LUKAS 18:7 - Ombibeli Iyapuki

⁷ Hano Kalunga ita yukifile mbela ovahoololwa vaye oshinima shavo ava have mu ifana pombada omutenya noufiku ye a fye ounye ngeno oku va kwafa?

LUKAS 18:7 Iomraidhean Croise

2 PETRUS 3:9

Omwene ina fya ounye okuwanifa eudaneko laye, ngaashi vamwe hava diladila nokutya, okwa fya ounye, vati, ndelenee ohe mu tale onheni, osheshi ina hala pa kane nande umwe, ndelenee aveshe ve lialulukile melidilululo.

LUKAS 11:13

Hano nye ava muvai, ngeenge omu shii okupa ovana veni oipewa iwa, unene tuu Xo yeni yomeulu ota yandje Omhepo Iyapuki kwaava tave mu indile.”

1 TIMOTEUS 5:5

Ndele omufiyekadielela omulikaleli ota tula elineekelo laye muKalunga, ota kala mokwiilikana nomokwiindila oufiku nomutenya.

EHOLOLO 6:10

Ndele vo ova ingida nondaka inene tava ti: “Omwene Oove omuyapuki nomunashili, fiyo onaini ito tokola, Ove u handukilile ohonde yetu ovakali kombada yedu?”

2 OVATESSALONIKI 1:6

Kalunga okwe shi tala sha yuka okwaalulila ovahepeki veni omahepeko,

LUKAS 2:37

ndele pefimbo olo okwa li omufiyekadi e nomido omilongo hetatu nanhee. Ye ina dja mo nandenande motembeli, ndelenee okwa longela mo Kalunga oufiku nomutenya nokulidilika nokwiilikana.

MATEUS 7:11

Hano onye ava muvai, ngeenge mu shii okupa ovana veni oipewa iwa, unene tuu Xo yeni meulu ota yandje ouwa kwaava, tave mu indile!

OMAPSALOME 88:1

Omwene, Kalunga kexupifo lange, omutenya aushe ohandi ku ifana, noufiku ohandi ingida mokule koshipala shoye.

HABAKUK 2:3

osheshi emoniko tali ka teelela efimbo la nunwa. Ndelenee ohali endelele kefikilo lalo, lo itali ka puka. Nongeenge ola kala ko, li teelela. Osheshi olo tali ka fika shili, lo itali kala ko.

EHOLOLO 18:20

“Shi nyakukilweni, eulu novayapuki novayapostoli novaxunganeki, osheshi Kalunga okwe shi tokola noku shi kwatela onghone molweni.”

1 OVATESSALONIKI 3:10

manga hatu ilikana shili omutenya noufiku, tu pewe omhito okumona oipala yeni, fye tu wanife eshi eitavelo leni le shi hepa.

OVAKOLOSSI 3:12

Onghee hano ovahoololwa nye vaKalunga, ovayapuki novaholike, djaleni efilonghenda lomomutima, ombili, elininipiko, engungumano noutalanheni,

OVAROMA 8:33

Olyelye ta dulu okuyandja etimba kovahoololwa vaKalunga? Kalunga Oye tuu ou ta yukipalifa.

EHOLOLO 7:15

Onghee vo ove li komesho yolukalwapangelo laKalunga, tave mu yakula omutenya noufiku motembeli yaye, naau e li omutumba kolukalwapangelo ota diki etwali laye kombada yavo.

TITUS 1:1

Paulus, omupiya waKalunga nomuyapostoli waJesus Kristus, omolweitavelo lovahoololwa vaKalunga neshiivo loshili lopatilokalunga,

2 TIMOTEUS 1:3

Ame ohandi pandula Kalunga, ou handi mu longele, nghee sha dja kootatekulu neliudo la yela, ngaashi ihandi efa oku ku dimbulukwa momailikano ange oufiku nomutenya

OMAPSALOME 9:8

Oye mwene ta ka tokola omunghulo wedu mouyuki, ota pangele oiwana pauyuki.

EXODUS 22:23

Osheshi ngeenge oto va fininike, ndele vo tava kuwile nge ekwafo, Ame ohandi ka uda shili onghuwo yavo,

JESAJA 40:27

Akutu Jakob, oshike hano to popi, naIsrael, eshi to ti: Ondjila yange oya holekwa Omwene, neyukifo lange kali po puKalunga?

MATEUS 24:22

Ndele omafiku enya ngeno inaa xupipikwa, ngeno kaku na nande ombelela imwe tai xupifwa; ndele omafiku enya otaa xupipikwa omolwovahoololwa.

MATEUS 24:24

Osheshi otaku holoka, ookristus ovanaipupulu novaxunganeki ovanaipupulu, ndele tava longo omadidiliko manene noikumwifalonga, va pukife, ngeenge tashi dulika novahoololwa yo.

LUKAS 21:28

Ndele ei ngeenge tai hovele okuningwa, taleni pombada nye mu yelule omitwe deni, osheshi exupifo leni ola ehena popepi.”

2 TIMOTEUS 2:10

Onghee ohandi lididimikile ashishe eshi omolwovahoololwa, opo navo yo va mone exupifo li li muKristus Jesus noshinge shaalushe.

1 PETRUS 1:1

Petrus, omuyapostoli waJesus Kristus, okovanailongo ovahoololwa ve li ko, ve lihanena muPontus nomuGalatia nomuKappadokia nomuAsia nomuBitinia,