MARK 9:2 - Tohono O'odham

² Kush am d i chuhdp tash amjed. Tsh g Jesus ab i ha wai g Peter ch James ch John. Kutsh idam am wehmaj ab i chehchsh hema uhgk doꞌag t ab k ged hu dada k haha wabsh nei. Tsh am gawul e juh g Jesus.

MARK 9:2 Iomraidhean Croise

MATTHEW 14:13

D am i kah g Jesus mamt mua g John k am hahawa gam hu hejelko s‑himimk. Kuchd an dadhaiwua wahlko ch ed k gam hu aigo i chehchsh haꞌabjed. Dki wabshaba kah g hemajkam k gn hu i bihbij wabsh hihimk.

MARK 14:33

Bash kaij ch am ha uꞌuk g Peter ch James ch John. Tsh idam gam hu oi. Kush s‑masma si pi ap e tahtk g Jesus ch si e kudut

MARK 16:12

Sh am i dahm haꞌi gam hu hasko hihimad ch d gohk. Tsh g Jesus gawul masma am i e chehgi ha wui.

MARK 5:37

Bash kaij ch am hahawa ha ui g Peter ch James ch John k am i oi.

LUKE 6:12

Tsh am waꞌi mia amjed am hu hebai gam hu i chesh g Jesus kawulk dahm k ge chuhug oidam e hoꞌigeꞌidahu Jiosh wui.

JOHN 1:14

Hegai mo d Jiosh Neꞌoki ad e wepogi g hemajkam k woho t-wepo chuꞌig ch ia t-shahgid d doakam. D g John an aꞌaga k si s-kaidam hab kaij, “Id o d hegai mani hab ahg ch am em-ahgid mat ab hema wabsh ni-oidk wo i e maskogid k eda woho d si s-has haꞌichu nash pi chum hekid an haꞌichug.” Neh, bo kaij g John. Kuchd heg amjed s-mahch g Jesus Christ ch am hahawa s-mai moki d Jiosh alidag ch si s-hemajima ch heg waꞌi ahg wohokam ch woho ab si s-t-hoꞌigeꞌid.

ROMANS 12:2

Pi g am hu ha oidch hab wo masmak hegam mo pi ab hu ihm g Jiosh ch wabshaba ab wo i e dagito Jiosh wui. T heg am gawul wo juh g em‑chegitoidag. T hab wehs wo i e wechijid g em‑doakag. Bamt waꞌi masma wo s‑mahchk mo haschu d Jiosh tatchui. K heg d waꞌi si hekia s‑apꞌekam.

2 CORINTHIANS 13:1

Neh, s‑koꞌokam ant ab wo ha namkid g pi ap chuꞌijkam am i ep em‑chehgimedk. K wabshaba an oꞌohadag: Bat waꞌi masma wo e wohokamch g ha‑chuꞌijig mamt gohk o waikajj am wo ah mam neid mat pi ap chuꞌi. Deuteronomy 19:15

PHILIPPIANS 3:21

Heg at gawul wo juh g mukialig t-hon heg hekaj si geꞌe e-gewkdag mat hekaj wehs haꞌichu wo dahmkad. T g t-hon si s-kehg hab wo masmak hab masma mo g honaj si s-kehg hab mahs ab i wuhshanik muhkig amjed.

REVELATION 20:11

Ni hahawa ep neid mo g si geꞌe s-toa kownal daikud am kehk. K ab daha g Jiosh. T g jewed ch dahm kahchim heb hu wohp ab amjed k pi hekid ep shaꞌi e neid.