NEHEMIA 5:12 - Ombibeli Iyapuki

¹² Opo nee vo tava ti: “Fye ohatu ke shi va alulila ndele itatu fininike sha kuvo. Fye ohatu ka ninga ngaashi ove we tu lombwela.” Ndele nda ifana ovapristeli ndele nde va anifa va ninge pandjovo oyo.

NEHEMIA 5:12 Iomraidhean Croise

ESRA 10:12

Opo nee oshiongalele ashishe sha nyamukula, ndele tashi ti nondaka yopombada: “Heeno, paendjovo doye, tu noku shi ninga.

ESRA 10:5

Opo nee Esra a penduka nokwa anifa ovakulunhu vovapristeli nOvalevi nOvaisraeli aveshe, va ninge pandjovo oyo. Ndele va ana.

NEHEMIA 10:29

va ama kuvakwao ovalumenhu ovanamadina mokati kavo ndele va ana nokwaanenena nokutya, oshinakuwanifwalonga shavo osho okudiinina omhango yaKalunga ya pelwe Moses, omupiya waKalunga, nokudiinina nokuwanifa oipango aishe yOmwene, Kalunga ketu nomalombwelo aye neenghedimhango daye.

NEHEMIA 10:30

Navali, itatu ka yandja ovana vetu oukadona kovanhu voilongo, ndele itatu ka konga ovana vavo oukadona va hombolwe kovana vetu ovamati.

NEHEMIA 10:31

Novanhu voilongo eshi tava eta oipindi noilya i lili nai lili ve i landife mefiku lEshabata, fye itatu lande sha kuvo mEshabata ile mefiku liyapuki. Ndele momudo omutiheyali hatu efa omapya a tulumukwe, neengele itatu di pula.

NEHEMIA 13:25

Onghee hano nde va twifa eemhata ndele nde va tula omutima ndele vamwe vomuvo nde va denga, ndele nde va shila keexwiki ndele nde va anifa puKalunga: “Inamu yandja ovana veni oukadona kovana vavo ovamati, ndele inamu kufa movana vavo oukadona va hombolwe kovana veni ovamati ile kunye vene.

NEHEMIA 5:11

Hano nena nokuli va alulileni omapya avo, oikokola yavo yomiviinyu, omiti davo deemono neengulu davo noshitukulwa oshitifele shomoimaliwa yavo noshomoilya yavo noshomomaviinyu noshomomaadi, oyo mwe i va pa eengele.”

MATEUS 26:63

Ndelenee Jesus okwa mwena. Opo nee omupristeli omukulunhu okwa tya kuye: “Ohandi ku anifa kuKalunga omunamwenyo, u tu lombwele, ngeenge Oove Kristus, Omona waKalunga?”

LUKAS 19:8

Ndelenee Sakeus okwa fikama ndele ta ti kOmwene: “Omwene tala, emona lange ohandi li tukula pokati, ombinga imwe ndi i pe eehepele, ndele ngeenge oku na ou nde mu nyekele ohandi mu shunifile lune.”