MATTHEW 4:11 - Tohono O'odham

¹¹ Kutsh wa woho gam hu hih g ge Jiawul. Tsh g anghil ab wui hihi g Jesus k am i wehmt.

MATTHEW 4:11 Iomraidhean Croise

MATTHEW 26:53

Aha nap pi mahch mantp ab wo tai g ni‑ohg, t ha hekaj wo ha cheha g shaꞌi si muꞌi mihl anghil mat ni‑wehhejed wo ha cheggia.

MATTHEW 4:6

Kush hab ahg, “Maptp woho d wo Jiosh alidagk, pegih, am g i dahꞌi amjed mo gan hu si uhgk kihtas. No hig pi hab chuꞌig an Jiosh oꞌohana ed: Jiosh at ab wo ha cheha g muꞌi anghil mat wo m‑nuhkud. Kut an hu wo m‑uꞌukchid mapt nih g shaꞌi e‑tahtad ab hu wo shul hohodai t ab.” Psalm 91:11

MARK 1:13

Kutsh am hih tohono jewed wui k am haꞌichug giꞌikko wehst‑mahm tash ab mo am haꞌichug g mischini haꞌichu doakam. Sh heg i oidam g ge Jiawul am chum s‑wuimk pi apꞌekam ch ed. Sh wabshaba g anghil am nuhkud.

LUKE 22:43

Tsh am haha wabsh hema jiwia g anghil ab wui k ab si i gewkaj.

LUKE 22:53

Am ani em‑wehm haꞌichug cheopi t am wehs tashkaj. Kumt pi an hu ni‑bei. T wabshaba hemu am i em‑apꞌet. Pi apꞌekam at s‑ap am hab wo e juh s‑chuhugam k ed.”

LUKE 4:13

Kush g Jiawul am hahawa sha dagito g Jesus am i wehs nahnko masma chum s‑wuimkk pi apꞌekam ch ed.

JOHN 14:30

“Hemu at am geꞌe wo chehgi g e‑gewkdag g jijawul ha‑geꞌejig no pi chum e kownalchud ia jewed dahm. K heg hekaj pi am hu geꞌe s‑ni‑apꞌe mant tash am haꞌichukaj wo em‑wehm neo. K eda pi uꞌukch g gewkdag mas hab wo ni‑juh manis ab wecho wo i ni‑ul.

1 TIMOTHY 3:16

Pi o wa ta machima matt has masma wo s-apꞌekamk am Jiosh tahgio. T wabshaba id am i t-tashogi g Jiosh. K d wohokam ihda mo an hab chuꞌig neꞌi ed: T-wepo at hab e juh g Jiosh alidag k an e mahsid. T g Hekia S-apꞌekam Gewkdag am wohokamch mo d s-apꞌekam. S-ta neidamam at hab e juh, chum hems g anghil ha wehhejed. S-kehg haꞌichu ahga ab amjed o an e ahgahim nahnko mahs hemajkam ha wui. T muꞌi hemajkam ab s-wohoch. Kut am uhpam ep i bei g Jiosh dahm kahchim wui. Neh, pi at hedai wo shaꞌi e nako mas wo pi wohokamch ihda wohokam.

HEBREWS 1:14

Anghil ash pi wepo masma g Jiosh alidag ch d wabsh gewpkdag mash am chikpan Jiosh wehhejed. Kuch ahchim d hahawa Jiosh aꞌaliga t‑doꞌibiak ch am wo i wahp kihdaj ed. Kush g anghil d Jiosh pionag ch atsh am wo i t‑wehmajk.

HEBREWS 1:6

K an ep oꞌohanas mash hab kaij: Wehs g anghil at hemho wa ab wo hehgchulidad.