LUKAS 11:2 - Ombibeli Iyapuki

² Ndele Ye okwa tya kuvo: “Ngeenge tamu ilikana, tyeni: ‘Tate, edina loye nali yapulwe, ouhamba woye nau uye, ehalo loye nali wanifwe kombada yedu yo ngaashi meulu,

LUKAS 11:2 Iomraidhean Croise

1 EEHAMBA 8:43

Mu uda hano meulu, monhele yoye, u ninge ashishe osho omunailongo te shi ku indile, opo oiwana aishe yomounyuni i shiive edina loye noku ku tila, ngaashi ovanhu voye Ovaisraeli, ndele va kale ve shi shii nokutya, ongulu ei nde i tunga, ya lukilwa edina loye.

2 EEHAMBA 19:19

Tu xupifa, Omwene Kalunga ketu, momake ayo, opo oilongo aishe yokombada yedu i shiive nokutya, Oove Omwene auke Kalunga kashili.”

2 OMAFIMBO 20:6

ndele ta ti: “Omwene Kalunga kootate, Oove Kalunga komeulu, ndele Oove omupangeli woilongo aishe yoiwana. Heeno, meke loye omu neenghono nouladi, onghee hano kape na ou ta dulu oku ku kondjifa.

OMAPSALOME 103:20

Ovaengeli vaye nye, hambeleleni Omwene, ovaladi ovanaenghono nye, oonakuwanifa ondaka yaye, ava hamu dulika kelombwelo leendjovo daye!

OMAPSALOME 108:5

Kalunga, fikama u liyeke fiyo okombada yeulu, nefimano loye kombada yedu alishe!

OMAPSALOME 11:4

Omwene oku li motembeli yaye iyapuki, Omwene ou, e nolukalwapangelo laye li li meulu; omesho aye taa tale, neemhafu daye tadi konenene oludalo lovanhu.

OMAPSALOME 57:11

Kalunga, litumba kombada yomaulu, nefimano loye kombada yedu alishe.

OMUUDIFI 5:2

Ino endelelifa okanya koye okupopya, nomwenyo woye okuudaneka koshipala shaKalunga, shaashi Kalunga oku li meulu, ove ou li kombada yedu. Onghee eendjovo doye nadi kale dixupi.

JESAJA 63:16

Osheshi Oove Tate, osheshi Abraham ke tu shii, naIsrael ine tu shiiva. Akutu Omwene, Oove Tate yetu, Omukulili wetu, olo edina loye konale.

HESEKIEL 36:23

Ndele Ame ohandi ka yapula edina lange linene eli la shekifwa moiwana, nye eshi mwe li shekifa mokati kayo. Noiwana tai ka shiiva nokutya, Aame Omwene, Omwene Kalunga ta ti, Ame ngeenge handi mu lihololele momesho avo ngaashi Omuyapuki.

DANIEL 2:28

Ndelenee ope na Kalunga komeulu, ou ha holola oiholekwa, ndele Oye a hololela ohamba Nebukadnesar eshi tashi ka ningwa pomafiku axuuninwa. Ondjodi yoye nomamoniko omomutwe woye momutala woye aa:

DANIEL 2:44

Ndelenee pomafiku eehamba dinya Kalunga ou komeulu ota ka dika ouhamba itau ka teka po fiyo alushe, nepangelo lao itali ka yandjwa koshiwana shimwe. Ndele wo otau ka nyanyaula notau ka teyaula omauhamba aeshe noku a xulifa po, ndelenee woovene tau ka kala fiyo alushe,

DANIEL 7:18

Ndele ovayapuki vaau wOkombadambada tava ka pewa oshilongo, ndele tava ka kala nasho fiyo alushe, heeno, fiyo alushelushe.’

DANIEL 7:27

Opo nee oshiwana shovayapuki vaau wOkombadambada tashi pewa ouhamba neenghonopangelo netumbalo loilongo aishe yokoshi yeulu alishe. Oshilongo shavo osho oshilongo shaalushe, ndele omapangelo aeshe otae va fimaneke, ndele taa dulika kuvo.’

HOSEA 14:2

Indeni neendjovo nye mu alukile kOmwene mu tye: “Dima po omatimba aeshe. Tu tambulila mefilonghenda loye, opo nee hatu ke ku yambela eyambo lomilungu ponhele yeengobe.

LEVITIKUS 10:3

Opo nee Moses ta ti kuAron: “Eshi osho tuu osho Omwene e shi tile, eshi ta ti: ‘Mwaava ve li popepi naame, Ame nda hala okushiivifa ouyapuki wange nomoipafi yovanhu aveshe nda hala okulifimanekifa.’ ” Ndelenee Aron okwa mwena.

LEVITIKUS 22:23

Ndelenee ongobe ile odi ngeenge i noshinhimbu shile unene ile shixupi unene, to dulu oku i yamba eyambo kehalo liwa. Ndelenee ngaashi eudanekoyambo itai mu wapalele.

HABAKUK 2:14

Osheshi edu otali ka yada eshiivo lefimano lOmwene, ngaashi omeva haa tuvikile efuta.

MATEUS 10:32

“Opo nee keshe tuu ou ta hepaulula nge povanhu, naame ohandi mu hepaulula puTate meulu.

MATEUS 3:2

ndele ta ti: “Lidilululeni, osheshi ouhamba weulu we uya popepi.”

MATEUS 5:16

“Osho ngaha nouyelele weni nau minikile moipafi yovanhu, va mone oilonga yeni iwa nova hambelele Xo yeni meulu.

LUKAS 11:1

Ndele opa ningwa, Ye eshi a li monhele yonhumba ta ilikana, eshi a mana, umwe womovalongwa vaye okwe mu lombwela: “Omwene, tu longa okwiilikana ngaashi Johannes a longa ovalongwa vaye.”

OVAROMA 1:7

Kovaholike vaKalunga, ovaifanwa vayapuki muRoma. Efilonghenda kunye nombili yaKalunga Tate yetu noyOmwene Jesus Kristus.

OVAROMA 8:15

Osheshi nye inamu pewa omhepo youpika mu kale vali moumbada, ndelenee omwa pewa Omhepo mwaau hatu ifana: “Abba! Tate!”

1 OVAKORINTO 1:3

Efilonghenda kunye nombili yaKalunga Tate yetu nokOmwene Jesus Kristus.

2 OVAKORINTO 1:2

Efilonghenda kunye nombili yaKalunga Tate yetu noyOmwene wetu Jesus Kristus.

OVAGALATI 1:4

ou e liyandja omolwomatimba etu, opo e tu xupife mefimbo lii lounyuni wopaife opahalo laKalunga, Tate yetu;

OVAEFESO 1:2

Efilonghenda kunye nombili yaKalunga Tate yetu noyOmwene Jesus Kristus.

OVAFILIPPI 1:2

Efilonghenda kunye nombili yaKalunga Tate yetu noyOmwene Jesus Kristus!

OVAFILIPPI 4:20

Ndelenee Kalunga Tate yetu, Oye na fimanekwe alushe fiyo alushe. Amen.

OVAKOLOSSI 1:2

kovamwatate muKristus, ovayapuki novaitaveli vomuKolossi. Efilonghenda kunye nombili yaKalunga Tate yetu.

1 OVATESSALONIKI 1:1

Paulus naSilvanus naTimoteus okeongalo lOvatessalonika, li li muKalunga Xe nomOmwene Jesus Kristus. Efilonghenda kunye nombili.

1 OVATESSALONIKI 1:3

nokudimbulukwa alushe koshipala shaKalunga Tate yetu oshilonga shomeitavelo, nokulihepeka kweni mohole nelididimiko leni meteelelotimaumbwile lOmwene wetu Jesus Kristus,

2 OVATESSALONIKI 2:16

NOmwene wetu Jesus Kristus Oye mwene naKalunga Tate yetu ou a kala e tu hole nokwe tu pa monghenda ehekeleko laalushe neteelelo liwa,

EHOLOLO 11:15

Nomweengeli omutiheyali okwa shika enghuma, ndele meulu omwa udika eendaka dinene, da tya: “Ouhamba wounyuni ou wa ninga wOmwene wetu naKristus waye, ndele ta ka pangela alushe fiyo alushe.”

EHOLOLO 15:4

Olyelye ou ite ku tila, Omwene, ndele ita fimaneke edina loye? Osheshi Oove auke omuyapuki; osheshi oiwana aishe otai uya ndele tai ku linyongamene, osheshi omatokolo oye omayuki a holoka.”

EHOLOLO 19:6

Ndele ame onda uda sha, sha fa ondaka yongudu inene yovanhu nosha fa epopolo lomeva mahapu, nosha fa ondaka yomangungumo manene, sha tya: “Halleluya! Osheshi Omwene Kalunga ketu, Omunaenghono adishe a hovela okupangela.

EHOLOLO 20:4

Ndele nda mona omalukalwapangelo, ovo va kala ko omutumba, voo ova pewa okutokola; ndele nda mona eemwenyo daavenya va tetwa omitwe molwehepaululo laJesus nomolwondjovo yaKalunga naava inave linyongamena koshilyani nokoshiyelekela shasho, ndele inava tambula edidiliko moipala nokombada yomake avo; ovo va ninga omwenyo ndele va pangela pamwe naKristus omido eyovi.