LUKE 17:4 - Tohono O'odham

⁴ Tp hems muꞌikko hab wo juh g pi apꞌekam ab em‑wui hemako tash ed. Mt wabshaba chum hekid ab wo i s‑hoꞌigeꞌel mat hekid gam hu wo s‑ohhod g pi ap e‑chegitoi k ab wo em‑tai g hoꞌigeꞌelig.”

LUKE 17:4 Iomraidhean Croise

MATTHEW 18:16

Tp wabshaba pi ab hu wo em‑kaiha, kumt hemako o gohk am ha wehm wo him k am wo ah g chuꞌijigaj. Kut hab masma gohk o waik wo s‑mahchk g chuꞌijigaj mo id hab masma an oꞌohanas Jiosh oꞌohana ed.

MATTHEW 18:35

“Pegih, t hab wa masma am hab wo em‑juh g ni‑ohg Jiosh mamtp pi hab hu e‑ihbdag amjed wo i s‑ha hoꞌigeꞌel hegam mat ab em‑wui pi ap wo chuꞌi.”

MATTHEW 5:44

Nt wabshaba am wo em‑ahgi mamt pi hegam waꞌi ab wo si ha tatchuad e‑naipijju. Chum o hems g pi ap hemajkam ab si ha tatchua g e‑naipijju ch wabshaba pi heg hekaj wo e doꞌibia. Neh, ahpim amt chum hems g e‑obga wo si ha tatchuad ch am ha wehhejed wo e hoꞌigeꞌidahunad Jiosh wui. Jiosh o chum hems g pi ap hemajkam ab si ha tatchua ch ab ha mahk g tash tonlig ch juhki. Kumt ahpim hab wo chum masmak mo g Jiosh nam pi d aꞌaligaj.

MATTHEW 6:12

Gam g hu hab i juhni g pi ap t‑chuꞌijig hab masma mach gam hu pi chechegitod g ha‑chuꞌijig hegam mat hedai pi ap has chuꞌi ab t‑wui.

LUKE 17:5

Sh hab kaij g Jesus chuhchai ab wui, “T‑kownalig, ab g i geꞌedajid g t‑wohochudadag.”

ROMANS 12:20

K hab ep chuꞌig g oꞌohanaj: Mt wo gegos chum hems g e‑obga matp d wo bihugimkamk. Kutp d wo tonomkamk, mt wo wasibi g shuhdagi. T hab masma am hejel wo i e chegito g em‑obga. Proverbs 25:21-22