LUKE 11:2 - Tohono O'odham

² Sh hab kaij g Jesus ab ha wui, “Id amt hab wo chei am e hoꞌigeꞌidahunch: Jiosh t‑ohg, ab ach si has m‑elid ch si haꞌichuchud g m‑chehgig ch tatchua mapt wo i geꞌedaj g e‑kownaltalig ia t‑shahgid.

LUKE 11:2 Iomraidhean Croise

MATTHEW 10:32

“Neh, am amt wo s‑ni‑mahch k ah hemajkam ha tahgio mam d ni‑wohochuddam. Kunt ahni hab waꞌap wo s‑em‑mahch k ah am tahgio g ni‑ohg Jiosh.

MATTHEW 3:2

John jehnigida ash hab chuꞌig, “Gam g hu wo s‑ohhod g pi ap e‑chegitoi. E o aihim mat in wo i wuhsh g Jiosh kownaltalig.”

MATTHEW 5:16

Pegih, mt ahpim pi wo ehsto g s‑em‑apꞌekam k wabsh wo ha hiwgidad g hemajkam mat wo nei. Kut hekaj ab wo si has elidad g em‑ohg Jiosh.

LUKE 11:1

Sh am hu hebai e hoꞌigeꞌidahun g Jesus ch am i kuhgit. Sh hema hab kaij g chuhchaij ab wui, “T‑kownalig, oi g hig t‑mashcham matt has masma wo t‑hoꞌigeꞌidahu hab masma mo wa g John ha mashcham hegam mo ab si wecho e mashcham.”

ROMANS 8:15

ch ab ihm mo d t‑ohg ch pi shaꞌi ehbid.

1 CORINTHIANS 1:3

Ab o wa si s-em-hoꞌigeꞌid g t-ohg Jiosh g t-kownalig Jesus Christ wehm ch ab wo wa baꞌich i em-mahkad g i wehmtadag ch s-ap tahhadkam.

2 CORINTHIANS 1:2

Ab o wa si s-em-hoꞌigeꞌid g t-ohg Jiosh g t-kownalig Jesus Christ wehm ch ab wo wa baꞌich i em-mahkad g i wehmtadag ch s-ap tahhadkam.

GALATIANS 1:4

Jesus Christ at ab s-wohog el g e-ohg k e shoꞌigchud k ab muh kots t ab mat gam hu hab wo i juh g pi ap t-chuꞌijigk ab wo i t-wuwhas ab amjed g pi t-apꞌedag. T g Jiosh ab i wuhshad muhkig amjed.

EPHESIANS 1:2

Ab o wa si s-em-hoꞌigeꞌid g Jiosh t-ohg g t-kownalig Jesus Christ wehm ch ab wo wa baꞌich i em-mahkad g i wehmtadag ch s-ap tahhadkam.

PHILIPPIANS 1:2

Ab o wa si s-em-hoꞌigeꞌid g t-ohg Jiosh g t-kownalig Jesus Christ wehm ch ab wo wa baꞌich i em-mahkad g i wehmtadag ch s-ap tahhadkam.

PHILIPPIANS 4:20

Chum att hekid wo hehgchulidad g Jiosh t-ohg! Chum hekid!

1 THESSALONIANS 1:1

T-wepnag mam am kih Thessalonica t am: Am ant haꞌichu wo i em-oꞌohani ahni Paul. K ia ni-wehmaj g Silas ch Timothy k ch am i ni-wehmaj. Dam woho hemajkamgaj g t-ohg Jiosh ab i e dagitok t-kownalig Jesus Christ wui. Ab o wa si s-em-hoꞌigeꞌid g t-ohg Jiosh g t-kownalig Jesus Christ wehm ch ab wo wa baꞌich i em-mahkad g i wehmtadag ch s-ap tahhadkam.

1 THESSALONIANS 1:3

Ab am si s-wohochud g t-kownalig Jesus Christ ch hekaj chum hekid hab s-junimk g s-apꞌekam. Pihk em-elidadag o hab em-wua mam si chikpanid g Jiosh. Kum si s-gewkam him g e-doakag nam pi si nenida hegai matsh hab wo wa t-juni g Jesus. Id ach am wa wehs s-chegito ch hekaj chum hekid ab hoꞌigeꞌid g Jiosh.

2 THESSALONIANS 2:16

Ab o t-wui si pihk e elid g t-kownalig Jesus Christ g Jiosh t-ohg wehm ch ab si s-t-hoꞌigeꞌel. Kuch heg hekaj ab wui t-gewpkadch.

REVELATION 11:15

Kut g wewaꞌakkokam anghil am hahawa kuhu g e-kuikudkaj. K am haꞌi si s-kaidam neneok ab dahm kahchim t amjed ch hab kaij, “Wehs g kokownaltalig ia jewed dahm at d haha wo Jiosh kownaltaligk. Kut am wo ha dahmkad g si e-kehsha wehm iꞌajed ch chum hekid.”

REVELATION 15:4

Wehsijj att ab wo si has i m-el. Pi at hedai wo shaꞌi pi am hu ah map d si haꞌichu nap pi ahpi d si hekia s-apꞌekam. Wehs nahnko mahs hemajkam at ab wo i hihim k ab wo i shul m-wui no pi wehsijj neid g si s-apꞌekam haꞌichu hab m-juni.”

REVELATION 19:6

Ni hahawa ep kah muꞌi hemajkam. K g ha-neꞌoki hab kaidag mo g s-gewk shuhdagi an med ch hab kaidag mat g tataniki ab si s-kaidam kop. Ha ani kah mo hab kaij: “Ab ach ihm g Jiosh no pi d si uhgk t-kownalig ch uꞌukch g gewkdag am wehs hemajkam ha dahm.

REVELATION 20:4

Kuni hahawa ep neid g kokownal dadaikud ch hegam mo an dadha. Idam amtki ab ha mah g gewkdag mat d wo uꞌusagakamk. Am ani ep ha neid hegam mat e koꞌij no pi am ahgachug hegai Jiosh haꞌichu ahga mo g Jesus am ha tashogid. Idam at pi ab hu shaꞌi has i el g s-ta Ehbidamakam niꞌis g cheposigajkaj ab hu e chechpos e-koka an o e-nohnhoi an. Jiosh at ab ha mah g apꞌedag mat ab wo i wuwha muhkig amjed k am wo i ha wanimedad g hemajkam wehmaj g Christ hemako mihl aꞌahid ab.