LUKE 7:16 - Tohono O'odham

¹⁶ Kutsh wehsijj si e totodsid k ab si ihm g Jiosh ch hab kaij, “Ia atki hema jiwia t‑shahgid g Jiosh haꞌichu i tashogiddam,” ch haꞌi hab ep kaij, “Jiosh atki ia jiwia t‑shahgid mat wo t‑doꞌibia mattp hedai d hemajkamgaj.”

LUKE 7:16 Iomraidhean Croise

MATTHEW 15:31

Kud si has i elid g hemajkam neidok mo neneok g mumio ch g pi hihimidkam oiopo ch g momjo hahawa ab wehsig ch g pi neneadam s‑ap haꞌichu neid. D wehsijj ab si has elid g Jiosh.

MATTHEW 21:11

D haꞌijj hab ep kaij, “Id oki d Jiosh haꞌichu i tashogiddam ch hab chehgig Jesus ch am d kihkam Nazareth t am am Galilee chekshani ch ed.”

MATTHEW 28:8

Kutsh si e totodsid k si s‑hohtam ga hu hihi ab amjed g hihaꞌini k eda si s‑hehgig ch ia hu chum wohp matsh wo t‑ahgi.

MATTHEW 9:8

Kutsh am i nei g hemajkam ihda k si s‑ehbeni k ab si has i el g Jiosh natki pi ab mah g Jesus ihda gewkdag.

LUKE 1:65

Tsh wehsijj ab si has el g Jiosh hegam mo an ha wehgaj kih. Tsh gan hu aꞌai s-e mai am Judea chekshani ch ed mat has i e juh.

LUKE 1:68

“Ab ant wo si i hehgchul g s-apꞌekam t-kownalig Jiosh. E o nahtokch mat wo t-doꞌibia ahchim mach d hemajkamgaj

LUKE 19:44

k s‑ap wo ha hugio wehsijj hegam mat am wo haꞌichugk k wehs wo wuahawua g kihhim. K pi shaꞌi mahch mat idani wo chum ha doꞌibia g Jiosh.”

LUKE 2:20

Tsh g kahwal ha nuhkuddam gam hu uhpam hihi ab si hehgchulidch g Jiosh natsh pi wehs nei hegai mo haschu am ha ahgid g anghil.

LUKE 24:19

Sh hab kaij g Jesus, “Shahchu ap hab ahg?” Kush hab kaij ihda, “Hegai mat hab e juh am tahgio hegai mo hab chehgig Jesus ch ab d kihkam Nazareth t ab. Heg oki d Jiosh haꞌichu i tashogiddam. K wehsijj ab si has elid mo haschu hab junihim ch has i kaij.

LUKE 5:26

Tsh g hemajkam si has i elid k ab ihm g Jiosh hab kaijch, “Shaꞌi si s‑kehg haꞌichu ach neid id tashkaj.”

LUKE 5:8

Tsh am i nei g Simon mat haschu has i e juh k ab si i gei g e‑tohtonkaj Jesus wui k hab wabsh kaij, “Ih, dani wabsh pi apꞌekam oꞌodham. K pi hab chum mahs maps wo ni‑wehmajk ahpi s‑apꞌekam ni‑kownalig.”

LUKE 7:15

Tsh am ha hekaj i dahiwua ihda oꞌodham k ab ha hekaj wabsh neok. Tsh g Jesus am wamgid k hab ah mat gam hu wo i oi g e‑jeꞌe.

LUKE 7:39

Kush hab wabsh hejel e ahg hegai kihkam, “T wo chum s‑mahchk mo si pi ap d uwi ihda matp woho d wo Jiosh haꞌichu i tashogiddamk ch pi wo hiwigi mas an wo taht.”

LUKE 8:37

Kush wehsijj idam Geresa t am hemajkam ab ahgid g Jesus mat gam hu wo hih ab ha amjed natsh pi shaꞌi si s‑ehbeni. Tsh wa woho hab e juh k an dahiwua wahlko ch ed mat gam hu wo hih.

LUKE 9:19

Sh hab kaij hegam, “Haꞌijj o hab kaij map d ha‑wapkondam, Johnbad. K haꞌijj hab kaij map d Elijabad. K haꞌijj hab ep kaij map d hema ehp hegam kekelibad Jiosh haꞌichu i tashogiddam ch ia uhpam e chegito.”

JOHN 1:21

D ab ep kakke, “Aha nap d hegai Elijabad ch ia uhpam jiwia?” D g John hab kaij, “Piaꞌa, pi ani d hegai.” D ab ep kakke, “Nap d hegai Jiosh haꞌichu i tashogiddam matsh in wo i wuhsh?” D hab ep kaij, “Piaꞌa, pi ani d hegai.”

JOHN 1:25

D heg hekaj hab ep kaij idam ab John wui, “Pegih, p haschu ahgch ha pahl wapkon ch eda wa chum pi d Jiosh si Kehsha ch pi d Elijabad ch pi d hegai Jiosh haꞌichu i tashogiddam matsh in wo i wuhsh?”

JOHN 4:19

Tsh ab wabsh ge nen k kekiwua g uwi k hab kaij, “Ih, dapki ge Jiosh haꞌichu i tashogiddam!

JOHN 6:14

Neh, d am i nei g hemajkam mat si s‑hasig haꞌichu hab juh g Jesus k hab kaij, “Neh, mo d wabsh i si shel moki id d hegai Jiosh haꞌichu i tashogiddam mach nenida matsh ia wo jiwia id dahm jewed.”

JOHN 9:17

D heg hekaj ab ep si kakke hegam Palasi, “Shahp i elid hegai oꞌodham map hab kaij mat m‑nench.” D hab kaij, “Bani elid mo d ge Jiosh haꞌichu i tashogiddam.”

ACTS 5:5

T am wabsh i chum kaiok ihda g Ananias k muhk k i gei.

ACTS 7:37

ch am ha ahgid ch hab kaij: Jiosh atsh am hema ep wo i kei g t‑hajuni hab masma mat ahni am i ni‑kei. Kut heg d ep wo Jiosh haꞌichu i tashogiddamk. Deuteronomy 18:15 Neh, bash kaij g Mosesbad.

GALATIANS 1:24

Neh, bash kaij ch ab si ihm g Jiosh am i kaiok mat am gawul i ni-juh.