MATTHEW 3:3 - Tohono O'odham

³ Neh, id o hab ahg John hegai kelibad Jiosh haꞌichu i tashogiddam mash hab chehgig Isaiah mash eda hab kaij: Hema atsh gam hu jeg ed wo ha mihshmad g hemajkam hab kaijch: Neh, in atsh wo i wuhsh jewed dahm hegai mo d ge kownal wehs haꞌichu dahm. Kumt heg wehhejed wo i e nako. Isaiah 40:3

MATTHEW 3:3 Iomraidhean Croise

MARK 1:3

Id at gam hu jeg ed wo ha mihshmad g hemajkam hab kaijch: Neh, in atsh wo i wuhsh jewed dahm hegai mo d ge kownal wehs haꞌichu dahm. Kumt heg wehhejed wo i e nako. Isaiah 40:3 Neh, bash ahg g e‑alidag g Jiosh.

LUKE 1:17

T koi in hu wo i wuhsh g Jiosh si Kehsha jewed dahm. T g em-aliga ia wehpeg wo ahgachugad mat in wo i wuhsh. T g Hekia S-apꞌekam Gewkdag ab wo mah g gewkdag heg wehhejed hab masma mo wa ab mahkch g Elijabad. Kut hab wo ha juh g hemajkam mat ab wo si pihk e elidad ha hekaj g e-aꞌaliga k hegam hab wo ha juh mo d pi apꞌekam mat ab wo kaihamad g ha-amichudadag hegam mo d s-apꞌekam. Neh, bat masma am wo i ha apꞌech g hemajkam heg wehhejed jiwhiadaj g Jiosh si Kehsha.” Neh, bash kaij hegai anghil.

LUKE 1:76

Ihda ni-sulijga at d wo Jiosh haꞌichu i tashogiddamk ch wo ha ahgi g Jiosh hemajkamga mat g Jiosh ab wo s-ha hoꞌigeꞌid k gam hu hab wo i juh g pi ap ha-chuꞌijig k wo ha doꞌibia ab amjed g s-koꞌok ha-namkidadag. Kut heg hekaj wo e nahtokchid mat g doꞌibiakam am wo i e maskogi. Id at am wo i wuhsh Jiosh t amjed k ab wo t-mah g amichudadag.

JOHN 1:23

D g John hab hahawa kaij, “Ahni ani wud mo hab ni‑ahg ch an oꞌohanas: Hema atsh gam hu jeg ed wo ha mihshmad g hemajkam hab kaijch, ‘Neh, in atsh wo i wuhsh jewed dahm hegai mo d ge kownal wehs haꞌichu dahm. Kumt heg wehhejed wo i e nako am dagitok g pi ap e‑chuꞌijig.’ Isaiah 40:3 Neh, id o d neꞌokij hegai kelibad Jiosh haꞌichu i tashogiddam mash hab chehgig Isaiah,” bad kaij g John.