JAMES 3:2 - Tohono O'odham

² S‑ap at d wo oꞌodhamk ch s‑ap wo nuhkudad g e‑doakag hegam matp hedai s‑ap wo nuhkud g e‑nehni mat pi wo pi ap neo.

JAMES 3:2 Iomraidhean Croise

MATTHEW 12:34

Ahpim Palasi am hab sha masma mam d kohkꞌoi ch pi wo shaꞌi e nako mams s‑kehg haꞌichu hab wo chei nam pi d pi apꞌekam ch hemho wa am hab wo chei mo haschu am hab i chuꞌig em‑ihbdag ed.

ROMANS 3:10

An o hab chuꞌig Jiosh oꞌohana ed: Pi o hedai oꞌodham d shaꞌi s‑apꞌekam

ROMANS 7:21

Pegih, boki chuꞌig g t‑doakag mach eda pi ab hu hiwig g Jiosh. Pi att wo t‑nako machs hejel am hab wo junihid g s‑apꞌekam, chum achs hab s‑junimk.

1 CORINTHIANS 9:27

Shonikkashdam o ab si e nakog ch e momoisha. Ni ahni hab wa masma ni‑nakog Jiosh chikpan ed mat pi wo ni‑ohhod heg amjed am i dahm mant ab i em‑wai mamt am hab waꞌap wo junihid.

GALATIANS 3:22

An o hab chuꞌig Jiosh oꞌohana ed mo wehs hemajkam d pi ap chuꞌijkam ch pi wo shaꞌi e nako mas hejel wo e doꞌibia. T heg hekaj wo ha doꞌibia g Jiosh k ab wo i ha mah g pi ha huhugedam doakag hegam mat ab wo hiwgad g alidaj.

COLOSSIANS 1:28

Kuch am chum t-nakog matt wehs wo ha ahgi g hemajkam ab amjed g Jesus Christ k wo ha shohbid k ep wo ha mashcha mat has wo masmak haꞌas mach heꞌes i s-amichud. T hab s-geꞌema wo hihimad e-wohochudadag ed. Kutt am wo ha chehgi Jiosh wui mo hab masma.

COLOSSIANS 4:12

K ia ep dak ch am i em-hoꞌigeꞌelid hegai em-wehm kihkam mo hab chehgig Epaphras. Nt wo em-ahgi mo id chum hekid si e hoꞌigeꞌidahun am em-wehhejed ch am ha wehhejed hegam mo am kih Laodicea t am ch hegam mo am kih Hieropolis t am. Ab o tahni g mat Jiosh ab wo i gewkai g em-wohochudadag. Mt hab s-ap wo s-wohog elidad g Jiosh.

HEBREWS 13:21

Pegih, ni ab tahni g Jiosh mat ab wo em‑mahkad mam haschu i tatchua mamt hekaj am hab wo junihid g tatchuij. Jesus o ab t‑makiog g gewkdag. Kutt ab wo si has elidad chum hekid.

JAMES 1:26

Hegam mo hedai hab kaij mo d Jiosh wohochuddam ch eda wo pi ap neneokad o wabsh hejel e iattogid. K g ha-himdag pi haꞌichu wehhejed s-kehgajk.

JAMES 2:10

Kumt d wo pi ap chuꞌijkamk am Jiosh chehanig ed mamtp chum hems al hemako chehanig wo melchkwua.

1 PETER 3:10

An o hab chuꞌig Jiosh heki hu oꞌohana ed: Pi g am wo pad neneokad ch pi haꞌichu wo ha iattogidad mamtp wo tatchuad mamt s‑ap e tahtk ch in d wo dodakamk ch wo s‑hehgigk.

1 PETER 5:10

Jiosh at ab i em‑gawulkai mamt ab wo i s‑wohoch g Jesus Christ k chum hekid wehmaj wo edgidad g si s‑kehg apꞌedag. Kumt al haꞌas wo i taht g shoꞌigdag. T g Jiosh ab wo em‑mah g gewkdag k hab wo em‑juh mamt wo geꞌegeꞌehogat k s‑wihnam wo gegokkad.