Matiu 4:11 - Tairora South

¹¹ Iesusiva mwitaa tuvaro Saataaniva mwia mwini kyero vuvata nyaamwunyaahua tumu Iesusira kyaahaqa hura.

Matiu 4:11 Iomraidhean Croise

Matiu 26:53

E hia ntapihiananrave iho? Ni kyaahaqa ihua ni kora kyapara hiariro mwiva qamwanrama kyero nyaamwusairo nyaamwunyaahua ntaqihua mwaanra 12 nramwu sitairata qioma tumivarave.

Matiu 4:6

tiqaro, E qutaaqama kyera Kotira mwaaquvanto varirera, mwaaqaataira mpua mwatani hatohira quante. Kotira mpukuqi vahi quava tiqaro, Kotiva iara rieqaro mwiva tirata nyaamwunyaahua iqaa kyuqema kyeta ntaqikyivarave, turave. E ena kyuqu oriqa ntuteqa kyerorave tita, nyaamwunyaahua nkyiari kyauquqo i tu vareta vivarave, turave, tiro. (Sng 91:11-12)

Maaki 1:13

Mwini uro kyovaro Iesusiva 40 entara variqiro vuvaro Saataaniva Iesusirara qora kyaiqa varaarive tiro, mwia mwataara hiqaro taqovaro Iesusiva hia mwia qua riaraitiro, hia qora kyaiqa utura. Iesusiva mwitaamaqiro viqaro qaakyau vahikurivanto nrohi varunani varuvata nyaamwunyaa vaisinramwu tumu mwiaqaa kyuqema kyeta ntaqikyi varura.

Ruku 22:43

Mwitaa tuvaro nyaamwunyaava tumu ntero Iesusira kepukyaqama mwatovaro

Ruku 22:53

Nte nkyivata mpo enta mpo enta Kotira nraamwuqi variqi vi varuqata nkye hia ni ntavaaqavu kyaarave. Qio mate mwaa entava nkyinima vaiho. Mate enta hi inraikyava kepukyaqama kyero ntaqikyi variho, tiro.

Ruku 4:13

Mwitaa tuvaro Saataaniva Iesusira qumina mwataara hi taqero, kyai qaiqaa mpo enta mwia mwataara hiankye timwa kyero, Iesusira qaqira mwini kyero vurama.

Ioni 14:30

Qio mwaa entara mwatani variahuaqaa ntaqikyi variva, Saataaniva, nrumu varihananra tina, mwia kyaara nte hia nkyi kyapata mpuahaa qua qianinrave. Mwia kepukyavanto hia ni qio naatara kyaananrove.

1 Timoti 3:16

Qikye, Kotiva nai qua qovarama kyai quava nronraqama kyero vahi quavama vahiro. Mwataamama vahiro: Karaisiva vaisi mwamwanta varero mwatani qovarama vuvaro Kotira mwanraquravanto mwia qutaa okyara qovarama kyovata nyaamwunyaahua mwia taqora. Karaisira qua mpo mwatanaa mpo mwatanaa timwa nyiqi vuvata mwihua mwianra qutaave tura. Mwihua qutaave tuvaro nraakiara Kotiva mwia vitovaro nyaamwuni vura. Kotiva nronra qua qovarama kyaiva mwitaamama vahiro.

Hivuru 1:14

Nyaamwunyaahua mwihua okyara vahirero mwitaamama vahiro. Mwihua Kotira kyaiqa vaisivanto hia mwamwantavata vaihata mwanraqura nraahu vaihuama varita. Kotiva mwihua airi enta sitaihata uro Kotiva huvantu nyataani vaisihua kyaahaqa hi variara.

Hivuru 1:6

Kotiva nai nraaqiara tauraanaanra mwata mwaini titarera hiro tiqaro, Ekyaa nyaamwunyaahua mwia nrutu nraahu tuaaheraqi quate, turave. (Lo 32:42)