LUKE 2:14 - Tohono O'odham

¹⁴ “Ab ach wehsijj hehgchulid g Jiosh an dahm kahchim ch ed. T hegam mo hohhoꞌidachud g Jiosh an jewed dahm wo e doꞌibia k wo si s‑ap e tahtkkad ab aꞌai e wui.”

LUKE 2:14 Iomraidhean Croise

MATTHEW 21:9

D hegam muꞌi hemajkam mo an t‑wehgaj hihim si s‑kaidam hihnk ch hab kaij, “T‑doꞌibiakam! Dap amjedkamaj g t‑kownaligbad David. Jiosh atki ia i m‑wuhshad k ab si s‑m‑hoꞌigeꞌid. Kuch ab si has elid g Jiosh.” Psalm 118:25-26

LUKE 1:79

hab masma mo g tash ab i chechshshaj ch ab t-mamka g tonlig. Ab ach wa hihim t-namkidadag wui mat g Jiosh gam hu hab wo i t-juh heg hekaj pi ap t-chuꞌijig. Kut wabshaba g t-doꞌibiakam ab wo i t-chehgi matt has masma am wo i t-apꞌech Jiosh wui.” Neh bash kaij g Zacaria.

LUKE 19:38

“Jiosh at wo s‑m‑hoꞌigeꞌel ahpi mapt ia jiwia wehhejed. Psalm 118:26 Si geꞌe s‑hehgig o an haꞌichug dahm kahchim ch ed ch si geꞌe has elidadag ab wui g Jiosh.”

LUKE 2:13

Tsh haha wabsh shaꞌi muꞌi anghil ab ha wui i e chehgi wehmaj hegai hema k si neꞌe ch ab hehgchulid g Jiosh ch hab kaij.

LUKE 2:15

Neh, bash kaij g anghil ch gam hu hahawa i himto dahm kahchim wui. Sh hab kaij a kahwal ha nuhkuddam ab aꞌai e wui, “Oi g wo hihim. Tt wo hihi am Bethlehem wui k am wo nei hegai matsh am hab e juh mo ab i t‑ahgid g anghil am wehhejed g Jiosh.”

LUKE 3:22

Kutsh g Hekia S‑apꞌekam Gewkdag i hud ab ab g Jesus k hab sha mahs mo g hohhi. Sh ab neok g Jiosh ab dahm kahchim t amjed ch hab kaij ab wui g Jesus, “Ahpi ap d si ni‑tatchuidch ni‑alidag ch am si ni‑tatchui oidch hab masma.”

JOHN 14:27

“Am g wabsh wo i s‑ap e tahtkkad. Ab ant wo i em‑mah hegai hab mahs s‑ap tahhadkam mani ahni edgid. Pi at hedai wo e nako mat hab mahs s‑ap tahhadkam wo em‑mah. Pi g wo shaꞌi e kudutad ch pi haꞌichu wo ehbidad.

JOHN 17:4

Ia ant ha chehgi g hemajkam g m‑gewkdag k nahto hegai chikpan mapt ab i ni‑cheha mant hab wo juh.

JOHN 3:16

Pegih neh, ab o si t‑tatchua g Jiosh ch hiwigi g e‑alidag mat am i e dagito k e muhkid am t‑wehhejed mach d pi ap chuꞌijkam. Kut pi wo bei g s‑koꞌok e‑namkidadag matp hedai ab wo hiwig k wabshaba g pi ha huhugedam doakag wo bei.

ACTS 10:36

Am amki chum heki hu kah ab amjed ihda mant haschu wo i em‑ahgi nam pi ia t‑shahgid dadha ahchim Tutuligo. K ahchim am t‑ahgid g Jiosh mash s‑ha doꞌibiamk g hemajkam am gahi wuhshanim g e‑alidag Jesus Christ. Heg o wud mat g Jiosh am i kei mat wehs d wo ha‑kownaligk g nahnko mahs hemajkam.

ROMANS 5:1

Am at i t‑apꞌech g Jiosh e tahgio ahchim matt ab i s‑wohoch g haꞌichu ahgaj ab amjed g t‑kownalig Jesus Christ. Kuch heg hekaj ab wui si s‑ap t‑tahtk.

EPHESIANS 1:6

Heg att hekaj ab wo si hehgchulidad g Jiosh. Si o s-ap ab t-neid nach pi d hemako g si tatchuidch alidaj wehm.

EPHESIANS 1:9

Pi o ta machima g Jiosh hab elida. T wabshaba heki hu am i apꞌech mat iaꞌi idani haha wo t-mahtchul.

EPHESIANS 2:4

Pi ach wa ab hu wohog elid g Jiosh ch gam hu gawulkdas ab amjed heg hekaj pi ap t-chuꞌijig. K wabshaba g Jiosh t-hekaj si pihk e elid ch si s-hemajim t-doꞌibia ab amjed g t-chuꞌijig k ab t-mah g wechij doakag. Id o heg wa wepo mat heki hu ab i t-wuwhas muhkig t amjed

EPHESIANS 2:7

Id at wehs am hab t-juni g Jiosh gahi wuhshanim g e-alidag. K hab d elidaj mat hab masma wehs am wo ha chehgi imhab i amjed mo has masma si s-hemajima ch ab si t-tatchua.

PHILIPPIANS 2:11

k am wo ah mo ihda Jesus Christ wehs d ha-kownalig. Neh, batt masma ab wo si has elidad g Jiosh.

PHILIPPIANS 2:13

Chum o hekid em-makiog g Jiosh g tatchuidag ch gewkdag mamt am hab wo junihid g hab elidaj.

COLOSSIANS 1:20

Ab amt naggai kots t ab k mua. Kut eda ha hiwigi g Jiosh no pi hab d elidaj mat g alidaj wo hejel e iagchul. T heg hekaj wehs haꞌichu wo e nako mat wo chum i e apꞌech am Jiosh wui.

2 THESSALONIANS 2:16

Ab o t-wui si pihk e elid g t-kownalig Jesus Christ g Jiosh t-ohg wehm ch ab si s-t-hoꞌigeꞌel. Kuch heg hekaj ab wui t-gewpkadch.

REVELATION 5:13

Kuni ha kah g wehs haꞌichu doakam an dahm kahchim ch ed ch an jewed dahm ch am jewed wecho ch am geꞌe kahchki ch ed. Wehs idam o am neꞌe hab masma: “Do ha wuikam g Jiosh heg wehm mat kahwalkaj ab e chehgidch mamb ab wo si pihk e elidad ha wui ch ab wo si has ha elidad ch ab wo ha hehgchulidad ch ab ha wui wo dagitokchid g e-gewkdag chum hekid.”