MATTHEW 24:5 - Tohono O'odham

⁵ Muꞌi at an wo i wuwha aꞌahidag oidam k ni‑wepo wo e chehcheg hab kaijch mo d Jiosh si Kehsha. Kut muꞌijj ab wo s‑ha wohoch.

MATTHEW 24:5 Iomraidhean Croise

MATTHEW 24:11

Muꞌi at an wo i wuwha g s‑chu iꞌattomkam k hab wo e aꞌagad mo d Jiosh haꞌichu i tashogiddam. T muꞌi hemajkam ab wo s‑ha wohoch.

MATTHEW 24:24

Muꞌi at in wo i wuwhag k hab wo chei mo d ni‑ahni Jiosh si Kehsha o d Jiosh haꞌichu i tashogiddam k am hab wo wuad g s‑hasig haꞌichu mat hekaj wo i chum ha wanchshul g Jiosh hemajkamga matp wo e nako.

JOHN 5:43

Ia ant jiwia g ni‑ohg si wehhejed. Kum pi ab hu has ni‑elid. Hegam at ab has d wo em‑elidak matp hedam wabsh hejel e wehhejed ab wo i wuwha.

JOHN 8:24

Kum eda pi ni‑wohochud mani d ge ahni. Ni heg hekaj am em‑ahgid mamt wo koi pi e doꞌibiak.”

JOHN 8:28

D heg hekaj hab ep kaij g Jesus, “Mt wo mai mani d ge ahni mamt hekid ab uhgk wo ni‑ul mamt wo ni‑mua ahni Jiosh si Kehsha. Am amt haha wo mai mani pi hab wua g hejel ni‑tatchui ch wabshaba hegai waꞌi ni‑ohg tatchui hab wua ch g mashchamaj ahgachug.

1 JOHN 2:18

Am am wa kah matsh an wo i e maskogi hegai mash d si obgaj g Jiosh alidag. Heki at hu muꞌi an i wuwha t-shahgid mo d obgaj. Kuch heg hekaj s-mahch mo e aihim mat wo huhug g jewed.

1 JOHN 2:22

Hegam mo hab kaij mo g Jesus pi d Jiosh alidag o wehs ha baꞌich d i s-chu iꞌattomkam ch d obgaj. Heg o hekaj e chehgid mo pi ab hu wohochud g Jiosh.

1 JOHN 4:3

Pi o am hu ha wehmaj g Hekia S-apꞌekam Gewkdag hegam mo hedai pi ab hu wohochud g Jiosh alidag. Am o hema ha wehmaj ch d Jesus obga. Heki am hu kah mat an wo i wuhsh g obgaj. K hemuch in haꞌichug no pi an ha wehmaj hegam mo pi ab hu wohochud g Jiosh alidag.

REVELATION 13:8

K wabshaba g Jiosh hemajkamga ha chechgig o an oꞌohadag e doꞌibiakam ha-oꞌohana ed. Ihda oꞌohana o d enigaj hegai mat kahwalkaj e muhkid am ha wehhejed. Idam e doꞌibiakam at pi ab hu wo ihm hegai s-ta Ehbidamakam. Hegam waꞌi mo pi an hu oꞌohadag heg eda oꞌohana at ab wo ihmad hegai s-ta Ehbidamakam.