LUKE 9:7 - Tohono O'odham

⁷ Sh eda g Herod am wabsh kia d kownal Galilee ch ed ch am i kah wehs ihda mash haschu has e wua. Am amsh wehsko aꞌaga mas hedai wud ihda Jesus. Haꞌijj ash hab kaij, “Doki hegai Johnbad mo wa ha pahl wapkonahim. Heg amt mua. Kutki wabshaba uhpam e chegito.”

LUKE 9:7 Iomraidhean Croise

MATTHEW 11:2

Kumd wa eda am wabsh kia kuhpch hegai John mad am i shonwuich g pahl wakona. Sh hegam mad ab si wecho e mashcham am ahgid mo haschu chikpan hab wua g Jesus. Kutsh am haꞌi ha cheha mat am wo hihim k ab wo kakke mas woho d Jiosh si Kehsha. Kudki am dada

MARK 8:28

Kush hab kaij, “Haꞌijj o hab m‑elid map d hegai Johnbad mo chum t‑pahl wapkonahim ch haꞌijj hab ep m‑elid map d Elijabad o hema i ehp hegam kekelibad Jiosh haꞌichu i tashogiddam.”

LUKE 13:31

Tsh am ha hekaj haꞌi dada g Palasi k hab kaij ab Jesus wui, “Gam g hu hihm ia amjed nash pi s‑m‑muꞌamk g Herod.”

LUKE 21:25

“T wo e uꞌugij mo haschu an hab chuꞌig t‑dahm. Kut s‑ta ehbidam hab wo e juh g tash ch mashad ch huhuꞌu k wo dagito g e‑wopogga. Kut g ge shuhdagi an wo wewgad ch an wo toꞌotonkad. T id wehs wo chehgi mat geꞌe haꞌichu hab wo e juh wehsko jewed dahm. T g hemajkam wo si s‑ehbidad wehs jejewed ch ed ch wo s‑e chuhug nat ge wo mahchk mat haschu has wo e juh.

LUKE 23:7

Kumsh am ahgid mash am haꞌab d kihkam. Sh g Herod am d ha‑kownalig Galilee chekshani ch ed ch iaꞌi idani am hab waꞌap haꞌichug Jerusalem t am. Kumtsh heg hekaj am wui uꞌapa g Jesus.

LUKE 3:1

Tsh am hebai i cheka. Kush am daha ihda John mo d Zacariabad alidag am tohono jewed ch ed. Sh wenog am hema d si uhgchu lai wehs ha dahm g jejewed ch hab chehgig Tiberius. Kush am hema ep d kownal Judea chekshani t am ch hab chehgig Pilate. Kush g Herodbad aꞌalidag hab waꞌap d kokownal. Hema ash hab waꞌap chehgig Herod ch ash am d kownal Galilee chekshani ch ed k ch hema hab chehgig Philip ch am d kownal Iturea ch ed ch Traconitis ch ed. Sh g Lisanias am d kownal Abelene ch ed. Kush iaꞌi idani hegam am d si uꞌugchu ha‑papalig g Tutuligo mash hema hab chehgig Annas ch hema hab chehgig Caiaphas. Tsh g Jiosh ab mah g John g haꞌichu e‑ahga mash eda hegai Tiberius am waꞌi daha gamai hetasp aꞌahid ab.

LUKE 9:19

Sh hab kaij hegam, “Haꞌijj o hab kaij map d ha‑wapkondam, Johnbad. K haꞌijj hab kaij map d Elijabad. K haꞌijj hab ep kaij map d hema ehp hegam kekelibad Jiosh haꞌichu i tashogiddam ch ia uhpam e chegito.”