LUKE 3:22 - Tohono O'odham

²² Kutsh g Hekia S‑apꞌekam Gewkdag i hud ab ab g Jesus k hab sha mahs mo g hohhi. Sh ab neok g Jiosh ab dahm kahchim t amjed ch hab kaij ab wui g Jesus, “Ahpi ap d si ni‑tatchuidch ni‑alidag ch am si ni‑tatchui oidch hab masma.”

LUKE 3:22 Iomraidhean Croise

MATTHEW 12:18

Id o d si ni‑Kehsha mat d wo ni‑pionagk. Ab ani si tatchua. K si ni‑tatchui oidch hab masma. Ab ant wo mah g Hekia S‑apꞌekam ni‑Gewkdag. Kut am wo ha ahgi g wehs hemajkam mant s‑ap wo ha aꞌappe.

MATTHEW 17:5

Neh, sh am wabsh kia neok g Peter. Kutsh g si s‑mahs chewagi ab i wuhshani k ab ehka ha dahm. Tsh g Jiosh neꞌoki ab kaida chewagi t amjed k hab kaij, “Jesus o d si ni‑tatchuidch ni‑alidag. Heg amt ab wo si kaihamad.”

MATTHEW 27:43

Ab o si hiwig g Jiosh ch hab e ahg mo d alidaj. Pegih, tt hig wo nei mas hu wo doꞌibia g Jiosh hemu.”

MATTHEW 3:13

Jesus atsh ab hahawa i hih Galilee chekshani t amjed mo hebai d i kihkam k ab jiwia Jordan akimel t ab matsh wo e pahl wako.

MATTHEW 3:16

Tsh am haha wabsh i chum wuhsh g Jesus shuhdagi t amjed. Tsh g dahm kahchim gam i e kuhpiꞌo. Tsh ab i hud g Hekia S‑apꞌekam Gewkdag ab ab g Jesus hab sha masma mat g hohhi.

MATTHEW 3:17

Sh ab neok g Jiosh ab dahm kahchim t amjed ch hab kaij, “Id o d si ni‑tatchuidch ni‑alidag ch am si ni‑tatchui oidch hab masma.”

MARK 1:11

Sh ab neok g Jiosh dahm kahchim t amjed ch hab kaij ab wui g Jesus, “Ahpi ap d si ni‑tachuidch ni‑alidag ch am si ni‑tatchui oidch hab masma.”

MARK 1:9

Kush eda g Jesus wenog ab d kihkam heg eda al kihhim mash d Nazareth ch am eda g Galilee chekshani. Kutsh am i him k am jiwia mo am oimmed g John hab ahgk matsh wo e pahl wako. Tsh g John am pahl wako akimel ch ed.

MARK 9:7

Tsh an hahawa si ha ehkaj g chewagi. Tsh g Jiosh neꞌoki ab kaida chewagi t amjed k hab kaij, “Jesus o d si ni‑tatchuidch ni‑alidag. Heg amt ab wo si kaihamad.”

LUKE 2:14

“Ab ach wehsijj hehgchulid g Jiosh an dahm kahchim ch ed. T hegam mo hohhoꞌidachud g Jiosh an jewed dahm wo e doꞌibia k wo si s‑ap e tahtkkad ab aꞌai e wui.”

LUKE 4:21

Kutsh am i neok k hab kaij ab ha wui, “Neh, hemu at e ai. Ni ahni hab wua ihda mant am neꞌokchul em‑wehhejed.”

JOHN 1:32

D am hebai i cheka, d si s‑mahch ch ahg g John hab kaijch, “Bo kaij g Jiosh ab ni‑wui, ‘Ab at wo i hud g Hekia S‑apꞌekam Gewkdag k ab wo e ul si ni‑Kehsha ab. Kupt hab wo s‑mahchk mo d ihda mat wo ha mah g hemajkam g Hekia S‑apꞌekam Gewkdag.’ Neh, bo kaij g Jiosh ab ni‑wui. Kut wa woho si s‑hemajim ab i hud g Hekia S‑apꞌekam Gewkdag k ab e ul id ab Jesus hab masma mat g hohhi an hasko wo i dahiwua ab i hudunik.

JOHN 12:28

Pegih, ni‑ohg, am g maskogid g e‑gewkdag am gahi ni‑wuhshanim.” D ab neo g Jiosh dahm kahchim t amjed k hab kaij, “Am ant heki hu i maskogid k am hab ep wo juh.”

JOHN 5:37

Pi am hekid neid g Jiosh. K pi hekid ab hu em‑wuhiosha neid ch neok ch wabshaba am ni‑wohokamchud mani d kehshaj.

COLOSSIANS 1:13

Jiawul o an wehs ha uꞌukch hegam mo hedai pi mahch g Jiosh. K g kownaltaligaj d hekia s-chuhugam. T wabshaba g Jiosh ab i t-wuwhas ab gewkdaj amjed k am i t-wahpki si e-tatchuidch e-alidag kownaltalig ed.

1 PETER 2:4

Ab g wehs wo i e dagito t‑kownalig Jesus wui. Haꞌi o chum s‑ohhodamk g hemajkam. T wabshaba g Jiosh am i kei mat d wo t‑shonk am t‑wohochudadag ed.