LUKE 12:5 - Tohono O'odham

⁵ Heg at waꞌi Jiosh wo e nako mat am wo em‑daꞌich Jiawul kih ed mamtp pi am hu wo wohog elidad. Kumt heg ab wo waꞌi si has elidad.

LUKE 12:5 Iomraidhean Croise

MATTHEW 10:28

Pi g wo shaꞌi ha ehbidad hegam matp hedai wo chum s‑em‑kokdaim. Pi at wo e nako mas baꞌich i s‑koꞌokam has wo em‑juh em‑kokdak. Heg at waꞌi Jiosh wo e nako mat am wo em‑daꞌich Jiawul kih ed mamtp pi am hu wo wohog elidad. Kumt heg ab wo waꞌi si has elidad.

MATTHEW 25:41

“Kunt hab haha wo chei ab ha wui hegam mant pi ab hu i ha gawulkai, ‘Gam g hu hab wo i e juhni. Ab o em‑mohtoꞌid g Jiosh g s‑koꞌok namkidadag. Pi amt ni‑gegos mani wa d bihugimkam k pi ni‑wasibi mani wa d tonomkam k pi am hu i ni‑wahki e‑kih ed mani wa d ge oꞌodham k pi ab hu ni‑enigadad mani wa pi haꞌichu eniga k pi ni‑nuhkud mani wa mumku k pi am hu ni‑chechga mani wa d lihso. Neh, am amt wo e shul heg eda mehi mo d ha wuikam g jijawul.’

MATTHEW 25:46

“Kut idam am wo e shul pi ha huhugedam s‑koꞌok namkidadag ed. T g s‑apꞌekam an wo i wahp anai mat an hahawa chum hekid wo edgidad g s‑apꞌekam doakag.”

MATTHEW 5:22

Kunt ahni am baꞌich hab wo i ah mamt am wa hugkam ab wo moht g chuꞌijig mo g ha muꞌakam mamt chum hems wabsh wo bagat ab hema i wui k hab wo ah mo d wabsh pad haꞌichu. Ab o em‑wui him mat g Jiosh wo em‑lodai heg hekaj k gam hu wo i em‑wua Jiawul kih ed.

MARK 13:23

Ni wabshaba am heki hu em‑ahgid ihda mamt heg hekaj wo s‑e nenꞌeidad.”

1 THESSALONIANS 4:6

k hab pi ab hu hedai wui pi ap has wo chuꞌi. Heki ach hu am em-ahgid mat g Jiosh s-koꞌokam wo ha namkid matp hedai am hab wo juh ihda pi apꞌekam.

HEBREWS 10:31

Do si s‑ta ehbidam haꞌichu mamt wo muh pi am hu e apꞌechudch Jiosh wui. Hemho wa at gam hu wo em‑shul s‑koꞌok em‑namkidadag ed.

2 PETER 2:4

Si o tasho mo e aihim g lodaita tash. Haꞌi atsh am shul g anghil pi apꞌekam ch ed. Tsh g Jiosh am ha shul s-chuhugam k ed k am ha uꞌukch mat haha wo ha lodai geꞌe lodaita tash ed.

REVELATION 14:7

Si o s-kaidam hab kaij, “Ab g wo si has elid g Jiosh ch ab ihm. E at ai mat wo ha lodai g hemajkam. Ab g wo i tohtonwua k ab wo i ihm g Jiosh. Heg at nahto g dahm kahchim ch jewed ch ge shuhdagi ch g shohshonkam shuhdagi.”

REVELATION 15:4

Wehsijj att ab wo si has i m-el. Pi at hedai wo shaꞌi pi am hu ah map d si haꞌichu nap pi ahpi d si hekia s-apꞌekam. Wehs nahnko mahs hemajkam at ab wo i hihim k ab wo i shul m-wui no pi wehsijj neid g si s-apꞌekam haꞌichu hab m-juni.”

REVELATION 20:14

Pi o an hu oꞌohanas g ha-chechgig heg eda oꞌohana mo an oꞌohanas g e doꞌibiakam ha-chechgig. Kumt hekaj am ha shul heg eda kahchki mo meihim. Id at hab wo masmak mo g gokkokam muhkig. T g Jiosh am wo hugio g muhkig k am ep wo hugio amai mo am haꞌichug g koꞌi.