑ohg Jiosh ni‑kownalch.

LUKE 6:20

Tsh g Jesus ab i ha nei hegam mash ab si hiwig k hab kaij: “Mt wo chum si s‑ap e tahtkkad ahpim mam ab e shoꞌigchud Jiosh wui. Ab at wo i em‑wahpki e‑kihdag ed.

LUKE 6:22

T wo s‑em‑kehꞌidad g hemajkam ch wo s‑em‑ohhod ch wo s‑koꞌokam has em‑ahgad ch hab wo chei mam d wabsh pi apꞌekam.

JOHN 15:20

Mt wo s‑chegitok mani wa hab em‑ahgid mat pi hebai g pion hab wo chum e elidad mas baꞌich d i ge haꞌichu mo g e‑ahmo. T wo em‑shoꞌigch hegam mo ni‑shoꞌigchud. Kut ab wo s‑em‑wohog el hegam mo ab s‑ni‑wohog elid. Hegam mo pi mahch g ni‑ohg o ni‑shoꞌigchud ch hab waꞌap wo em‑shoꞌigchudad nam pi ab ni‑wui e dagitokch.

ACTS 5:40

k hab ha ahg g geꞌe cheopi nuhkuddam mat am wo i ha wahpki g lilso k wo ha gewitta. Tsh wa woho hab e juh. Kutsh ab ep si ha ahgi mat pi am hu wo shaꞌi aꞌagad g Jesus k hahawa ha dagito.

ACTS 8:1

Sh g Saul am wabsh apꞌechud mamt mua. Sh amai i amjed mamtsh ab si s‑gewkam i ha shoꞌigch g Jesus ihmdam amai Jerusalem t am. Kutsh aꞌai ahhio g e shoꞌigchuddam amai Judea ch Samaria chechkshani ch ed. Tsh wabshaba hegam Jesus chuhchai pi hasko ahhio.

2 CORINTHIANS 4:17

Hebaichujj ach hab hi wa elid mo shaꞌi si geꞌej g t‑kudutadag iia. K wabshaba heg ab wui t‑uꞌa g woho si geꞌe apꞌechudaj g Jiosh. Heg eda at g Jiosh chum hekid ab wo si has t‑elidad. T pi an hu wo haꞌichugk g jewed t ab t‑kudutadag.

PHILIPPIANS 1:28

Pi g wo shaꞌi ha ehbidad hegam mo ab em-wui gegok. T heg amjed wo s-mahchk mat ab wo bei g s-koꞌok e-namkidadag. Mt ahpim ab wo bei g e-doꞌibiadag ab amjed g Jiosh.

2 TIMOTHY 2:12

T heg ab wo t-hiwigi matt wo i wehmt am eda g kownaltaligaj ahchim matt an wo uꞌukchid g t-wohochudadag am t-shoꞌigdag ed. T wabshaba im hu hab wo i e juh ab ha amjed hegam mat wo dagito g e-wohochudadag.

2 TIMOTHY 3:11

S‑mahch ap mam ni‑shoꞌigchud. Kuni muꞌi haꞌichu s‑koꞌok nakog. S‑mahch ap mant muꞌi haꞌichu nako am Antiok t am ch Iconium t am ch Lystra t am. T wabshaba g Jiosh ni‑doꞌibia wehs amjed ihda.

JAMES 1:12

Tt wo si s-ap t-tahtkk matt hekid s-ap ab wo nako g t-shoꞌigdag. Ab o t-mahkch g Jiosh g wechij doakag ahchim mach ab si tatchua ch am wo i t-wahpki e-kihdag ed matt hekid wehs wo gahi wuwha g t-aꞌappemadag.

JAMES 5:11

nam pi s‑mahch mo g Jiosh ab ha mahkch g s‑ap tahhadkam. Hegai kelibad mash hab chehgig Job ash hab waꞌap s‑e tahtk ch nakog g e‑shoꞌigdag. Tsh g Jiosh am hahawa wehhejed geꞌe haꞌichu i apꞌech. Id o am t‑chehgidch mo si s‑t‑hoꞌigeꞌid ch si pihk e elid t‑hekaj.

1 JOHN 3:12

Neh, hema ash wa d Cain ch hab junihim g Jiawul tatchui. Kumt pi oidk am hab wo e junihid. Cain cheoj wehnag ash wa hab junihim g s-apꞌekam. Sh g Jiosh si tatchua. Tsh g Cain heg hekaj s-hehgam k mua.

REVELATION 2:10

“Pi g am wo shaꞌi ehbidad mamtp haschu i s-koꞌok ab wo nako. Neh, mt wo em-kuh. K wabshaba d wabsh Jiawul chiꞌoida ihda. Kut am waꞌi wehst-mahm tash hab wo mahsk ihda em-kudutadag. Am amt wo hihimad e-wohochudadag oidch am hugkam mamt hekid wo i koi. Kunt ab wo em-mah g pi ha huhugedam doakag hab masma mamt g gihko wo mah hegai mat wo ha gewito.