LUKE 3:23 - Tohono O'odham

²³ Jesus ash am hu d i waikko wehst‑mahm aꞌahidag matsh eda am i himch g e‑chikpan k am i ahgahi g Jiosh haꞌichu ahga. Kush idam d shohshonaj mant g ha‑chechgig an wo ha oꞌoha. Bash masma s‑e mahch mo d Josephbad alidag. Sh g Joseph ab d Heli amjedkam.

LUKE 3:23 Iomraidhean Croise

MATTHEW 1:1

Ia atsh mahsi g Jesus Christ jewed dahm k ab d amjedkamaj hegai t‑kekelibad ha‑kownalig mash hab chehgig David. Kush g Davidbad ab d amjedkamaj hegai mash d t‑shohshon ahchim Tutuligo ch hab chehgig Abraham. In ant wo oꞌoha g ha‑chechgig hegam mash d Jesus Christ shohshonbad.

MATTHEW 1:16

Tsh g Jacob an alidt g Joseph. Kush ihda Joseph d kunaj hegai mo d Jesus jeꞌe ch hab chehgig Mary. K ihda Jesus hab e aꞌaga Christ.

MATTHEW 1:6

Tsh g Jesse an alidt g David. David atsh an alidt g Solomon heg ab mash d chum hohnigaj g Uriah.

MATTHEW 13:55

No hig pi woho d alidaj hegai t‑nawojbad mo d huk chikpandam? No hig pi g Mary d jeꞌej ch g wepngaj d James ch Joses ch Simon ch Jude.

MATTHEW 4:17

Kutsh wa woho am i wuhsh g Jesus k am i ahgahi g haꞌichu e‑ahga hab kaijch, “Gam g hu wo s‑ohhod g pi ap e‑chegitoi. E o aihim mat in wo i wuhsh g Jiosh kownaltalig.”

MARK 6:3

No hig pi woho d wabsh hegai huk chikpandam mo d madaj g Mary ch d ha‑wehnag g James ch Joses ch Judas k ch Simon? No hig pi woho g uꞌuwi wepngaj ia kih?” Neh, bash kaij ch wabsh pi haꞌichuchud.

LUKE 2:48

Neh, tsh g Joseph ch Mary hab waꞌap si has i e taht am chehgiok. Sh g jeꞌej hab kaij, “Ni-sulijga, shahchu apt ahgk hab t-juh? Shelkam att nonda g m-ohg wehm pi m-edgidk.”

LUKE 3:31

Sh g Eliakim ohgbad d Melea. Sh g Melea ohgbad d Menna. Sh g Menna ohgbad d Mattatha. Sh g Mattatha ohgbad d Nathan. Sh g Nathan ohgbad d David.

LUKE 4:22

Tsh wehsijj ab si has i el no pi si s‑ap neok k wabshaba hab kaij, “Aha no hig pi woho d Josephbad alidag?”

JOHN 1:45

D g Philip gam hu i gahghi g Nathanael k am i chehgiok hab kaij, “Cheh att hegai matki wa ab amjed an oꞌoha hegam Mosesbad ch kekelibad Jiosh haꞌichu i tashogiddam. Heg oki wud mash d Jesus ch heg d alidag mash d Josephbad ch ab Nazareth kihhim t ab d kihkam.”

JOHN 6:42

ch hab kaij, “K haschu ahgch hab kaij mat ia jiwia ab dahm kahchim t amjed? S‑mahch ach ch ep s‑ha mahch g jehj. Do wabsh Jesus ch d alidaj g Josephbad.”

ACTS 1:1

Ni-nawoj map ab si tatchua g Jiosh: Am ant ep wo i em-oꞌohani ahni Luke mant wa heki hu m-oꞌohani hegai mash wa haschu hab junihim ihda Jesus ch haschu ha mashcham eda mash am oimmelhim ha shahgid g Tutuligo hemajkam.