LUKE 4:6 - Tohono O'odham

^6-7 k ab wui hab ep kaij, “Wehs o ab ni‑mahks ihda gewkdag ch kaisdag ch d ni‑eniga mant wo wa mah mani hedai hab i elid. Kunt wehs ab wo m‑mah mapt ab ni‑wui wo i gehsh k ab wo has ni‑el.”

LUKE 4:6 Iomraidhean Croise

JOHN 12:31

E at ai mat geꞌe wo bei g chuꞌijig g hemajkam. Jijawul ha‑geꞌejig o chum e kownalchud id dahm jewed. Nt wabshaba oi wo gewito.

JOHN 14:30

“Hemu at am geꞌe wo chehgi g e‑gewkdag g jijawul ha‑geꞌejig no pi chum e kownalchud ia jewed dahm. K heg hekaj pi am hu geꞌe s‑ni‑apꞌe mant tash am haꞌichukaj wo em‑wehm neo. K eda pi uꞌukch g gewkdag mas hab wo ni‑juh manis ab wecho wo i ni‑ul.

JOHN 8:44

Dam wabsh ge jiawul amjedkam ch s‑hohhoꞌid mamt am hab wo wuad g tatchuij. Heg o d ha muꞌakam ged hu i si wehpeg amjed ch d ep s‑chu iattomkam ch pi has shaꞌi elid haꞌichu ha iattogidch no pi wehs g iattogig ab d amjedkamaj.

2 CORINTHIANS 11:14

Am o wa tasho mat hab masma hab wo e wuad no pi d Jiawul pionag. Jiawul o chum e wepogid g s‑apꞌekam anghil. T g piongaj hab waꞌap wo e wepogidad ahchim mach am ahgachug g s‑apꞌekam. T wabshaba g Jiosh s‑koꞌokam wo ha namkid heg hekaj.

EPHESIANS 2:2

Jijawul ha-geꞌejig o an em-uꞌukch hab masma mo an wehs ha uꞌukch hegam mo pi ab hu kaiham g Jiosh. Kum hegam ha oidch am hab e junihim ch ab s-wohog elid g ge Jiawul.

1 PETER 1:24

Neh, an o hab chuꞌig Jiosh oꞌohana ed: Hemho wa at wehsijj wo koi g oꞌodham hab masma mat g washai wo gaksh. T g ha‑gewkdag wehs wo huhug hab masma mat g haꞌichu heosig.

REVELATION 12:9

Ihda Nehbig Hujud atki gam hu si e wua ab amjed g dahm kahchim. Heg oki wud mash wa koꞌoi masma ch hab chehgig ge Jiawul ch hab ep chehgig Satan. Id o ha iattogid g wehs hemajkam an jewed dahm. Ab amt i ha nehnich g piongaj wehmaj.

REVELATION 13:2

Ihda s-ta Ehbidamakam oki hab sha mahs mo g ohshod. K g tahtdaj hab sha mams mo g judumi tahtad. K g chinij hab mahs mo g mawid chini. T g Nehbig Hujud ab mah g gewkdag ch e-kownaltalig wehs jewed dahm.

REVELATION 13:7

Ab amtki hiwigi mat wo ha cheggia g Jiosh hemajkamga k wo ha gewito. Kumt ab ep mah g gewkdag am ha dahm g wehsko dakam hemajkam mo has i kaidam d neneokdam.