JAMES 1:2 - Tohono O'odham

² Am g wabsh wo si s-ap e tahtkkad mat hekid ab wo em-aꞌahe g shoꞌigdag.

JAMES 1:2 Iomraidhean Croise

ACTS 5:41

Kush wabsh si s‑hehgig idam Jesus chuhchai am i wuwhak natsh pi ab si has i ha el g Jiosh k ab i ha mah g apꞌedag matsh si e shoꞌigch wehhejed g Jesus.

ROMANS 5:3

Chum as haꞌichu t‑kudut, ch eda si s‑hehgig nach pi s‑mahch mo g t‑kudutadag hab t‑wua matt wo s‑chu nakogad.

PHILIPPIANS 1:29

Do Jiosh hab elida mamt pi ab wabsh wo s-wohochudad g Christ ch wabshaba am wehhejed ep wo e shoꞌigchudad.

PHILIPPIANS 2:17

Ab amt i s-wohoch g haꞌichu ni-ahga k am i e dagito Jiosh wui hab sha masma mo wa ab wui haꞌichu e iagchulid. Kunt hemho wa wo si s-ap ni-taht mamt am wui i e dagito, chum anis hems wo ni-muhkid nani pi ahgachug g Jiosh haꞌichu ahga. Id at heg wo wa wepok mat g ni-ehꞌed wo e iawua em-wehhejed hab sha masma mo wa g nawait e iawua ab ab g iagchulida.

PHILIPPIANS 2:18

Pegih, ahpim g ep wo si s-ap e tahtk ni-wehm matp g Jiosh hab wa masma wo haꞌichuch g ni-chikpan.

COLOSSIANS 1:24

Bo sha mahs mach d honshpadaj g Christ ahchim mach ab ihm. Heg atsh si e shoꞌigch t-wehhejed. Kuni wabsh si s-ap ni-tahtk ch am oidch ni-shoꞌigchud mat s-ap wo e nahto g honshpadaj hegam ha hekaj mat hab waꞌap ab wo i s-wohoch g haꞌichu ni-ahga.

HEBREWS 10:34

Ab am ha wehm nakog g shoꞌigdag hegam mat e kuhpach. Ab am wa wabsh s‑ap e tahtk mat wa chum wehs em‑wohppoꞌi g haꞌichu em‑eniga heg hekaj mam s‑mahch mo baꞌich d i si haꞌichu hegai mamt ab bei mat id pi hekid wo ha huhug.

JAMES 1:12

Tt wo si s-ap t-tahtkk matt hekid s-ap ab wo nako g t-shoꞌigdag. Ab o t-mahkch g Jiosh g wechij doakag ahchim mach ab si tatchua ch am wo i t-wahpki e-kihdag ed matt hekid wehs wo gahi wuwha g t-aꞌappemadag.

JAMES 1:16

Haꞌi o chum ha iattogid ch hab chechꞌe mo g pi apꞌekam ab d Jiosh amjedkam. Pi g ab hu wo shaꞌi ha wohochud, ahpim ni-wehm wohochuddam.

JAMES 1:19

Pi g wo s-e hohtkid mamt haꞌichu hab wo chei. Baꞌich o i s-apꞌe mamt wo haꞌichu kaihamad. Pi g am wabsh pehegi haꞌichukaj wo babgat.

JAMES 5:11

nam pi s‑mahch mo g Jiosh ab ha mahkch g s‑ap tahhadkam. Hegai kelibad mash hab chehgig Job ash hab waꞌap s‑e tahtk ch nakog g e‑shoꞌigdag. Tsh g Jiosh am hahawa wehhejed geꞌe haꞌichu i apꞌech. Id o am t‑chehgidch mo si s‑t‑hoꞌigeꞌid ch si pihk e elid t‑hekaj.

2 PETER 2:9

Wehs ihda o am t-tashogid mo g Jiosh e nahtokch mat wo ha doꞌibia g s-apꞌekam oꞌodham ab amjed g ha-kudutadag k s-koꞌokam ab wo ha namkid g pi apꞌekam mat wo e ai g geꞌe lodaita tash.

REVELATION 2:10

“Pi g am wo shaꞌi ehbidad mamtp haschu i s-koꞌok ab wo nako. Neh, mt wo em-kuh. K wabshaba d wabsh Jiawul chiꞌoida ihda. Kut am waꞌi wehst-mahm tash hab wo mahsk ihda em-kudutadag. Am amt wo hihimad e-wohochudadag oidch am hugkam mamt hekid wo i koi. Kunt ab wo em-mah g pi ha huhugedam doakag hab masma mamt g gihko wo mah hegai mat wo ha gewito.