MATTHEW 1:23 - Tohono O'odham

²³ Hema g si s‑ap chehia at wo bei g cheoj ali pi koi ab hu i miabidk g cheoj. Kumt hab wo aꞌagad Manuel mo hab d ahga Jiosh o t‑Wehmaj. Isaiah 7:14

MATTHEW 1:23 Iomraidhean Croise

MATTHEW 1:24

Kutsh hekid am i nea g Joseph k atsh am ha hekaj hab e juh mash has i kaij g anghil ab wui matsh an bei g Mary.

MATTHEW 28:20

Ab ani em‑chehani mamt has wo masmak. Kumt ab wo i ha mashcha g hemajkam mat ab wo s‑wohog elidad wehs haꞌichu mani haschu ab em‑chehani. Kunt chum hekid wo em‑wehmajk, chum as wo huhug g jewed.”

LUKE 20:44

Neh, namt hig s‑ap wo ah mat has masma d wo Davidbad amjedkamk ihda mash d kownaligaj?”

JOHN 1:14

Hegai mo d Jiosh Neꞌoki ad e wepogi g hemajkam k woho t-wepo chuꞌig ch ia t-shahgid d doakam. D g John an aꞌaga k si s-kaidam hab kaij, “Id o d hegai mani hab ahg ch am em-ahgid mat ab hema wabsh ni-oidk wo i e maskogid k eda woho d si s-has haꞌichu nash pi chum hekid an haꞌichug.” Neh, bo kaij g John. Kuchd heg amjed s-mahch g Jesus Christ ch am hahawa s-mai moki d Jiosh alidag ch si s-hemajima ch heg waꞌi ahg wohokam ch woho ab si s-t-hoꞌigeꞌid.

ACTS 18:9

Tsh am hu hebai chuhug ch ed am haꞌichu hab e juh Paul nena ed mash kah g Jesus. Kush ab wui hab kaij, “Pi g am shaꞌi haꞌichu ehbidad. Ia ani m‑wehmaj ch pi hedai wo shai hiwigi mas wo s‑koꞌokam m‑juh. Pi g shaꞌi haꞌasa ha mihshmad. Muꞌijj o ia kih id eda kihhim mat d wo ni‑hemajkamgak.”

ROMANS 8:31

Pegih, bo masma am t‑wehhejed kehk g Jiosh. T hab pi hedai wo e nako mas ab t‑wui wo kekiwua.

2 CORINTHIANS 5:19

Id o d haꞌichu ni‑ahga mat g Jiosh ab chum i ha nawojt g hemajkam k gam hu hab i juh g ha‑chuꞌijig heg hekaj mat g Christ haschu hab juh ha wehhejed.

1 TIMOTHY 3:16

Pi o wa ta machima matt has masma wo s-apꞌekamk am Jiosh tahgio. T wabshaba id am i t-tashogi g Jiosh. K d wohokam ihda mo an hab chuꞌig neꞌi ed: T-wepo at hab e juh g Jiosh alidag k an e mahsid. T g Hekia S-apꞌekam Gewkdag am wohokamch mo d s-apꞌekam. S-ta neidamam at hab e juh, chum hems g anghil ha wehhejed. S-kehg haꞌichu ahga ab amjed o an e ahgahim nahnko mahs hemajkam ha wui. T muꞌi hemajkam ab s-wohoch. Kut am uhpam ep i bei g Jiosh dahm kahchim wui. Neh, pi at hedai wo shaꞌi e nako mas wo pi wohokamch ihda wohokam.

2 TIMOTHY 4:17

Jiosh at wa i ni‑wehmt k ab i ni‑mah g gewkdag. Nt hekaj hab ni‑nako mant am s‑ap ah g Jiosh haꞌichu ahga am ha wui hegam mo am haꞌichug nahnko mahs hemajkam. T ab i ni‑doꞌibia mamt pi am hu ni‑wua maipid ha wui

2 TIMOTHY 4:22

Neh, am at wo wa em‑wehmajk g t‑kownalig Jesus. T g Jiosh wo wa s‑em‑hoꞌigeꞌel.