MATTHEW 21:11 - Tohono O'odham

¹¹ D haꞌijj hab ep kaij, “Id oki d Jiosh haꞌichu i tashogiddam ch hab chehgig Jesus ch am d kihkam Nazareth t am am Galilee chekshani ch ed.”

MATTHEW 21:11 Iomraidhean Croise

MATTHEW 2:23

k am dadhaiwua Nazareth kihhim ch ed. Heki atki hu hema oꞌoha g kelibad Jiosh haꞌichu i tashogiddam mamt hab wo aꞌagad ihda “Nazareth t am oꞌodham.”

MATTHEW 21:10

Kuchd am i dada Jerusalem kihhim t am. D muꞌijj am wabsh i pi amich mo haschu has e wua k hab kaij, “Dohꞌo wud hegai?”

MATTHEW 21:26

T g hemajkam has wo t‑juh mattp hab wo chei mo ab wabsh oꞌodham amjed uꞌukch. Muꞌijj o hab elid mo d Jiosh haꞌichu i tashogidam.”

MATTHEW 21:46

ch heg hekaj an chum s‑behim. D wabshaba g hemajkam hab elid mo g Jesus d hema Jiosh haꞌichu i tashogiddam. K hegam uꞌukchu papal s‑ha gihug.

LUKE 13:33

Kunt pi wo shaꞌi ni‑muhkid im hu haha wabsh i himadch. Am o waꞌi Jerusalem t am e koꞌijid g Jiosh haꞌichu i tashogiddam.

LUKE 24:19

Sh hab kaij g Jesus, “Shahchu ap hab ahg?” Kush hab kaij ihda, “Hegai mat hab e juh am tahgio hegai mo hab chehgig Jesus ch ab d kihkam Nazareth t ab. Heg oki d Jiosh haꞌichu i tashogiddam. K wehsijj ab si has elid mo haschu hab junihim ch has i kaij.

LUKE 7:16

Kutsh wehsijj si e totodsid k ab si ihm g Jiosh ch hab kaij, “Ia atki hema jiwia t‑shahgid g Jiosh haꞌichu i tashogiddam,” ch haꞌi hab ep kaij, “Jiosh atki ia jiwia t‑shahgid mat wo t‑doꞌibia mattp hedai d hemajkamgaj.”

LUKE 7:39

Kush hab wabsh hejel e ahg hegai kihkam, “T wo chum s‑mahchk mo si pi ap d uwi ihda matp woho d wo Jiosh haꞌichu i tashogiddamk ch pi wo hiwigi mas an wo taht.”

JOHN 1:21

D ab ep kakke, “Aha nap d hegai Elijabad ch ia uhpam jiwia?” D g John hab kaij, “Piaꞌa, pi ani d hegai.” D ab ep kakke, “Nap d hegai Jiosh haꞌichu i tashogiddam matsh in wo i wuhsh?” D hab ep kaij, “Piaꞌa, pi ani d hegai.”

JOHN 1:25

D heg hekaj hab ep kaij idam ab John wui, “Pegih, p haschu ahgch ha pahl wapkon ch eda wa chum pi d Jiosh si Kehsha ch pi d Elijabad ch pi d hegai Jiosh haꞌichu i tashogiddam matsh in wo i wuhsh?”

JOHN 4:19

Tsh ab wabsh ge nen k kekiwua g uwi k hab kaij, “Ih, dapki ge Jiosh haꞌichu i tashogiddam!

JOHN 6:14

Neh, d am i nei g hemajkam mat si s‑hasig haꞌichu hab juh g Jesus k hab kaij, “Neh, mo d wabsh i si shel moki id d hegai Jiosh haꞌichu i tashogiddam mach nenida matsh ia wo jiwia id dahm jewed.”

JOHN 7:40

D muꞌi hab kaij am i kaiok, “Ihda oꞌodham oki d wa woho hegai Jiosh haꞌichu i tashogiddam mach nenida.”

JOHN 9:17

D heg hekaj ab ep si kakke hegam Palasi, “Shahp i elid hegai oꞌodham map hab kaij mat m‑nench.” D hab kaij, “Bani elid mo d ge Jiosh haꞌichu i tashogiddam.”

ACTS 7:37

ch am ha ahgid ch hab kaij: Jiosh atsh am hema ep wo i kei g t‑hajuni hab masma mat ahni am i ni‑kei. Kut heg d ep wo Jiosh haꞌichu i tashogiddamk. Deuteronomy 18:15 Neh, bash kaij g Mosesbad.