LUKE 10:2 - Tohono O'odham

² Sh hab kaij g Jesus ab ha wui, “Neh, muꞌij o hegam mo e nahtokch mat wo e doꞌibia. Kuch eda pi muꞌij ahchim mach am ha ahgidahim g doꞌibiadag ahga. Id o heg wa wepo mat hebai g ha‑hihka wo si geꞌejk. T g ha‑pionag pi wo muꞌijk. Ab g wo si tahnid g Jiosh mat muꞌi wo i ha chuhcha mat am wo ha ahgidahid g s‑kehg haꞌichu ahgaj ch ab wo i ha baꞌihamad hegam mo e nahtokch.

LUKE 10:2 Iomraidhean Croise

MATTHEW 20:1

“Id ant am wo em‑tashogi id hekaj mant wo haꞌichu wepogi g Jiosh kownaltalig. Heg o wepogidas mat g uhdwis oidag enigakam wabsh i siꞌalim am him k haꞌi ha ui g oꞌodham mat am wo chikp oidaj ed.

MARK 13:34

K hab sha masma am em‑wehhejed matp hems hema wo ha hiwigi g e‑kihdag g e‑pionag k wo ha cheha mat has wo masmak hehemako k g kihjeg nuhkuddam ep wo cheha mat wo si s‑e nenꞌeidad k gam hu hahawa mehk jewed wui wo hih. T idam chum hekid wo s‑e nenꞌeidad no pi pi mahch mas hekid ep wo jiwia.

MARK 16:15

ch hab hahawa ha ahg, “Am g wo aꞌai hihim k am wo i ha ahgidahi wehs hemajkam ihda s‑kehg haꞌichu ahgaj g Jiosh ab ni‑amjed.

MARK 16:20

T idam gam hu aꞌai ha ahgidahi g hemajkam g s‑kehg haꞌichu ahgaj g Jiosh. Kut g Jiosh si s‑hasig haꞌichu hab ha juni mat hekaj wo s‑mahchk g hemajkam mo d wohokam g haꞌichu ha‑ahga. [

LUKE 9:1

Am hu hebai, tsh am i ha wai g Jesus g e‑chuhchai. Tsh am wui i e hemapai. Kutsh ab ha mah g gewkdag mat gam hu wo i ha wuwhas g jijawul ab ha amjed hegam mo an ha uꞌukch k wo ha dodaj g kokꞌodam

ACTS 11:19

Kutsh haꞌi hegam matsh wa e gantad matsh hekid i e muhkid g Steven gam hu ahgahi g Jiosh haꞌichu ahga Phenicia ch Cyprus jejewed t am ch Antiok kihhim t am k hegam an waꞌi ha mihshmad Tutuligo.

ACTS 13:2

Kush am hu hebai wehsijj am heꞌekia tashkaj wabsh e hoꞌigeꞌidahun ch hab pi haꞌichu koꞌa. Kush am ha tashogid g Hekia S‑apꞌekam Gewkdag mash g Jiosh hab kaij ab ha wui, “Neh, ab ant ha mohtoꞌi g Barnabas ch Saul mat gam hu mehk wo i ahgahi g haꞌichu ni‑ahga. Kumt am wo i ha dagito mat hab wo wa e juh.”

ACTS 13:4

Tsh gam hu hihi g Barnabas ch Saul mash wa g Hekia S‑apꞌekam Gewkdag am i ha tashogid. Kutsh am ep i ha oi g John Mark matsh am wo i ha wehmt. Tsh idam ged hu dada Selucia kihhim t am. K id an hugidaj an g ge kahchki. K ab hihhim g wapalko. Kutsh idam Barnabas an i chehchsh wahlko ch ed k gam hu aigo i shulig k gam hu dada Cyprus jewed ch ed. Sh am hema kihhimag ch hab e aꞌaga Salamis. Kush am haꞌi chuhch g Tutuligo ha‑chechopi. Sh idam Barnabas am i wahpk ch am ha jehnigid ab amjed g Jesus.

ACTS 20:28

Ab g hejel wo e nuhkudad ch ep wo ha nuhkudad g e‑wehm wohochuddam. Hegam o g Hekia S‑apꞌekam Gewkdag em‑nuhkudachud hab masma mamt wo haꞌi ha nuhkudach g kahwal e‑shoshoiga. Kumt wo s‑chegitok mat g t‑kownalig Jesus ehꞌed e iawua mat am ha wehhejed e muhkid k ha doꞌibia.

ACTS 22:21

“K wabshaba hab kaij g Jesus ab ni‑wui, ‘Am g wa hihm nant pi am i m‑kei mapt am mehk wo hih ha wui g nahnko mahs hemajkam.’ ” Neh, bo kaij g Paul.

ACTS 8:4

Kush wa an wehsko ahgahim g Jesus hegam matsh wa e gantad.

1 CORINTHIANS 12:28

Jiosh at wehs ab i t‑mahkhi matt haschu hab wo junidahid. K id d si wehs ha dahm t‑chikpan mach haꞌi d Jesus Christ chuhchai ch am ahgachugch g haꞌichu ahga ab amjed. K id ab oidch d t‑chikpan mach haꞌi d Jiosh haꞌichu ahga i tashogiddam. K id ab oidch d ep t‑chikpan mach haꞌi d Jiosh haꞌichu ahga ha mashchamdam. Haꞌijj ach s‑hasig haꞌichu hab wua ch haꞌijj uꞌukch g gewkdag matt wo ha doaj ch haꞌijj am i ha wehmaj haꞌi ehp ch haꞌijj am haꞌichu aꞌapꞌechud ha shahgid g t‑wehm wohochuddam ch haꞌijj g pi t‑machiga neꞌokikaj neneok.

1 CORINTHIANS 15:10

Bat wa masma si s‑ni‑hoꞌigeꞌel g Jiosh. Kuni heg hekaj d kehshaj ch chum hems wehs ha baꞌich i si chikpan hegam mo am d chuhchaij. K eda d Jiosh mo hab junihim ihda. Pi ani hejel hab junihim.

2 CORINTHIANS 6:1

Bo chuꞌig an Jiosh heki hu oꞌohana ed mo hab kaij g Jiosh: Ab ant wo em‑kaiham k wo em‑doꞌibia mat hekid wo i e ai g doꞌibiadag tash. Isaiah 49:8 Pegih neh, e at ai hegai tash mamt wo e doꞌibia. Kuch si s‑hemajim am em‑ahgid am wehhejed g Jiosh mamt pi wo heki wua g hemajimataligaj.

PHILIPPIANS 2:21

Haꞌi o hi g hejel e-tatchui am hab elid ch wabsh pi ab hu haꞌichuchud g hab elidaj g Jesus Christ.

PHILIPPIANS 2:25

Ia ant wo cheha g em-kehsha Epaphroditus mat am uhpam ep wo hih em-wui. Ia o i ni-wehmaj hab masma mamsh am ahgid ch muꞌi haꞌichu ni-wehm nakog.

COLOSSIANS 1:29

Ab o si geꞌe ni-mahkch g Christ g gewkdag. Ni heg hekaj am si ni-gewkadch mant wo nahto ihda chikpan.

COLOSSIANS 4:12

K ia ep dak ch am i em-hoꞌigeꞌelid hegai em-wehm kihkam mo hab chehgig Epaphras. Nt wo em-ahgi mo id chum hekid si e hoꞌigeꞌidahun am em-wehhejed ch am ha wehhejed hegam mo am kih Laodicea t am ch hegam mo am kih Hieropolis t am. Ab o tahni g mat Jiosh ab wo i gewkai g em-wohochudadag. Mt hab s-ap wo s-wohog elidad g Jiosh.

1 THESSALONIANS 2:9

Am amtp hu waꞌi s-chegito mach si chikpan wabsh i siꞌalim amjed ch mehk s-chuhugam k ed matt pi haꞌichukaj wo em-kudu.

1 THESSALONIANS 5:12

Ab ach si em-tahni mamt s-ap ab wo ha neidad g e-wanimeddam ch hegam mo am em-mashcham ch ab shohbidch g pi apꞌekam em-shahgid. Do Jiosh hab elida mo hab wua.

2 THESSALONIANS 3:1

Ab g wo e hoꞌigeꞌidahun, t-wepnag, k ab wo tai g Jiosh mat pi ab hu wo e shohbi g haꞌichu t-ahga ab amjed t-kownalig Jesus. T muꞌijj ab wo si has i elid k ab wo s-wohog el hab masma mo am hab e wua em-shahgid.

1 TIMOTHY 4:10

Jiosh at wehs wo ha doꞌibia hegam mat ab wo i s-wohoch g haꞌichu ahgaj k am wo i e gewpkai wui. Kuch ab s-wohochud ch heg hekaj am si t-nakog ch muꞌi haꞌichu ab nakog matt wo ha ahgi hemajkam ab amjed ihda.

2 TIMOTHY 4:5

Pt wabshaba ahpi wo si s‑e nenꞌoidk ch wo s‑e chegitok wehs haꞌichu k ed ch ab wo nako g shoꞌigdag. Am g wehs hab juhni g e‑chikpan am ahgachugch g Jiosh haꞌichu ahga nap pi d piongaj g Jiosh.

PHILEMON 1:1

Ni-wehnag, Philemon: Ia ani kuhpi ahni Paul nani pi ahgachug g Jiosh haꞌichu ahga ab amjed g Jesus Christ. K ia ni-wehmaj g Timothy ch ab s-em-hoꞌigeꞌid. Am ant haꞌichu wo m-oꞌohani, Philemon, s-chegitokch map wa s-ap i t-wehmaj id eda chikpan.

HEBREWS 3:6

Kush eda g Jesus d Jiosh alidag ch d si kehshaj matsh wehs am wo ha dahmkad g hemajkamgaj. Kuch ahchim d hemajkamgaj mattp pi wo dagito g t‑wohochudadag k wabsh s‑ap t‑tahtkk ch wo nenida mat hab wo t‑juni mo has i kaij.

REVELATION 2:1

K hab ep kaij ab ni-wui, “Am g oꞌohanid g ha wanimeddam hegam mo ab ni-ihm ch am kihdag Ephesus t am. Ihda ha wanimeddam at am wo ha ahgi mani hab kaij: “Id o d haꞌichu ni-ahga ahni mani an ha uꞌukch g s-apkojed ni-nowikaj g wewaꞌak huhuꞌu ch an oimmed ha shahgid g wewaꞌak lalampa.