LUKE 18:7 - Tohono O'odham

⁷ Pegih, bamt wa masma chum hekid ab wo tahnid g Jiosh g i wehmtadag.

LUKE 18:7 Iomraidhean Croise

MATTHEW 24:22

Pi at hedai wo e nako mas am gahi wo wuhsh hegai shoꞌigdag matp tash wo hih. T g Jiosh heg hekaj wo i shopolkai am ha wehhejed g e‑hemajkamga.

MATTHEW 24:24

Muꞌi at in wo i wuwhag k hab wo chei mo d ni‑ahni Jiosh si Kehsha o d Jiosh haꞌichu i tashogiddam k am hab wo wuad g s‑hasig haꞌichu mat hekaj wo i chum ha wanchshul g Jiosh hemajkamga matp wo e nako.

MATTHEW 7:11

Chum ams d pi apꞌekam ch eda s‑mahch mamt s‑kehg haꞌichu wo ha mah g e‑aꞌaliga. Wahm hig g em‑ohg Jiosh at woho baꞌich i s‑kehg haꞌichu ab wo em‑mah mamt ab wo tahnid haꞌichu.

LUKE 11:13

Mam has i masma pi apꞌe ch wabshaba s‑mahch mamt g s‑kehg haꞌichu ab wo ha mah g e‑aꞌaliga. No hig pi g em‑ohg Jiosh baꞌich i e nahtokch mat ab wo ha mah g Hekia S‑apꞌekam Gewkdag hegam mat ab wo tai.”

LUKE 2:37

Sh am haha d hejel wiꞌikam gigiꞌikko gamai giꞌik (84) aꞌahid ab. Tash oidam ch chuhug oidam ash am haꞌichug geꞌe cheopi t am ch ab si has elid g Jiosh ab wui e hoꞌigeꞌidahunch ch hab al heꞌes haꞌichu koꞌa.

LUKE 21:28

Bat masma wo e chehgi mo ab e aihim g ha‑doꞌibiadag hegam mat ab wo ni‑hiwgad. Kut heg hekaj wo chum si s‑ap e taht mat hekid wo i shonwua ihda mani em‑ahgid.”

ROMANS 8:33

T g Jiosh heg hekaj gam hu hab i juh g pi ap t‑chuꞌijig. T hab pi hedai wo e nako mas ab wo haꞌichu t‑abch.

COLOSSIANS 3:12

Jiosh o si pihk e elid t-hekaj ch ab i t-gawulkai. Kutt heg hekaj wo si pihk t-elidad ha hekaj g hemajkam ch wo s-hemajimak ch s-t-tahtk ch wo nakogad haꞌichu ch pi hab wo chum t-wuad machs d s-has hahaꞌichu am ha-nena ed.

1 THESSALONIANS 3:10

Chum ach hekid ab tahni g Jiosh wehs t-ihbdagkaj matt wo wa ep em-neid k ab wo i em-wehmt mamt s-ap ab wo s-wohochudad g Jiosh haꞌichu ahga.

2 THESSALONIANS 1:6

Jiosh at s-ap hab wo juh g lodaita. Hegam mo em-shoꞌigchud at wo e shoꞌigch heg hekaj.

1 TIMOTHY 5:5

Hegam mo woho d si heheꞌejel wihpkam o heg ab waꞌi hiwig Jiosh ch chum hekid ab tahni g i wehmtadag. Idam amt wo ha nuhkudad

2 TIMOTHY 1:3

Chum ani hekid ab si hoꞌigeꞌid g Jiosh mani hekid i ni-hoꞌigeꞌidahun m-wehhejed. Jiosh ash wa am ha tashogid g t-shohshon matt has masma wo himad g t-doakag ch ab wo si has elidad. Kuni hab masma hab ni-wua ch hab pi shaꞌi ni-kudut.

2 TIMOTHY 2:10

Am ani wabsh i ni-dagitokch mantp haschu ab wo i nako ha wehhejed hegam mat g Jiosh am i apꞌech mat wo e doꞌibia. Idam at ab wo i s-wohoch g haꞌichu t-ahga ab amjed g Jesus Christ. T g Jiosh chum hekid ab wo si has ha elidad.

TITUS 1:1

Ni-wehnag Titus: Am ant wo haꞌichu i m-oꞌohani ahni Paul mani d Jiosh pionag ch m-ahgi g s-kehg haꞌichu ahgaj. S-mahch ap mat g Jesus Christ am i ni-kei mant id wo ahgachugad. K hab d elidaj mant am wo i ha gewkemhunad hegam mat g Jiosh ab i ha gawulkai mat d wo hemajkamgajk. T hab wo i gewka g ha-wohochudadag. T baꞌich wo i mai ihda wohokam ab amjed g Jiosh.

1 PETER 1:1

Ni-wepnag: Am ant haꞌichu wo i em-oꞌohani ahni Peter mani d kehshaj g Jesus Christ. Heg at am i ni-kei mant wo i ahgahi ab amjed. Kuni haꞌichu s-em-ahgidamk ahpim mam am aꞌai kih Pontus ch Galasia ch Cappadocia ch Asia ch Bithynia jejewed ch ed hab masma mo g ni-wehm Tutuligo.

2 PETER 3:9

K wabshaba am hemajkam t‑wehhejed shahag wepo mo si chewaj g tash mat g Jiosh am hab wo juh hegai mash hab s‑t‑junidamk. K eda g Jiosh si s‑ha bahbgi g hemajkam ch ab chum ha nenida no pi pi hab chum shaꞌi elid mas hedai wo huhug am pi apꞌekam ch e d pi gam hu s‑ohhodk g pi ap e‑chegitoi.

REVELATION 18:20

Kut oi wa d wo si geꞌe s-hehgigk an dahm kahchim ch ed mat i gei ihda pi apꞌekam kihhim. Jesus chuhchai ch Jiosh haꞌichu i tashogiddam ch wehs g Jiosh hemajkamga at wo si s-hehgigk. Jiosh at ab wo abch ihda kihhim g chuꞌijig mo has ha juhkchkahim.

REVELATION 6:10

Idam o si s-kaidam hihnk ch hab kaij, “Si s-gewkam kownal ch si s-apꞌekam ch si s-wohokam, heꞌes at wo i tashk mapt haha wo ha lodai g hemajkam an jewed dahm k ab wo ha mah g s-koꞌok namkidadag heg hekaj mat t-kokda?”

REVELATION 7:15

Heg o hekaj ia gegok Jiosh baꞌich ch ab ihm wehs tashkaj ch s-chuhugam oidk. Kut g Jiosh wo ha nuhkudad chum hekid.