LUKE 23:5 - Tohono O'odham

⁵ Kush wabshaba baꞌich i e gewpkad ch hab kaij, “Am o ha chuꞌamun g t‑wehm oꞌodham haꞌichu ha mashchamch wehsko ga hu Galilee t amjed ch ia Judea ch ed ch chum hems iia Jerusalem ch ed.”

LUKE 23:5 Iomraidhean Croise

MATTHEW 11:1

Am ad i haꞌasa haꞌichu t‑shelini g Jesus ahchim gamai gohk e‑chuhchai k gam hu hahawa him k atsh an i ha mashcham k ha mihshmad mo an aꞌai mia kihhimag.

MATTHEW 2:1

Jesus atsh am mahsi Bethlehem kihhim t am am Judea chekshani ch ed. Sh wenog am hema d kownal Judea ch ed ch hab chehgig Herod. Tsh ab haꞌi hihi siꞌal tahgio amjed mash s‑chu aꞌamichud ab huhuꞌu t ab. K eda g Jerusalem d kownal daikud am t‑jewedga ed. Tsh am dada idam k am ha kakke g hahaꞌichu ch hab kaij,

MATTHEW 27:24

Tsh am i nei g Pilate matki heki hu i babgat g hemajkam k am hu wo e cheggia. Tsh am ge was g shuhdagi k am hemajkam ha tahgio i ha wapko g e‑nohnhoi k hab kaij ab ha wui, “Pi o haꞌichu d shaꞌi ni‑chuꞌijig matp wo e muhkid ihda oꞌodham. Ahpim o d em‑chuꞌijig.”

MATTHEW 4:23

Kush idam am hahawa hahasko oiopo Galilee chekshani ch ed. Kush g Jesus am ha mashcham g hemajkam ha‑chechopi ed ch am ha ahgidahim g s‑kehg haꞌichu ahgaj g Jiosh ab amjed g kownaltaligaj ch am ep ha dodajid g nahnko mahs kokꞌodam.

MARK 1:14

Sh am hu hebai, tsh e kuhpach hegai John mo am ha pahl wapkon. Tsh heg i dahm am jiwia g Jesus Galilee chekshani t am am ahgachugch g s‑kehg haꞌichu ahgaj g Jiosh

LUKE 11:53

Tsh am i wuhsh g Jesus k gam hu chum hih. Tsh hegam chehanig ha mashchamdam ch Palasi ab hahawa si s‑ta keꞌidam has ahg k muꞌi haꞌichu kakke

LUKE 23:23

Sh wabshaba am wabsh si s‑kaidam hab kaij matsh ab wo naggia kots t ab. Neh, tsh g ha‑hihinki gewito g Pilate.

LUKE 23:6

Tsh am i kah g Pilate ihda k hab kaij ab ha wui, “Kutp ab Galilee chekshani ch ed d kihkam ihda oꞌodham?”

JOHN 1:43

Am baꞌich d i tash, d hab i e ah g Jesus mat gam hu wo hih Galilee chekshani wui. K eda an oimmed hegai mo hab chehgig Philip ch am d kihkam Bethsaida t am. (Ahchim g Andrew ch Peter ha wehm ach am hab waꞌap d kihkam Bethsaida t am.) Jesus ad am cheh g Philip k hab kaij ab wui, “Ab g i ni-oid k wo ni-wehmajk.”

JOHN 19:15

D ab ep si s‑babgam hihnk ch hab kaij, “Muꞌani! Muꞌani ab kots t ab!” D hab kaij g Pilate, “Aha nam tatchua mant wo mua g si uhgk em‑kownalig ab kots t ab?” D hab kaij g uꞌugchu papal, “Heg o d waꞌi si uhgk t‑kownalig mo ab daha Rome t ab.”

JOHN 2:11

Neh, k id d si wehpeg s-hasig haꞌichu hab junij g Jesus. D am mahsko wua g e-gewkdag. Kuchd ab si s-wohochud mo woho d Jiosh si Kehsha.

JOHN 7:41

D hai hab ep kaij, “Doki Jiosh si Kehsha.” D wabshaba haꞌijj hab epai kaij, “Pi oki d shaꞌi hegai no pi d Galilee t am oꞌodham.

JOHN 7:52

D hab kaij idam, “Pegih, pki ahpi ab ep si ha wehmaj idam mo ab wabsh al Galilee t amjed. Am g i hoan g Jiosh haꞌichu ahga k wo s‑mai mo pi hema g Jiosh haꞌichu i tashogiddam ab hu shaꞌi Galilee t amjed.” [

ACTS 10:37

K wa am hema t‑jehnigid ab amjed g Jesus ch am t‑pahl wapkon ch hab chehgig John. T am i wuhsh g Jesus k am e pahl wako heg ab John. T g Jiosh ab mah g si geꞌe gewkdag am gahi wuhshanim g Hekia S‑apꞌekam Gewkdag mat hekaj hab wo junihid g e‑chikpan. T g Jesus am i shonwuich g e‑chikpan Galilee chekshani ch ed k am hahawa wehsko hab junihim Judea chekshani ch ed. Jiosh o am wehmaj. K hekaj wehsko i ha wehmt g e‑hemajkamga ch ha dodajid hegam mo g jiawul ha shoꞌigchud.

ACTS 23:10

T am baꞌich i si e gewkai g ha‑neꞌowina. Kum hab e ahg mat am hu wo wantsh g Paul. K g shondal ha‑geꞌejig am hahawa ha chehani g e‑shondalig mat am wo ha wohppoꞌi. Kut am hihim k be k ged i bei e‑kih wui.

ACTS 5:33

Tsh wabsh wohoꞌi babgat hegam e jehnigiddam k wabsh chum s‑ha kokdaimk.

ACTS 7:54

Tsh am i kah g e jehnigiddam mash has ha ahg g Steven k wabsh wohoꞌi babgat k si kuhm g e‑tahtami.

ACTS 7:57

Tsh si hihinkiad k am si kuhkp g e‑nahnk k ab hahawa si wui i wohp