LUKE 17:3 - Tohono O'odham

³ Am g wo s‑e nenꞌoidad! “Mt wo ahgi g e‑wehm wohochuddam matp pi ap wo chuꞌi ab em‑wui. Kutp hems ab s‑ap wo em‑kaiham k gam hu wo s‑ohhod g pi ap e‑chegitoi. Kumt ab wo i s‑hoꞌigeꞌel.

LUKE 17:3 Iomraidhean Croise

MATTHEW 18:21

D g Peter ab kakke g Jesus ch hab kaij, “Ni‑kownalig, nant wewaꞌakko ab wabsh wo i s‑hoꞌigeꞌel g ni‑wehm wohochuddam matp haꞌakkio hab wo juh g pi apꞌekam ab ni‑wui?”

LUKE 21:34

“Si g wo s‑e nenꞌoidad mat haha wabsh wo em‑ai hegai tash. Mt am hu pi wo mahchk. Pi g am wo shaꞌi e hiwgid mamt wabsh si muꞌi haꞌichu k ed wo e nakogad ch wo si e gegosidad ch wo nawkkoꞌod ch g e‑kihdagkaj wo e kudutad.

EPHESIANS 5:15

Am g wo si s‑e nenꞌoidk mamt has masma wo himchudad g e‑doakdag ch pi hab wo masmak mam d wabsh pi haꞌichu aꞌamichuddam.

HEBREWS 12:15

Am at wo i wah g bagatalig em‑shahgid mamtp wo dagito g Jiosh hemajimatalig. Am g aꞌai wo si e nuhkudad mat pi hab wo e juh.

JAMES 5:19

Neh, tp hems hema wo heb hu hih g em‑wehm wohochuddam ab amjed g wohokam. Kumt am uhpam wo i nodagi ab amjed g pi apꞌekam. T g Jiosh gam hu hab wo i juh g pi ap chuꞌijigaj k wo doꞌibia ab amjed g s‑koꞌok namkidadgaj.

2 JOHN 1:8

Kumt heg hekaj wo s-e nenꞌoidk mamt pi gam hu hab wo i e juh ab amjed g Jiosh haꞌichu ahga k wabshaba wehs wo bei mo haschu ab em-makiog g Jiosh.