Hivuru 3:8 - Tairora South

^8-9 nkye nkyi haivaqahua Kotira qua rieta qaqira kyeta nkyiari vu aanranraqaa qua raaquta kyeqata vuntema kyeta nkyevata vivorave. Kotiva nkyi haivaqahuara mwitaama tiro, Nte nkyi haivaqahuaqi 40 ihiara kyaiqa varaqina quavata nkyi haivaqahua qumina mwatani variqi viqata nte mwihuani kyaiqa varataavarara hia nronraqama kye riaraitita, mwihua qua raaquta kyeqata nianra mwia mwoqaqa mpo kyaiqa nraahu varaarive tiqata nina nraahu mwataarama kye taqarera uti varuhua varurave.

Hivuru 3:8 Iomraidhean Croise

Matiu 13:15

Mwihua su nyaato mwutukyavanto kepukaqama vihata mwihua nkyiari nyaato titateta nkyiari su qipateta variarave. Mwihua hia mwitaa hiraitita, mwihua nkyiari suqotaita taqeqata nkyiari nyaatoqotaita rieqata ni qua ntapihi kyeta rieqata uaqia hi aanranra qaqira kyaivaqenavauma nte mwihua kyuqema kyaaninrave, turave. (Ais 6:9-10) Aisaiaava Kotiva mwitaama tiho, turave.

Kyaiqa Varora 19:9

Timwa nyuvata mponramwuvanto mwihua su nyaatovanto kepukyaqa huvata hia Porura qua riaraitita, mwiaqaataita mwihua nraakye qora suqaa Porurara tiqata, Nronravanto hinanianra qua aanranra e qiananra uaqia hi quarama iho, tita. Mwihua mwitaa tuvaro Poruva mwihua kyero Iesusira nraaqiaranramwu nraahu sita varero vuva uro mpo nraamwuqi Tiranaasira sikuru nraamwuqi variqaro qua mwakyaakya timwa nyi varura.

Kyaiqa Varora 7:36

Mosesiva vuva uro tiri haivaqahua Isipiqitairo sitarera hiro Isipiqivata kyaarera Nraanre nramanriqiaavata qumina mwatanivata nronra kyaiqa varaqiro vurave. Qumina mwata mwiaqaa 40 ihiara nronra kyaiqa varaqiro viqaro tiri haivaqahua sitaqiro nrumu mwaini kyorave.

1 Korinti 10:9

Tire mwihuaqitai mpo uhua Kotira mwataara huntema kye tirevata Kotira mwataara hiarora. Mwihuaqitaita mponramwuvanto Kotirara hia tiriqaa kyuqema kyero ntaqikyiho timwa kye Kotira mwataara huvaro mwia kyaara Kotiva quaiha vara kyovata mwihua airinramwu kutu taiqa kyora.